|
الجيل السعودي الجديد؟؟؟؟؟
الجيل السعودي الجديد؟؟؟؟؟ -------------------------------------------------------------------------------- كان يا ما كان قبل 10 سنوات او حولها كنا لما نمشي في ديرتنا ونشوف اجنبيه فاتشه تطير عيوننا .. نقول وش هذي .. يا ساتر .. :b55: =================== كان يا ما كان قبل ثلاثة ايام افتح ايميلي واشوف رساله من قروب مشهور... صور لبنات ويتفاخرون انهم سعوديات ..! السعوديه فخر بس للأسف ما يستاهلون يرفعون هذا المسمى على الصور الي كانوا طالعين فيها مثال .. صورتين لـ 6او 7 بنات..صافات..عالجدار وملقينا ظهورهم..ومرفعات يدينهم (كأنهم معاقبات).. ومنزلين البنطلون..ونص البتاع طالع.. قله الحيا هذي مهيب مقبوله!! 10 سنوات فتره موب قليله .. كيف وصلنا لهذي الدرجه من فراغ الاخلاق . ؟؟ الصيف اللي راح.. للأسف غلطنا ورحنا مصر .. وما ادراك ما مصر .. مع الحرص الشديد الحمد لله للابتعاد عن اماكن الفساد .. لأنه يوجد فيها فساد اكثر من الدول الغير عربيه صراحه!! ويلومننا ليه نكره الدول العربيه! رحنا لمطعم سقيم..طلع فيه واحد عالستيج.. ومسك المايك وقال ((احلى تحيه لشعب السعوديه)) وتصفيييييييييق..!! .... ارجع الحين لصلب الموضوع.. ليش صرنا نشوف صور كثيره.. وعناوين الصور ((سعوديات..سعوديات..سعوديات)) لو نتفرج عالصور.. نلقى رجول.. نلقى جزم! نلقى اساور خضرا<<يعني ترا حنا سعوديات.. والفيس بوك عاد..والهاي فايف.. انواع الصور اللي مدري وش اقول عنها شفايف.. * * *... عيون.. ونادر ما تلقى وحده حاطه وجهها.. على فكره.. اللي تحط صوره وجهها,, محترمه اكثر من اللي ترزز اشياء ثانيه!! يعني عشانكم تتغطون..تروحون تصورون ذا الصور..! تمنيت اني اطيح على بروفايل احد..والقاه حاط اسم كتاب حلو نقراه..خاطره حلوه من كتابته.. موقف مضحك مر فيه..موقف مؤثر.. او اذا كانت او كان.. يعشق التصوير.. ليه يصور هالاشياء السخيفه..؟؟ اللي ما تدل الا على سخافه تفكيره؟؟ اذا يحب التصوير..ليه ما يحترف..ويصور صور فوتغرافيه احترافيه..وراح يبدع فيها!.. ليه كل اللي اشوفه..بربسه حكي.. واحيانا قله حيا!! لا صراحه.. موب احيانا.. غالبا.. وش هالفضاوه في العقل لدرجه انكم تصورون يدينكم.... رجلينكم.. ولا ((شنطكم الماركه)).. يمكن الفضاوه.. اقدر اتقبلها.. او ابلعها..لأن احيانا نسويها حنا انفسنا.. من كثر الفراغ اللي حنا فيه.. او يمكن شكل الصوره حلو.. بس ان الوحده تجي تصور مقفاها.. هي وخوياتها.. وكاشخه بالجي سترينق!! والمنتديات والقروبات السعوديه تتسابق لنشرها .. بعدين انتي ياللي مصوره انتي وخوياتك.. يعني انتي همك الوحيد ما يشوفون وجهك عشان محد يعرفك.. بس مقفاك.. شفايفك.. و* * * *...... عادي يشوفونه ؟ لأن المهم عندك الناس.. موب الله ...!! طيب صورتك قدام نفسك.... ما تهتز انك سويتي شي حقير ووضيع مثل هالشي؟؟ اصلاً اصلاً.. كيف صورتوا صوره زي كذا.. يعني ما استحيتوا من بعض يا بنات؟؟ عيب يعني...... يعني عشانكم بنات مع بعض عادي تورون بعض يعني؟؟ ولا اقولكم..انا نسيت انكم ناشرين الصور للشباب..... فما يهمكم البنات..! يعني صدق شي يضيق الصدر.. بنات سعوديات مسلمات في مجتمع مثل مجتمعنا يسوون زي كذا.. ودي اعرف امك..وابوك..وش بينظرون لك بعد ذي الصور؟؟ حرام..اهلكم ربوكم احسن تربيه.. بس انتم للأسف ما ربيتوا انفسكم.. فيه شي اسمه تربيه النفس.. بس انتم تتبعون اهوائكم.. او خليني اقول مخكم الفاضي!! ولا قروب ثاني سعودي برضه... ..والصور اللي ناشرينها.. ذوليك عاد.. متبرقعات..وبعابياتهم..متكحلات..ومسوين حركات غبيه ومصورين..! طيب.... وبعدين؟؟ ابي افهم وش الهدف؟؟ مره وناسه؟؟ مره يضحك؟؟ مررررره كوووول انتم صراحه!! طبعا ترى الكلام موب موجه للبنات فقط.. .. لأن يوجد عندنا وبكثره رجال عقول فاضيه.. اللي همهم نوم واكل.. ..وفلوس ياخذها من ابوه ولا امه! تطوروا شوي.. ارتقوا شوي..اطلعوا بصوره احلى من كذا.. انتم عارفين ان النت اكبر وسيله انتشار.. قبل فتره.. في ام بي سي فور.. برنامج من برامجها عارض بروفايلات لبنات سعوديات.. باسماءهم.. طبعا موب اسماء حقيقه.. ! !! شفايف و اساور وشنط و* * * * ومدري وشو.. علقوا على هالشي باننا متكمكمين بعبايتنا عشان كذا نروح عن انفسنا بهاذي الطريقه.. ما تستحون؟؟ صوركم قدام انفسكم!؟ ما تهتز؟؟ انشرو شي حلو,,...حاولو تطلعون بشخصياتكم الحقيقيه.. موب تصيرون مثل الفنان الفلاني.. ولا البنت الفلانيه.. ليه بس تنشرون الشي الشين؟ انواع المقاطع الشينه تنتشر.. انواع الصور الشينه تنتشر.. ليه؟ وش استفدت؟؟ غير الذنب واالأثم.. انك خليت احد يشوفها.. وانك نشرت شي مو كويس عن المسلمين! اقولكم شي؟ شفتو كتاب (بنات الرياض) قريته..صراحه كل اللي فيه واقع..اشياء فعلا تصير عندنا..طبعاً لفئه معينه من الناس.. بس تدرون ان الكتاب تترجم لاكثر من 22 لغه؟؟ تدرون انهم برا يدرسون الكتاب .. فيه دوله من الدول يدرسونه؟؟ تخيلوا؟؟ يا حلّو الثقافه اللي يتثقفونها بس ..!! يعني الحين اللي برا..يدرسون الكتاب كنص سعودي ادبي يمثل حياة السعوديين.. كله سلبيات في سلبيات,,!,, مثلا احنا الحين ندرس..روبنسون كروزو في الجامعه.. على اساس انه نص انجليزي يمثل الحياه الدينيه والسياسيه الاجتماعيه في هذيك الفتره.. هم يدرسون (بنات الرياض) لتمثيل المجتمع السعودي! ااااخ بس انا ما الوم رجاء الصانع على اللي كتبته..لان في شي من الي كتبته حقيقه .. و اللي كتبته اشوفه بعيني عندنا.. وكل اللي سووا عليه ضجه.. هذولي يبون يعترضون لمجرد الاعتراض.. ليه تعترضون؟؟ لييه؟؟ ما تشوفون بناتكم؟؟ ما تشوفون عيالكم؟؟ ما تشوفون مجتمعكم كيف !! ليه تنكرون كل اللي بالقصه وانه موب موجود! الا موجود ونص والدليل هاللي نشوفه بالنت والسوق والجامعه وكل مكان! شلون الواحد يصلح مجتمعه؟؟ بأنه يغطي على اغلاطه ولا يحكيها عشان ما ينفضح قدام الاجانب والناس! بس عادي يدشرون ويخربون وكل شي.. بس ما ينتشر عنهم شي! ويستمرون بنكران كل قصص الدشاره والصياعه اللي عندنا بحكم اننا سعوديين.. مدري يمكن قصدكم سعوديين.... ناس طاهرين! غلط ! كل دوله بالعالم فيها الصالح والطالح.. البيت الواحد فيه الصالح والطالح.. ما تحبون احد يحكي فيكم ابد.. بالرغم من كل الاغلاط بحياتكم.. قبل فتره سمعت انهم رحلو هشوم الرياض.. الى ديرته الحقيقه (سوريا) وانه لا يمت للشعب السعودي بصله! كأن ما عندنا سعوديين من هالجنس!! =============== ليه ما تصلحون ايميلات تعود لكم بالفايده؟ وتحسن سمعتكم! وتظهر الجانب الحلو في كل سعودي وسعوديه؟ بقولكم مثال..لوحده اعرفها شخصيا.. قبل ما ينتهي رمضان.. ارسلت مسج لكل اللي تعرفهم..وقالت انهم بيجمعون فلوس هي وبنات خالاتها.. وبيروحون يشترون العاب..وحلويات..ويرسلونها لجمعيه الايتام..وفعلا جمعو.. ووصل المبلغ لين 22الف.. كله من بنات عشرينيات في العمر..كلهم تحمسو لهالشي.. كلهم اتشغلو وشرو العاب..وحلويات.. شرو ميك اب..وشرو اشياء ثانويه الجمعيات ما توفرها للمحتاجين والايتام.. يعني البنات فكرو بتفكير مررررره حلو ...فكرو بالاشياء اللي يحتاجونها الفقرا..ويفرحون فيها,, بس ما توفرها لهم الجمعيات لانها مهيب ضروريه مثل الاكل والبيت والملابس,, يعني هالمثال صراحه اوقف واصفق له بحراره.. هذولي هم السعوديات اللي نعرفهم!! ================== شله شباب..اعرفهم بعد.. طبعا هم نجديين..طالعين لجده..في رحله بحريه..وصادو كميه لا بأس بها من السمك.. تدرون لو باعوا السمك.. كم يبيجب لهم؟ تقريبا 4 الاف ريال .... بس هم كانت نواياهم اهم من الفلوس.. اخذو السمك وودوه لمنطقه فيها ناس فقرا.. وتصدقوا به.. ==================== برضو حمله تبرعات الراجحي.. ترى اكثر من تبرع فيها شباب.. يعني فيه ناس تشتغل.. فيه ناس عندها اهداف.. تفكر صح موب بس بالنت.. حتى برا النت,, سواء بنات او شباب.. نبغى جيلنا السعودي الجديد ينتشر عنه كل شي حلو.. انا ما اقول انكم ما تنبسطون... بس برضه بحدود.. موب عشانكم ورا الشاشات .... الأمر يعني عادي؟؟ (هياط ورا الشاشه = مرض) الصور اللي من النوعيه اللي ذكرتها في البدايه.. بطلوا تنزلونها النت.. بطلوا تحطونها بالبروفايل حقكم.. ترا صدق يعني هالشي ما يبين الا فضاوه عقولكم....لأن هالبروفايل يبين شخصيتك.. اي احد يشوف هالصور..والا يجيه ايميل من هالنوعيه.. يبطل ينشرها.. لأنها يساعد على انتشار هالظاهره..لأن التقليد عندنا اعمى!! ====================== وابي اتطرق لموضوع دخل فجأه معاي .. بس لازم اعلق عليه(( فضيحه بنت .. الخ)) هالنوعيه من الصور والفيدوهات.. ترا عليكم اثم لو نشرتوها.. حرام.. يعني ما تخافون من ربي؟؟ اولاً نشرت شي حرام. ثاني شي ما سترت على بنت او ولد الناس.. ما تخاف ربي يفضحك بشي بعد سنه او 2 او 100!! قال الرسول صلى الله عليه وسلم (من ستر على مؤمن بالدنيا,,ستر الله عليه بالاخره) اتمنى ان موضوعي هذا ينتشر بنفس الطريقه اللي انتشرت فيها هالصور.. يهمني الموضوع ينتشر في المنتديات السعوديه.. اكثر من المنتديات العربيه.. واتمنى انكم ترسلونه لااكثر من منتدى وايميل.. لأننا نحاول نناقش قضيه سعوديه داخليه..ومافيه مجتمع ما يخلو من الاخطاء.. ابغى اذا احد قال((احلى تحيه لشعب السعوديه)) وعادها 6 او 10 مرات.. اعرف ليه قالها.. واقول معي حق اني اصــفــــــق.. تعليق : واعرف من فضل الله ان الغالبية العظمى من المجتمع السعودي بعيدة عن هذه الأمور.... انشرها راح تكون ساهمة بتعديل مجتمعنا السعودي...ولك الاجران شاء الله.. والله يحفظ بناتنا وعيالنا للامانهـ الموضوع منقوووووول .... اتمنى من الجميع المشاركهـ ,,,, اببببببييي كل واحد يدخل يقول ررراااايه بكل صدق |
الحقيقه الموضوع فيه نقاط كثيره لوبتكلم عنها ماراح اوفي
لكن كل كلمه صيغت وكتبت كانت صحيحه والموضوع جدا مؤثر الحقيقيه الموضوع ماخلى وبقى شي لنقاش لازياده على الكاتب شكرا لك نضره تقبلي مروري |
اقتباس:
|
ياااااااربي ع الجرح هالموضوع
وربي الحال صار يقهررررر في الفيس بوك والنت لوق عجآآآآآآيب تجين تشوفين الصور < صور مين هاذي؟ وحده من الرياض .. وحده من جده .. و و و ...الخ وليييه ؟؟ اش استفدتي ؟ خلاص استعرضتي بنفسك ياااافرحتك < الا ياااااسخافتك ومثل ما انذكر في الموضوع مصورين اجزآآء < !!! وفيه اللي مصورين وجوههم بس وربي غالبيتهم محتشمين صح خلعت حجآبهآ وعبآيتهاآ بس اهوووووووووووون من غيرهآآ < وبرضوو لآ تخلوو من السخآفهـ والشبآب ؟؟؟؟؟ السيآرآآآآآت انوآع السيآرآت إلغآليهـ طيب يعني انت ولد نآس صح ؟ ليه تصرفآتكـ عاكسهـ تربيهـ غلط وعاكسهـ انحرآآآآآآآآآآآف ؟ ياليييييت بس جت ع الصور اللي ينزلوهآ وسيآرآتهم وملآبسم المآركهـ < جآبوا شي صعب صرآحهـ !! بس القهررر الكلآم والعبآرآت اللي تنقآل و و و .... مآخفي كآن أعظم صرآحهـ الموضوع كل كلمه فيه صحيحهـ وصعب نناقشهـ كلهـ ماااابنخلص .. وفي غيييييييييير اللي انذكر اشيآء كثيييرهـ وربي تبكي بجد صرت أحزن على حآل بنآتنآ وشبآبنآ ليه وصلوا هالمواصيل ليه صآر الدين آآآآآخر اهتمآماتهم؟؟ صآر الخوف من الفضآيح والعوآقب الدنيويهـ كل الهم غيرهـ مافيه شي يذكر < !!! ع العموم مآ بطولهآ لأن يعز علي اتكلم عن الحآل هالايام , يعني خلآص الكل شايف وعآرف مآبي أزيد إلطين بلّهـ وأكشف إلمستور .. يسلمووو ع إلطرح القيّم نظرهـ يعطيكِـ العآفيهـ .. |
نظرة يعطيكـِ العافية على النقل المميز موضوع إستحق ختم التميز ويثبت بالقسم وأتمنى مشاركة جميع الأعضاء بالنقاش ولي عودة للموضوع إحترامي للجميع ..:show111: |
اقتباس:
|
اقتباس:
يعطيك العافيه حبيبتي خرافيه شاكره لك .. اهتمامك ويسعدني تواجدك الدائم بالقرب مني ووسامك تاج ع صدري اعتز فيه دمتي متميزه |
ياسلام ياسلام ياسلام
بصراحه من افضل المواضيع التي قرأت في المنتديات طرح مميز ومفيد لايسعني الا اتقدم لكي بشكر والعرفان ع الموضوع تشكراااااااااااتي نومااااااااااااااس |
السلام عليكم ورحمة الله وبركاته
كيف حالك إن شاء الله دائما بخير اخت نضره ترحل المهم ردي بيكون مختصر جدا ترى أكثر الصور يلي تنعرض ما اقولكم اكثرها مو سعوديات مجرد اسم عنوان وفيه ما اقولك ما فيه سعوديات وما يقصر اليوتوب مدام راعيه يهودي ومحد كفو يسكره وموضوعك مو شي جديد وانظري كتاب بروتوكولات صهيون ومع العلم ان ترى هنا بالسعوديه يهود ما احد راح يصدق ما اقول وربي هم بيننا بس مو ظاهرين للناس وخاصه بغرب وجنوب السعوديه .الدعاء فقط للجميع بالتوفيق والنجاح شـكــ وبارك الله فيك ـــرا لك ... لك مني أجمل تحية . اخوووك rss |
اقتباس:
شاكره لك اخووي نوماس شهادتك اعتز فيهااااااا ولاتشكرني اشكر المنتدى الذي ضمني واشكر صديقة رووحي التي دعتني لمنتداكم الغالي شاكره لك تواجدك |
| الساعة الآن 11:12 PM. |
Powered by vBulletin® Version 3.8.8
Copyright ©2000 - 2025, Jelsoft Enterprises Ltd.