منتديات لك عيوني - [شسوي بـ قلب متعوِّد يشوف العيد ، في عينك ! ]

[frame="13 98"]

..{..

http://www.shathaya.com/go/dir/22/0-1el3eed.jpg

مثل ذيك السنه وأكثر أنادي والنِدى : ما يفيد
بـ قلبي شوق لو حسّيت به .. يقلب موازينك

أردّد " عيدك مبارك " عسى كل عام وإنت سعيد
وقلبي يرتجي وصلك . . . يا غالي ، وفاقدٍ زينك

حبيبي هالزمن يضحك ، على جرحي . وإنت بعيد . .
وجيت من الشتات أسأل بعد جرح الزمن . . وينك ؟

أنا ما جا على بالي غيابك إنت بـ التحديد ،
{ عنادك } . .
ليش ضيَّعني ؟
وقف ما بيني وبينك !

لك الله ، كل ما أضحك ألاحظ هـ الجروح تزيد !
تصدِّق [ ضحكتي ] صعبه علي , وسهله بـ إيدينك . .

أقول إن الأمل : باكر ,, يجي بكره ، بجرح جديد !
ورغم كل السنين اللي مضت لي . . { تكرم سنينك }

أنا ما جيت أبي منِّك , بعد جرحك . . تفك القيد :
أبيك تحس في ( قلبٍ ) . . رفض ينساك ويدينك !

إذا يرضيك تستقبل بدوني . فرحتك بـ [ العيد ] ؟

شسوي بـ قلب متعوِّد يشوف العيد ، في عينك !
شسوي بـ قلب متعوِّد يشوف العيد ، في عينك !
شسوي بـ قلب متعوِّد يشوف العيد ، في عينك !

إذا عادي الزمن يضحك على جرحي وإنت بعيد ؟
على هذا البرود اللي تعيشه . . .
( الله يعينك ) !
http://www.shathaaya.com/vb/images/smilies/i.gif
0

دايم تفارقني قبل حزّة العيد . .
وأقول صدفه يعني هالشي [ وارد ] !
توّي عرفت المسأله بكل تأكيد :
ما يجتمِع عيدين في وقت واحد !

لـ / شآعرها / احمد الصانع http://www.x1x1x.com/vb/images/smilies/049.gif

..{..

[/frame]