|
والله لو تموت ماسامحتك << لاتكفى سامحني
أنا ماأعرف أنمق وأجمل في الكلام أو أسوي مقدمات عشان كذا بدخل في الموضوع على طول :show111::show111: لما تغلط على شخص أو ممكن تكون ماغلطت لكن هو أساء فهمك ومع ذالك تروح وتعتذر لة مو عشان شئ بس لأنك تربيت على حاجة مهة ألاوهي إنك إذا غلطت تعتذر سواء غلطت على كبير على صغير غلطت على مديرك في العمل على العامل اللي في المدرسة على السواق على الشغالة على العجوز على الطفل على الكل إنت غلطت يعني لازم تعتذر طيب إعتذرنا والحمد للة نيجي للنقطة المهمة وهي كانت الدافع لي وراء كتابة الموضوع ألا وهي ( الشخص اللي إعتذرت منة ) شئ واحد أتعجب وأستغرب منة هالحين أنا إعتذرت طيب لية ماتقبل العذر؟ لية تكابر؟ ليةتحسسني إنك مخلوق ملائكي؟ وإنت عبد من عبيد اللة وكلنا مخلوقين من التراب ومردنا للتراب والمشكلة لما تحاول تتقرب لة وتحاول تشيل الحواجزاللي صارت بينكم ومع ذالك مافية فايدة يعني تعتذر وتبادر إنت بإنك تتقرب لة وبرضة مكابر على إيش مآدري يأأخي ويأاختي في الله لازم تعرفوا إن اللي يعتذر هذا إنسان مو ضعيف في شخصيتة ولا هوشخص غبي أو أهبل مثل مايطلقوا علية الناس ولاتعتقد إن الشخص اللي يحاول يتقرب لك وإنت بكل الطرق تصدة ويحاول ويحاول يتقرب إنة مسوى كذا عشان خاطر عيونك هو سوى هالشئ يرتجى الأجر والثواب وأخلاقة بعد تجبرة يكون محترم مع الكل حتى وإن صديتني بنفسك راح أعاملك بالطيب وفوقهم حبة مسك بعد يعني بإختصار ترى والله الدنيا ماتسوى كون متسامح خلي قلبـ:b15:ــك كبييييييييييييييير وتذكر بس إنت مصيرك راح تغلط على شخص وأكيد راح تعتذر منةوتحتاج إنة يقبل عذرك :show111::show111: الموضوع كان كاتم على نفسي أنا ألحين كتبتة يعني خلاص فضفضت وإرتحت .. بس باقي شئ واحد أبغى أتأكد منة هو أنا فعلاً صح كلامي ولا وش السالفة قولوا خلونا نتعلم من بعض يمكن أكون غلطانة والمفروض ماعاد أعتذر ولا وشرايكم ؟؟ http://gallery.7oob.net/data/media/20/jewelsfasel8.gif {تحياتي } |
مراحب خيتو دلوعهـ
وعافاكِ الله على هذا الموضوع الجميل حلو انك فكرتي تفضفضي بهالمكان وتشوفي أراء الجميع حول الشيء اللي محيرك وقبل ماقول رأيي .. عجبتني المقدمه ماقبل السؤال خصوصا نقطة أننا ( كلنا ) عبيد لله سبحانه وأننا مخلوقين من طين بس يادلوعه وين اللي يفهم هالنقطه زين ..؟ المشكله انو فيه طبقه بهالمجتمع خلاص تشوف كبريائها بما تمتلك ولكن الحقيقه اننا كلنا مخلوقين لعبادة الله وليس للتفاخر بما نملك ............... مشكلة الإعتذار الحين انو صارو الناس مايعتبرونه سبيل ناجح لتصافي القلوب فكثير والله نشوف ناس تعتذر فيكون الرد ( وين أصرف أسفك ) وكأنه سبحان الله ملاك على الأرض مايصير يقبل أسف البشر ولكن دائما الإنسان لما يعتذر هو يعمل بأصله وينظر لربه .. ماراح يفرق كثير رد المعتذر له أهم شيء انك تعمل بأصلك وأخلاقك .. .. عـآفاكِ الله ودمتي متميزهـ بقلمك الجميل |
ياهلا فيك { سعودي العز} أنا والله جد كنت متضايقة من هالموضوع لكن فعلاً كتابة مابداخلك صدقني مريح بشكل رهييييب وبعدين أنا ماكتبت إلا وكلي ثقة بآرائكم جميعاً // أما بالنسبة لتعليقك والله إني ياسعودي إستغرب من هالنوعية من الأشخاص بجد تشوف الواحد تقول إنة مالك السموات والأرض والملك لله وحدة لكن مثل ماقلت كل إنسان يعمل بإصلةوتربيتة وبعدين هذا الشخص اللي ماقبل أسفك أكيد عندة نقص في شخصيتة ويحاول يعوضة هالمسكين عشان يشعر بقيمتة بس تدري وشهو اللي يقهرك إنة يعتقد إنك قاعد تجرى وراة وهو مو معبرك وهو مايدري إن طيبتك وأخلاقك بس هي اللي قاعدة تتحكم فيك جد هذا اللي يقهر يلا أهم شئ تكون مقتنع بالشئ اللي قاعد تسوية ،، هذا أهم شئ // الله يعافيك سعودي على طلتك لموضوعي المتواضع .. تحياتي لك..:99 (24): |
يعطيك العافيه دلووعه ع الطرح الرووعه..
مافيه احلى من التسامح والأعتذار.. الاعتذار لايدل على السلبيه والنقص بل على العكس هو دليل على الشجاعه والثقه بالنفس ,, وهو سبب تصفية النفوس ولو فكر الانسان لوجد ان كل شئ زائل ويبقى الخلق الطيب.. ومثل ماقلتي (( بإختصار ترى والله الدنيا ماتسوى كون متسامح خلي قلبـ:b15:ــك كبييييييييييييييير)) الله يجعلنا دوم ممن يتسامحون ويدمحون الزلات.. / / دلوعه اهم شي ارتحتي وكتبتي اللي بخاطرك ياقلبي^_^ تقبلي مروري وتعليقي البسيط.. دمتي بحفظ الرحمن.. |
أهلين { جود } تسلمين والله على طلتك الحلوة وفعلاً مثل ماقلتِ مارح يبقى إلا الخلق الطيب بس ياقلبي هو القضية مو إني أكتب اللي في خاطري أو لا صدقيني إني ماكتبت لمجرد الكتابة ولو لمجرد إني أكتب بس كان أخذت لي ورقة وجلست أكتب فيها كل شئ يضايقني لكن الأهداف أسمى بكثير ممكن أنتي ماتعني لك لكن فية غيرك ممكن هالموضوع يفوقة ويعرف أن اللي يسوية غلط ^_^ :show111::show111: الله يعافيك على مرورك الجميل كل الود لقلبك ..:99 (24): |
هلا دلووعه ,
يعطيك العافيه ع الموضوع الحلوو وفعلا الإعتذار شي حلو وذا شي اتربينا عليه من صغرنا .. وذوقيا اذا غلطتي او لا تعتذري عشان تسوي اللي عليكِ وبالعكس مو دليل ضعف شخصيه اوغيره دليل أخلاقك وصفا قلبك , وما اتوقع لو الشخص مايهمك تعتذري وهالشي لحاله يكفيه انه يقبل اعتذارك , وانتي عملتي بأصلك فديتك واكييد مو غلطانه بالعكس قمة في الذوق والأخلاق , والبااقي على الطرف الثاني في انه يردلك جزء من ذوقك معاه .. تحياااتي لك قلبوو :show111: |
{ مفاهيم } هلا فيكِ يالغلا
كلامك جداً جميل مثل ماقلتِ إنت ماتعتذري إلا لشخص تحبية ويعني لك الكثير و مو ضروري تكوني تحبية لكن ممن يكون على الأقل فية بينكم درجة من الإحترام لكن بعدين تنصدمي بالأخلاق الحقيقة لهذا الشخص مانقول غير الله يهدي الجميع .. ... مشكورة { مفاهيم } على مرورك ..:99 (26): |
هلا دلوعه
مشكوره على طرحك للموضوع لانه بجد قد صار لي اكثر من مره كوني انا اعتذرت له فهذا يدل على طيب اصلي واخلاقي وانه مايقبل الاعتذار هذا شئ راجع له.... بس صدقيني راح يندم ويرجع >> بس وش عقبه مره تانيييييه تسلمين قلبوووووو |
(المنال الصعب )
قلتيها ياقلبي إنة مايقبل شئ راجع لة ومايهمني أصلاً يعني طرحي للموضوع مجرد تساؤل ليش هم يتصرفوا كذا لاأكثر ولاأقل ^_^ ... الله يعافيكِ على طلتك الجميلة تحياتي..:99 (33): |
أولا وبعد السلام عليكم ... أشكر غاليتنا دلوعه على هذا الطرح الجميل من شخصها الكريم .. وأستأذن معاليها إن تسمح لي بسطور أكتبها تضامنأً معها .. الإعتذار هو ملح الحياة.. وهو مُرَيِّض النفوس .. فمتى مافقدنا الإعتذار راح نفقد أعز مانملك .. ولكن هنالكـ أمور الإنسان بذاته يخجل أن يجد لها عذر .. ومع ذلكـ أنت أدي ما تستطيع تأديته والباقي لست ملزووم بهـ .. وإن كان هذا الخطأ فهي تلاعب بالمشاعر أو فيه إستنقاص لمن أخطيت بحقه .. فلابد من ان تعتذر .. فإن قبل ما أبديت كان بها,,, وإن لم يقبل .. فلست بملزوووم أن يسامحك .. وإن كان الشخص الذي جرحته أو اخطيت على شخصه يغليك .. فعلم بأنه سوف يسامحك لغلاتك عنده .. مجمل كلامي أن الإعتذار سبب ثبات النفوس وراحتها وتضامنها .. [align=center]ولماذا هم يفعلون كذا ... لوجود شرخ أو صدع في عقلياتهم أو شخصياتهم ..[/align] ,,,, دلوعه .. متأسف على الإطاله .. أتمنى أن يكون لكلماتي لو زقاق بين باحات كلماتكم .. دمتي بخييير .. حمـ أإلج ـرح ــودي ..} |
{الجرح أرحم} وعليكم السلام ورحمة الله وبركاتة
عزيزي كلماتك هي التي زادت من قيمة الموضوع وجميلة جداً هذة العبارة {مجمل كلامي أن الإعتذار سبب ثبات النفوس وراحتها وتضامنها } أبدعت في الوصف ^_^ ... شاكرة لك تواجدك تحياتي لك ..:99 (24): |
السلام عليكم ورحمة الله وبركاته
هلا وغلا دلــوعهـ الصــراحهـ ماقــدر ازيــد على الاخوان من قبلي الا أنا الاعتــذار فضيــلهـ حســنهـ قــل من يــدركها عــزيزتي ان الديــهـ عند الكــرام الاعتــذار وكــون الذي يعتذرفهــو الــواجب تجــاهـ نفســهـ وضميــرهـ فهــذا يــدل على حسن التربيهـ والاخلاق الحسنــهـ من صفــاتهـ امــا كــون لايقبــل الاعـتـذار ولايعرف قيمهـ الاعتذار فهـذي صفــهـ ليست حسنــهـ فا الانسان ليس معصــوم عن الخطا فاللهـ سبحانهـ وتعالى يغفــر ويسمح عن الخطـا لمـاذا نحن لانسامح ولا نتقبل الاعـتـذار الاعتذاريصـفي القــلوب ويمحــى الزلل ويكــفي انهـ اعتذار لهـ ولــم يسكــت على خطــاهـ وأسف على الاطـالهـ وتقبــلي مــروري وتعلـيقي واحتــرامي لك |
{ القيصر} هلا وغلا فيك شاكرة لك مرورك وتعليقك وأنا بعد ماراح أضيف على كلامك شئ ماقصرتوا يعني فعلاً زدتم من جمال الموضوع بتعليقاتكم اللي تدل على صفاء قلوبكم تحياتي لكل من مر من هنا .. مودتي للجميع.. |
مرحبا دلوعه ..
اول حاجه اشكرك عالموضوع وكويسه الفضفضه الي مايفضفض يختنق .. ثاني شي اكيد انه الاعتذار تصرف راقي ويدل على ندمك وحسن نيتك .. مع انه مرات تعتذر غصب عنك .. لكن يظل انه تصرف راقي وواعي من المخطيء تجاه الاخر .. قبول الاعتذار يرجع للشخص الاخر اذا يقبله او لا وبعدين مرات يكون حجم الخطاء اكبر من مجرد اعتذار باللسان وبس ممكن انسان يخطيء بحقك ويسبب لك ازمه ومشاكل وبعدين يجي يعتذر وكانه اعتذاره بيحل المشكله وانتي وقتها تكوني صعب تتقبلي اعتذاره وتعتبريه ولا شي عشان كذا لا تزعلي من اي احد مايقبل اعتذارك هذا مو لانه شايف نفسه ملاك بس يمكن يكون الجرح اكبر من الاعتذار ومايقدر يتقبل ,, وهذا طبعا على حسب حجم الغلط الي غلطتيه بحقه وكمان حسب الشخص الي تتعاملي معه مو كل الناس واحد ومو كل الناس يتقبلو اخطاء غيرهم ويمشونها الموضوع يعتمد بشكل كبير على حجم الخطاء وعلى الشخص الاخر الي غلطتي عليه وهو كيف شايف الموضوع وغير كذا تلاقيه بعد فتره نسي والموضوع صار عادي حتى لو ماقال انا سامحتك وممكن يتعامل معك عادي زي اول لكن يظل مانسي غلطك وماقبل اعتذارك بالاخر تقبل الاعتذار اكيد تصرف راقي منك ومافي شخص كامل وسواء الي اعتذرتي له تقبل اعتذارك او لا انتي سويتي الي عليك لكن طبعا لازم تعرفي اذا كان اعتذارك كافي او لا وبعدها تقدري تلوميه انه ماقبل الاعتذار وخصوصا اذا كان زعلان من شغله صغيره ومالها داعي الواحد لازم يكبر قلبه ويمشي حاله بالدنيا والله لو يدقق ماراح يعيش مرتاح ولا ساعه يعني خذي الحكمه طنش تعش تنتعش واسفه عالاطاله تحياتي |
kiity
ياهلا فيكِ يالغلا إية أنا فضفضت بس لسة ماوصلنا للإختناق خخخخ الله يستر بس الحياة مليئة بالمواقف الصعبة ولازم نكون أقوياء جد كل كلمة قلتيها رآآآآآئعة بكل معنى الكلمة الله يعافيكِ على مرورك وأبد ياقلبي لأتتأسفي على الأطاله ولاشئ المطرح مطرحك ^_^ |
| الساعة الآن 11:20 PM. |
Powered by vBulletin® Version 3.8.8
Copyright ©2000 - 2025, Jelsoft Enterprises Ltd.