|
تغطي يابنت سعودي
يابنت تغطي ... قدامكـ سعودي
عــادة العين أصدق من الأذن وهناك العديد من المشاهد التي تلفت الانتباه خـاصه حينما نسمع مقولـــة !! تغطي يابنت هذا سعودي!! لمــاذا ؟!! الموضوع صريح ويتحدث عن واقع نعايشه بعض من هذه المشاهد : المشهد الأول فتاة تتحدث مع أحد العمال الأجانب وتسولف معه وتأخذ راحتها معه ويدخل سعودي تغطي كأنها ما كانت تكلم رجال مثله مثل اللي دخل وتغطي يا بنت سعودي. المشهد الثاني إمرأة تخرج للسواق أو العامل في المنزل بملابس عادية لا عبايه ولاهم يحزنون بحجة أنه أجنبي عادي تكلمه بدون ما تغطي عليه ولو دق الباب سعودي قالت تغطي يا بنت المشهد الثالث بنت تطلب عشاء من أحد المطاعم وطبعا يجيبها عامل توصيل الطلبات تخرج تستقبل وتأخذ منه الطلب مع الشكر والتقدير وتغطي يا بنت سعودي. المشهد الرابع مجموعه من الفتيات في أحد المجمعات أو في أي مكان ودهم يسألون عن شي صادفوا شخص لابس جينز وقميص لو سمحت يرد سمي آووه آآآآسفين وتغطي يابنت هذا سعودي < طلع سعودي. المشهد الخامس بخارج المملكه تنزع الحجاب وتتحرر في لبسها ولكن عندما تعود تلبس حجابها وتتستر وكأن لها رب في السعوديه ورب خارج السعوديه وهذا قمة التناقض . وغيرها من المشاهد كثيرر طبعا كل المشاهد بمباركة الأب والإخوان وشيء طبيعي لو شاهد ابنته أو أخته تتحدث مع أجنبي بعكس أن هي تحدثت مع سعودي !! ولانريد التحدث عما يحصل في سياراة الليموزين (( التاكسي )) لأنها وبكل اسف غنيه عن التعريف وفي الأخير أنا لأأقول أن هذه المشاهد تحصل في مجتمعنا السعودي كله ولكنها تحصل في أغلبه وهناك إضافه مهمه : وهي انه في بعض المحلات خصووصا الماركات يكون اللي يبيع فيها اجنبي سوري او لبناني او مصري لو طلبت منه البنت غرض بيقول كرمال عيونك او على راسي من فووق او من عيوني البنت هنا وش بتسوي اكيد ابتسكت او تبتسم طيب تخيلو ان اللي يبيع سعوودي وقال من عيووني يالغاليه او انتي تامرين امر اش بتكوون ردة فعل البنت ؟؟ أتمنى أشوف آرآئكم بصرآحه .. لكم ودي .. |
يعطيكي العافيه ويشرفني اني اول من يرد علي موضوعك
وهذا حال قليل من السعوديات ولاتنسين ان هناك منهن صالحات وهذه تعتبر عينه لاتمثل السعوديات جميعا ودمتم بود سمو الاحساس |
[glint]يعطيك الف عــــــــافيه...
ومن جد هذا حال البنات بس مو كلهم ... تقبلي مروري...ولك مني اجمل التحايا...[/glint] |
سمو الاحساس اشكر لك المرور والتعليق وانا اعلمان هذا ليس حال جميع الفتيات وان مجتمعنا ما زال بخير
|
ملكه بهواها اشكر لك المرور لا حر مناك وتقبلي تحياتي
|
[align=center]مساء الخير
صراحه قريت اول سطرين من الموضوع وكتفيت عن الباقي هذه الظاهره مع الاسف موجوده وبقوه حتى الايام هذي صار السعودي غير مرغوب فيه وخاصتا باليموزين (التاكسي) ماتركب معه بحجة انه سعودي طيب وخير ياطير هذا السعودي ماله اعضاء تناسليه مثل البنقالي والبناني والشرع حلل الاجنبي وحرم عليكم السعودي طيب نترك هذا الامر لان الحل الاسهل لهذه الامور هو وجود المحرم فإذا وجد المحرم المتربي الذي يغار على محارمه فإن هذه الظاهره مصيرها ان تتلاشى ولكن اين المحرم الصاحي بهذا الوقت وبالنسبه لي اتوقع اذا خرجت المراءه من دون محرم فكل شي جايز لها بالنسبه لها واسف على الاطاله تحيتي لكـ[/align] |
الصراحة الصراحة بالخارج اشوف انه مو لازم الغطاء لانه بيصير لافت للانظار وين ما تروح بيطالعون فيك
واما السعودي وما السعودي اعتقد ان الشباب وتصرفاتهم هي السبب في هالشي من المغازل واذيت البنات بالاسواق وغيره --على طاري التاكسي مره واحد من الشباب راعي تاكسي ركب معه حريم وهم يحسبونه اجنبي ما كان لابس ثوب والحريم كانوا فالينها وسوالف ورفع صوة كنهم بالبيت يوم وصارو عند تقاطع قال بالغلط من هنا او من هنا يعني تبين انه سعودي بعدها تحولوا الى صمت مطبق ما تكلموا ولا بحرف حتى وصلوا مشوارهم............. فانا اقول ممكن هذا سبب انهم ياخذون راحتهم اكثر وبرضو انه بعض الشباب اصحاب التاكسي ممكن يعاكس البنات او يضايقهم مثل انه يوجهه مراءة السيارة عليهم ويجلس يناظر فيهم وهالشي ممكن يصير مع الاجنبي لكن بيكون اقل جراءه...... هذي وجهة نظري |
[gdwl]الصراحة الصراحة بالخارج اشوف انه مو لازم الغطاء لانه بيصير لافت للانظار وين ما تروح بيطالعون فيك[/gdwl]؟؟؟؟(لاتعليق)
فعلا كل الكلام اللي قلتيه موجود وبقوه |
همس الليل اشفيك عصبتي انتي شكلك من النوع اللي اذا منت معي فانت ضدي انا قلت وجهة نظر وكل عقلة في راسة
|
22.gif
http://22.gifموضوع جدا رائع يسلمووووووا
|
| الساعة الآن 01:16 PM. |
Powered by vBulletin® Version 3.8.8
Copyright ©2000 - 2025, Jelsoft Enterprises Ltd.