منتديات لك عيوني - عـــزيمــهـ !!

الحين انت انت يا اللي تشوفنيhttp://g.abunawaf.com/2009/2/27/a.al...ile_shades.gif .. وانتي يا اللي تقرينhttp://g.abunawaf.com/2009/2/27/a.al...smile_nerd.gif.. اذا بغيتي تعزمين احد على العشا والا الغدا
والا بغيت تتقهوا مع ناصر مثلا والا تتعشين مع شوق
وطلع هالناصر والا هالشوق انسان ما يعرف الاماكنhttp://g.abunawaf.com/2009/2/27/a.al...mile_angry.gif...
والا انت انت اللي بتعزم وتسوي مناسبه .. ما تدري وش المكان الطيب والا المقهى الحلو..http://g.abunawaf.com/2009/2/27/a.al...e_confused.gif
في هالحاله وش تسويhttp://g.abunawaf.com/2009/2/27/a.al...e_confused.gif..
في حالة ان المعزومين ما يعرفون الطرق ولا المكان .. بتبلش بالتوصيف .. ولف يمين .. والا خل شسمه ذاك على حجاجك الايسر << يا قدمي
واذا في حالة انت ما تدري وين تعزم فيه .. بتبلش تدور في النت مكان زين
وبتقعد تسال كل اللي عندك في الماسنجر .. وش رايك وين نتعشى فيه الليله
والا تقعدون تدورون مكان لما يسكر كل شي ...

http://g.abunawaf.com/2009/2/27/a.aldebas/1.gif
عزيمة : هو موقع يساعد على تنظيم اللقاءات والمناسبات الإجتماعية عن طريق الإنترنت. ويعتبر الأول من نوعه عربيا
( من الموقع الرسمي )

ميزة الموقع وجماليته أنه يريحك كثير
يمنحك البحث في قائمه كبيره من المطاعم والمقاهي والاستراحات
مع تقييمها من قبل الزوار وتصفح صورها اللي يضيفها الاعضاء نفسهم
ويمنحك ميزهـ فتااكه بنظري .. اللي هي اختيار مكان مناسبتك الخاص .. زي بيتكم .. او استراحتكم الخاصه او مزرعه
وتحديدها بالخريطه
بعد كذا تقدر تسوي دعوة للاشخاص .. راح توصلهم رسائل مجانيه
SMS
تبلغهم بالدعوه ومكانها وتمنحهم خيار حتى تصفح خريطة المكان وهذا الشي بيريح صاحب الدعوه من هم التوصيف لبعض المدعوين
ويعيطك يا صاحب الدعوهـ خيار انك تستلم ردود المدعوين .. من راح يجي ومين رايح يتخلف
وراح توصلك على جوالك مباشره ..

الموقع خيالي واعجبني جدا .. فقلت اسوي له شرح بسيط للاعضاء .. عشان تعم الفائده ..

(1) التسجيل في الموقع :
التسجيل بسيط وواضح جدا
http://g.abunawaf.com/2009/2/27/a.aldebas/2.gif
بعدين راح يطلب منك بعض البيانات الخاصه ..
منها اسمك اللي راح يوصل للمدعوين في عزايمك الخاصه
ورقم جوالك الخاص عشان تستلم ردود المدعوين
وعرف تفاصيل عزايمك بنفسك
http://g.abunawaf.com/2009/2/27/a.aldebas/3.gif
بعد التسجيل راح يفتح لك الموقع بشكله الجميل وراح تشوف اخر الاماكن المضافه واخر الصور المضافه
واخر التعليقات على الاماكن والتقييمات عليها
مع العلم انه في حالة اضافتك مكان خاص فيك مثل بيتكم ... فهو ما يظهر مع هذي الاماكن بل يبقى خاص فيك انت
وخاص بيوزرك الشخصي لاقامه دعوات ثانيه على نفس المكان لك لوحدك .

(2) المرحله الثانيه بعد التسجيل
هي اقامة مناسبه او عزيمه :
نختار من القائمه
http://g.abunawaf.com/2009/2/27/a.aldebas/4.gif

بعدين بيفتح لنا صفحة اختيار المكان
لك حرية اختيار مكان عام من ضمن التصنيفات الموجودهـ
او إنشاء موقعك الخاص .. مثل ما قلنا سابقا .. بيتكم او غيرهـ

انا راح اشرح آلية اختيار مكان مناسبه خاص ... مثل عزيمه ببيتنا
لان اختيار مكان عام سهل .. مجرد كلك على المكان من القائمه او البحث عنه بواسطه الخريطه
بعدين يتبقى الخطوه الاخيره اللي هي المدعوين .. وهذي الخطوه متشابهه في المكان العام او المكان الخاص

راح ابدا بشرح اختيار المكان الخاص .. نختار كما في الصوره :
http://g.abunawaf.com/2009/2/27/a.aldebas/5.gif

راح يفتح لنا صفحه خاصه
عن طريقها راح تحدد مكان مناسبتك ..
انا طبعا بحثت عن بيتنا في الخريطه لين لقيته
وحددته .. الخريطه تعطيك اسماء الشوارع وتعطيك خيار التكبير عشان يوضح لك المكان
وبعد كذا كتبت البيانات الخاصه بعزيمتي .. وصف العزيمه وكذا
وتركت مكان الصح فاضي .. لان المكان ( بيتنا ) خاص
ما ابغى يعرفه اعضاء الموقع .. بس ابغى المدعوين يقدرون يشوفونه
وغيرهم لا ..
بعد ما تعبي البيانات تضغط على
( ابدأ الدعوه) ومن هنا يتبقى لنا مرحله واحده وهي تحديد المدعوين ودعوتهم
http://g.abunawaf.com/2009/2/27/a.aldebas/6.gif

(3)
تحديد المدعوين ودعوتهم :

ميزه حلوه بالموقع .. انه اذا اضفت صديق جديد لك
يحفظه تلقائيا في قائمة اصدقاءك في حال احتجت تدعوه لعيزمه في وقت ثاني
ويعطيك ايضا فرصه اعداد مجموعات لاصدقاءك وتصنيفهم بنفسك

نرجع لعزيمتنا .. هنا انا اضفت نفسي وباختار من القائمه حقت اصدقائي بعدين نضغط
على ( إرسال العزيمه ) وبعدها خلاص الخطوه الاخيره والجميله
http://g.abunawaf.com/2009/2/27/a.aldebas/7.gif

(4) الخطوه الرابعه والاخيره :
ارسال الدعوات آليا للمدعوين اللي اضفناهم او حددناهم ...
نعبي تفاصيل العزيمه
توقيتها والمناسبه والوصف مثل اي كلام تبغى تقوله في الرساله مثل :يا شباب لا تخلونا

واهم نقطه .. في الخيارات الاضافيه
ما تحط صح على ( دعوه عامه ) اذا كانت دعوتك خاصه بمكان خاص

واذا كانت المناسبه بعد كم يوم تقدر تسوي رساله تذكير
توصل للمدعوين
وتقدر بعد تعرف ردود المدعوين على مناسبتك ببساطه

وبعدها تضغط ارسال
وبتروح لجميع المدعوين التفاصيل كامله

http://g.abunawaf.com/2009/2/27/a.aldebas/8.gif

الان الكثير يتسائل .. المدعو للعزيمه او المناسبه شلون بيعرف الوصف من الموقع "
هل لازم يسجل بالموقع ؟ هل فيه اشياء يحتاج يسويها ؟

ببساااااطه متناهيه .. لا ما يحتاج يسوي اي شي
مجرد انه يدخل الموقع للصفحه الرئيسيه .. بيلقى شي زي كذا :
http://g.abunawaf.com/2009/2/27/a.aldebas/9.gif
يدخل عن طريقها رقم جواله ورقم الدعوه اللي وصلته بالرساله
وراح يفتح له الموقع تفاصيل الدعوه .. وموقعها على الخريطه بشكل دقيق وواضح جدا

وبدون اي متطلبات من تسجيل وغيرهـ

اخيراً .. اتمنى اني وفقت في شرح مزايا الموقع الاساسيه ..
والموقع جبار ويحتوي على اكثر من كذا بكثيير جدا
واتمنى دعمه مننا جميعا .. فهو نتاج عمل لتطوير محتوى الانترنت العربي اولا واخيرا
وغايته جميله وهدفه رائع ..

انتظرونا مع ابداعات جديده لأفضل مواقع الـ
العربيهWEB 2.0
http://g.abunawaf.com/2009/2/27/a.aldebas/1.gif

*************************************

يااااااااااااي خطييييييير

أنتظر رسالة ع جوالي زيييييين

http://gfx2.hotmail.com/mail/w3/ltr/...smile_wink.gif