|
أمي تسلم عليكم وتقول عندكم طماطم!!
السلام عليكم ورحمة الله وبركاته مراحب احلى اعضاء حين طرق باب بيتنا ... ليقول لى ولد الجيران امى تسلم عليكم وتقول عندكم .... طماط....!! ابتسمت من قلب .... وقلت له عندنا ... ولو ماعندنا زرعنا لكم بحوش بيتنا هلا بالجار الصغير .... منذ متى لم يطرق بابكم احد الجيران لطلب طماطم او بصل او خبز ... !!! ربما احلى اعضاء يقال اننا بخير ونعمه ولم يعد الطلب من الجيران له ضروره ... ولكن لا اعتقد فقدنا الطلبات الصغيره بين الجيران فقدنا طعم الجيره ... كان الجار يطلب من جاره بصل وبعدها يرسل له قليل من الطبخه عيش وملح الان تعد الطلبات بين الجيران عيب وقله ذووق ... !! وقد تستغرب ان يطرق جارك بيتك بدون موعد واذن مسبق واتصال وقد يتهم الجار بالجنون حين يطلب طماطم زمان لم تكن الحاله الاقتصاديه مثل الان اليوم فواتير وديون واقساط واسعار مواد غذائيه عاليه وعيب نطلب وندق باب الجيران... زمان حياه بسيطه وقلوب ابسط ,,, وصغار الجيران وجمله .... امى تسلم عليكم وتقول عندكم بصل جميله العباره بجمال البساطه وجمال المحبه وجمال روح الجيران الوحده كنا بيت واحد وطبخه وحده اخبرتنى جدتى ان الاسر قديما تشعر بمدى حاجه جارها وترسل له من غير طلب واذا راعى البيت قضى لبيته ماينسى جيرانه ... واذا بقى شي من العشاء... يرسل للجيران( غريفه) واليوم يزعل الجار من بقايا العشاء باعتبرها فضله.... ليست المساله بمجرد الطلب احلى اعضاء وليست عباره امى تسلم عليكم وتقول عندكم طماط هى المحك لا .... ولكن العلاقه نفسها فقدت طعمها فقدت دفئها فقدت الجيره لم تعد الحياه لها طعم بعد الاستغناء عن بصل وطماطم وخبز الجيران وحين نعطى الصغير طلبه ... نتنتظر عودته بطبق من عشاءهم ... ليتها تعود تلك الايام ... رغم انى لم اعشها بكثره ولكن احيانا اتمنى عوده ايام ماضيه بزمن جميل وجيران ترسل وتسائل وتطلب بدون قيود حياه ممله ورسميات قاتله احضرت الطماطم للولد الجيران .... ووصلت لنهايه كلامى قول لماما امي تسلم عليكم وتقول .. اذا بغيتو شي لايردكم الا لسانكم وخرج الصغير ولسانى حالى يقول: شكرا" لك عشت معك لحظات اصبحت مفقوده .... بزمن لم يعد الجار يعرف جاره وامى تسلم عليكم وتقول ... عندكم رد على الموضوع |
ليتها تعود تلك الايام ... ولكن احيانا اتمنى عوده ايام ماضيه بزمن جميل وجيران ترسل وتسال وتطلب بدون قيود حياه ممله ورسميات قاتله شكر لك عشت معك لحظات اصبحت مفقوده .... بزمن لم يعد الجار يعرف جاره |
وعليكم السلام ورحمة الله وبركاته
والله يسلمك ويسلم إمك يارب وسلمي على إمك وقولي لها عندنا رد الـموضوع في نظري يتطرق الى العلاقه قديما وحديثا بين الجــيران في الصــراحه انا فـاقد الكــلام وكل الـذكري اللتي عشتها في مـوضوعكـ من سنــوات كثيره لا ادري بضـبط ابسبب غــربتي عن اهلي .فما ادري هي موجوده ام لأ ام تركها النـاس عزيزتي لو تطــرقنا عن الأختــلافات بين الجيــران قديما وحـديثا ..لطــال الكــلام فما تجدين اليــوم مكــان موجود زمان الأسبــاب انشغــال النــاس عن بعضــها ..تربيـت البيــت من الصغــر .. الحـــياء بين النــاس الـذي يجعلهم لايســالون عن بعــض ... عــدم الســوال عن الجــار والرســول صلى الله عليه وسلم قــال مــازال جــبريل يوصي في الجـار حتى ضننت انهو سايورثه ..في معني الحديث و أوصنــا خير البشريه في ســابع جــار ..فكيف في جارك الاول لا أستطـيع ان افهــم مايدور الان ..لكن من أن انقطــعت هذي العـادات صــار في شي نــاقص في الحــياه صار في ملل في الحيــاه ..بسبب علاقتنا من جيـراننا الامن رحم ربي * في نظــري يجب ان تبادر في السـوال عن جــاراك واتواسيه في فرحه ومصيبته وتقــاسمه مما تقاسم به أولادكـ ... وان تسـال عنه اذا غاب او تاخر فـذلك هو الجــار المفقــود الحقيقه ذكــرتني هذي في قصـه فعلا تفــاجئت بها قبل تسع شهــور تزوج واحــد قــريب لنا المهم انه استـاجر بيت في نفس حاراتنا ..وصــار يجمعنا مسجد واحــد يصلي معنا كل يوم .. المهم كـا عــادات الشيبــان قهــوه بعد صلاه الفجــر <<من عذرهم نائمين الساعه 8 المهم صادفت اني موجود عند أهلي وجاء المعـرس طبعا كلامي هذا بعد زواجه بسبع شهـور وجــاء جــاره . الجــدار واحد البيت في البيت ..يوم شافه قال له ياخي انت تصلي معنا من مده ليه .. أنا تفــاجت الصــراحه جـارك له سبع شهـور عندكـ الباب على الباب ولا تدري انه ساكن جنبكـ .. والله اني مدري وش رد عليه على طــول تذكرت أيــام ..قلت سبحان الله يغير ولا يتغير .وين السوال وين زمان أول اذا شفنا غريب الكل يعزمه والكل يعرفه الحين سبحان الله يسكن الواحد ويطلع وهو مايعرف جاره والله يعطــيك العافيه واسف على الاطاله ..احببت ان اضع مشـاركه لا أخفيك اعجابي في الموضوع وخاصه العنــوان ..واصلا كافي العنوان عن الموضوع |
بسم الله الرحمن الرحيم
السلام عليكم ورحمة الله وبركاته يعتيك العافيه حبيبتي دلوعة نجد الرسول عليه افضل الصلاة والسلام وصى على سابع جار, ياليت ماكان بالماضي من الفة بين الجيران يعود زمنها لو قليلا وللاسف الحين الجار مايجيك [mark=#ffff00]الاعشان يشتكي من الازعاج [/mark] او [mark=#ffff00]من سيارة جاره الي واقفه امام بابه بيته [/mark]وكنه بياكل بيته كل شي تغير الزمن ماتغير القلوب تغيرت , مااقول الا ليــت الزمن اللي راح [mark=#ffff66]يرجـع[/mark] تقبلي مؤؤؤؤؤدتتتتتتتي نضره احترماتي للجميع |
قصيمهـ
أشكرك يالغلا نورتي وفعلا زمن جميل برغم كل متاعبه لكن كان فيه ترابط ومودهـ وناس ترحم ناس الان للاسف فقدنا كل هالمبادئ دمتي بحب |
القيصر
الله يحفظك وترجع لاهلك بإذن الله في أحسن حال يعني دائما لاكلام بعد كلامك الرائع .. كالعاده مداخلتك كامله بجميع النواحي وصدقني انا لما شفت الموضوع ونقلته هنا لاعجابي الكبير فيه يعني تتوقعون ليه العلاقات وصلت الي هذه الدرجه بين الجيران .. انا باعتقادي ويمكن راي مخالف للبعض انا بالاصل من الرياض .. وعشت في الشرقيه وعشت في حايل سنين وشفت الترابط بين الجيران هناك ورجعت للرياض.. واهل الرياض هم هم .. ماتغيروا .. رسيمات وقيود وكل شخص اللهم نفسي .. والله مانعرف اللحين من جيراننا الا جار واحد وهو حربي وحتي طريقة المعرفه كانت بسبب الشاعر الكبير\ حجاب بن نحيت وهو انه يشوفه ابوي واخواني بالمسجد وصدف انهم شافوه في حفل الشاعر حجاب اللي كان في اليخت وبكذا صارت معرفه بيننا يعني مثل ماذكرت بسالفتك كل شي صيار بالصدف دمت بعافيه |
وعليكم السلام والرحمه
نضره نورتي يالغلا والله هذا اللي فعلا نشوفه يعني صيار كل شخص يتحسس من جاره ويتضايق من امور بسيطيه مثل ماقلتي مثل السياره ليه واقفه قدام الباب سبحان الله من بعد ماكان الجار يمون علي اولاد جاره وحتي يعلمهم الصح والغلط اللحين لا .... اذا جاء الجار وقال لولد جاره لا هذا غلط اللي تسويه رد عليه وبالفم المليان وش دخلك ماانت ابوي.. مصيبه تحياتي |
الله المستعان
فعلاً اصبحت علاقة الجيران في بعضهم تكاد مقطوعه بتاتاً ولايعرف حتى اسمه وانا اتكلم عنا نحنو الذين قادتنا الوظائف للبعد عن الاهل والاصدقاء واستأجرنا في مدن لانعرف فيها احد فاقد يصادف الانسان جيران مثل الذين انا كسبتهم من جيران بمعنا كلمة الجيران وانا اقصد جيران العمارهـ التي اسكنها اما الذين اما غيرهم من الذين في الشقق المجاورة فلا اعرف حتى اسمة (( بس لسى فيه خير اسلم عليه ويسلم علي وحنا طالعين من المسجد )) هذا الي يصلي طبعاً وهذا يختلف جداً عن الجيران في بلدتنا لانهها والله الحمد موصوله الى حد بعيد عشرت عمر دلوعة نجد => ليتك جارتنا كان مأشتري شي للبيت كان تلقين المرسال كل ظهر يدق الباب عندكم طماط ورز وبصل وزيت وحبتين هيل وحبتين مسمار .........ويرجع مرة ثانيه ويقول نسيت الببسي هههههههه > لاعاد من موضوع تسلمين ع الطرح المميز وربي الجيرهـ هي اهم شي وقيل في المثل ((ابحث عن الجار قبل الدار )) تشكراااااااااااتي نوماااااااااااااس |
نومـــــــــــــاس
قول آمين ,,,, الله يرزقك بنقل الي ديرتك .. وتسعد باأهلك وجيرانك.. وفعلا انت ذكرت سبب مهم وهو ان الواحد يتوظف بعيد عن ديرته ويصير ملتزم بالدوام وبنفس الوقت غربه .. وساكن بشقه ..وهذا يجعل الناس تبعد شوي شوي ,, لاختلاف العادات ويمكن اللهجه وأنــــــــــا يشرفني اني اكون جارة لكم .. وحتي اذا تبي اسدد الايجار عنك والفواتير الكهرباء والماء والتلفيون وكل شئ ..بس أعطني بطاقتك الصرافه :b3: |
| الساعة الآن 06:15 PM. |
Powered by vBulletin® Version 3.8.8
Copyright ©2000 - 2025, Jelsoft Enterprises Ltd.