|
شوفو البنات ايش صارو يكتبون على عباياتهم...؟؟
شوفو البنات ايش صارو يكتبون على عباياتهم...؟؟ ________________________________________ يغمرني الأسى ويحز في نفسي أن أكتب لكم وأصف جريمة تقترفها الفتاة في حق نفسها...... الظاهرة التي انتشرت وبشكل فظيع وهي كتابة عبارات سفيهه ومبتذله على عبايات النساء منهم من تكتب على العباية Follow me أي إلحق بي <<<< وكأن الناس مايفهمون باللغة واللي تكتب إسمها وتزخرفه كانه نك نيم والا بطاقة جامعيه واللي تخط حرفها بالخط العريض اللامع على ظهرها واللي من كثر الإعتزاز بقبيلها تكتب (اسم قبيلتها) وأفتخر خلاص كل الناس تفتخر باصلها وبقبيلتها بس مالقيتى الا هالطريقة تتفاخرين فيها والأدهى.... والأمر.... واللي يصرع.... اللي تكتب لك (( إذا في امك خير إلحقني )) إما انها تهدد <<<< وكنها تقدر تطق وأيضاً البنت اللي كتبت عنها حتى الجرايد الخليجية واللي كانت كاتبه على عبايتها (( أتحداك تلمسني )) عرض صريح.......؟؟ ماناقص الا تكتب عليه....... تخفيضات 50% على اللي يلمسنى والي عباتها عليها صورة الملك عبد الله وسيفين ونخله ... طبعاً بالألوان .......... !! اذا انتي وطنيه لهدرجه سوي العبايه وخليها بالبيت ؟؟؟ أعزائي القضية هنا ماتمس العادات والتقاليد فقط تمس الدين أيضاً....... الظاهرة هذي نتاج شخصيات متقلقله تافهه غير واعية فاقدة للتمييز شخصية يطلق عليها مايسمى بالإمعه........ فهي بدأت ومن ثم انتشرت وكيف انتشرت.........؟؟ كل هذا نتيجة لسطحية التفكير وضعف الوازع الديني وفقدان السيطرة على زمام الأمور وإيجاد حل للمشكلة بعقلانية وتروي وإنضباط هذي نتيجة ........ ارخاء العصا وعدم مسكها من النص ماهي الفتاة بدون عفه وحياء وشرف؟؟ وماهو الحجاب إن لم يكن يؤدي الغرض الذي شرع من أجله؟؟..... السؤال...اين اولياء الامور...اين الاب؟ ...من اشترى تلك العباءة؟.... موضوع اثارني وحبيت انقله واتكلم فيه |
مجنونها
تسلم على الطرح بجد وين اهاليهم عنهم وكل اللي يكتبون كذا يبون يلفتون الانتباه >> ماشافت احد ملقيها وجه قالت اتحداهم الله يهديهم |
هلابك أخوي مجنونها
وعافك الله على هذا الموضوع المؤلم بمضمونه ولكن هنا نتأكد أن الحملات الغربيه وصلت لمغزاها وللأسف طاحو بناتنا في فخ مصيدة أعداء الإسلام ............... المجتمع الغربي يعرف ان قيمة الأنثى لدينا بحيائها فمتى مانقشع هذا الحياء والعفه ..؟ راح تكون أخلاقها مثل أخلاق بناتهم وبكذا يصير عندنا التفتح اللي يبونه وكل هذا يحصل إذا صار فيه جهل للأمور الدينيه عندنا أو بالأصح ( تنطنيش ) للأمور الدينيه المختصه بهالشأن لأن مافيه جهل الحين واحنا نشوف الطفل واهو بالروضه يعلمونه كيف ينطق الشهاده فكيف بأهل الدراسات العليا وغيره ..؟ ............................... وللأسف انو الملحوظ على المجتمع السعودي من كم سنه بسيطه انه صار ينجرف خلف أي شيء ولا يبالون لديانتهم ولا عاداتهم وتقاليدهم بعض البنات عارضو وبشده على منع عباياة الكتف وقالو انها عادي تستر مايعرفون انو السبب في منعها .. الخوف من مابعد الكتف بالبدايه على الراس وبعدين على الكتف وبعدها يكتبون عليها < تسلسل مدروس والله العالم بكره وش يصير ووين يوصل بنا الحال .. .. لكن دائما تعودنا ان كل ردة فعل تكون ناتجه من فعل معين فكل من تعمل هالأشياء يكون الفعل اللي ناتج عن هالشيء هو ( نقص التربيه ) مو معقول أبدا تيجي بنت متربيه على الدين أولا وعلى العادات السليمه ثانيا وتعمل مثل هالأشياء اللي تخل بمجتمعنا وسلوكياته ...................... السؤال...اين اولياء الامور...اين الاب؟ ...من اشترى تلك العباءة؟.... ...................... ياعزيزي الحين بعض العوائل صار ولي الأمر هو السائق الأب والأخ مايشوفون بنتهم الا بالبيت وهي لابسه لبس البيت عادي وماحد يشوفها بلبس العبائه الا السائق بحكم انه ملازمها على طول بطلعاتها عشان كذا لو فيه نصيحه لأولياء الأمور بهالخصوص وجهها للسائق واختصر على نفسك الطريق ولو كلمة ولي الأمر رح يقول لك ابدا بنتي ماتعمل شيء مثل كذا والله لايلومه .. أصلا متى يشوفها واهي لابسه كذا وهو مسلم الخيط والمخيط كله للسائق لكن مانقول الا يالله العفو والستر على كل المسلمين ................ كل الشكر أخوي ودمت بخير ان شاء الله |
موضوع مميز وملفت والاسف عادهـ انتشرت في مجتمعنا
اصبحت العباه هي عاده وليس عباده لاسف قله الوازغ الديني وعدم مراقبه الله في كل شي وابتعاد اولياء الامرو هو السبب ..هي حرب اهليه لتدمير المره المسلمه لاسف البعض تلبس العباه ولاتعرف معنا الكلام المكتوب على ظهرها لاسف هاذي انتشرت حتى في بدل الشباب ولباس الاطفال ... صار الغرب بس يفصل وحنا يالعرب نلبس مايهم وش كان المهم شي ملفت لانظار .. العباه هي ستر لمره هي ماجورهـ عليها يجب ان تتقيد في امور دينها ... والاسف الغرب يعرف ان لايستطيعوا ان يطيحو في الاسلام الا عن طريق المره لابد من تدمير المرهـ اولا وتدمير دينها واخلاقها ... فهي مقصوده ... فلاتكوني بوابهـ عبور لي اعدئنا تقبل مروري وشكري لك على الموضوع الرائع |
[align=center]
أتفق مع أخوى القيصر وندعو لنموذج هذا من البنات بصلاح والهدايه وأضيف > بداء الاسلام غريب وسيعود غريب كما بداء فنسأل الله الثبات اللهم أمين ونسأل الله أن يهدى شباب وفتيات ألأمـه الإسلاميه شكرا لك لطرحك هذا الموضوع دمت بخير [/align] |
[read]مشكور اخوي ع الموضوع المهم بس عندي ملاحظه وين ردود البنات ع الموضوع هاذا[/read]
|
ماقول الا الحمدلله والشكر .. والله يهديهم بس
على فكره هذولا الي يزخرفون ويكتبون خرابيط عالعبايه يتخذونها وسيله للفت الانتباه والتميز على غيرهم يعني هم شايفين انفسهم كشخه مررره>>> من جنبها والله ولاحد يقول شي عنهم لانه مايفهم الكشخه معا نه والله شكل العبايه يطلع يضحك اذا قامو يكتبون فيها الخرابيط ذي وزي ماقلت هم عادينها كشخه ومو شايفين اذا كانت صح او غلط هذا مو مهم والاكثريه منهم شايفين انه صح وغير كذا يقولون انا صغار واذا كبرنا بنعقل والله يهدينا >> امين بس المِشكله اذا احد تعود على شي صعب يتركه والدليل انه مو بس بنات صغار الي يسوون هالحركه ..فيه حريم كبار متزوجات وعندهم عيال اطول منهم ويلبسون العبايه الي مخربش عليها بكلمات يمكن مايعرفون معناها كيف يربون عيالهم مدري !! مجنونها يسلمو عالطرح لاهنت تحياتي |
مروركم اسعدني
فهودي ننتظر لعل وعسى خخخخخخخخخ |
مجنونها اولا أشكرك على موضوعك الرائع ثانيا أشكرك على غيرتك على الدين وعلى بنات المسلمين والله اللي نشوفه بالأسواق شيء يشيب له الرأس أحيان أشوف واتحمد الله وأحيان أضحك على الشكل لكن بصراحة من سمح لتلك العبايات بالدخول لدول الخليج هل هذا هو الحجاب الحقيقي وأين أولياء الأمور هل سمحوا لها بتلك العبائة لأنهم (ديوثون) أي لا غيرة لهم وبصراحة هي تلبس تلك العباءة للفت النظر لها ولكن لا تعلم أن من يراها يتحمد ربه ويستغفره على ما ابتلينا به ودمتم في حفظ الرحمن |
الله يعطيك العافيه
على الموضوع الرائع والذائع في مجتمعاتنا ليش كل هذي المهزله؟ ليش ؟ الحين هم بدالهم موخايفين من الخالق وشلون تبوهم يخافون من المخلوق بصراحه المشكله باالتربيه فين الاب وفين الام فين الاخ الغيوووور على اختووووو وغيرها بس ما قول الا الله يستر علينا ياااااااارب همس الحب:585 (13): |
| الساعة الآن 03:29 PM. |
Powered by vBulletin® Version 3.8.8
Copyright ©2000 - 2025, Jelsoft Enterprises Ltd.