..|[خطا وانا اللي في يميني مسويه ]| ..
 

.


.


/

آلسلـآم عليكم ورحمة الله وبركـآآته


صبـآح مسسـآء الدفى والنور


:z10:

لـكم من كل قلب قصيده لعلهـآ تـروق لـ ذآئقتكم ه1



.







.


.



.


.


الـبـارحـه لاعــــاد لـيـلــه وطــاريــه
لـيـلـه مـضــت لـعـلـهـا مـاتـعــودي
حضـرت فيهـا لصـك درب المشاريـه
ولا حشـت منهـا غيـر نقـدي وزودي
خطا وانا اللي فـي يمينـي مسويـه
افـرح عـلـي الـلـي علـيـه حـقـودي
العايب اللي كـل عيب(ن)وجـد فيـه
راع الـعـلـوم الـهـابـيـه والـهـبــودي
شيـن الفعـول اللـي قريبـه هقاويـه
لــو امـتـلا جـيـبـه وبـنـكـه نـقــودي
مدري وش اللي جابني في حراويه
وانـا بخيصـن فـي كــذوب لـوعـودي
عـنـدي خـبـر بــاول حيـاتـه وتـالـيـه
وعنـدي خبـر بنـه هـبـود وجـحـودي
مفروض في بعض المواضيع ماجيه
مانـي علـى بعـض الامورامحـدودي
ياللـي تحـاول خايـب الـذكـر ترضـيـه
ما مـن ورا الانـذال مكسـب وفـودي
لا تـرضـي الـلـي مـايـقـدر ابنـاخـيـه
الـلــي عـلـيـه يـقــدرون الـهـنـودي
بـع الـردي وقـلـع مــداه وضواحـيـه
الـلـي تـسـاوا غيـبـتـه والـوجــودي
لـو هـو مـن الاقـراب لاعــاد ترجـيـه
انـســه ولا تـفـكـر لـقـربـه تـعــودي
وخلك مع اللي طيـب الفعـل راعيـه
راع الكـرم والطـيـب لـوهـو يـهـودي
الا بــــا ديــنــك جـنـبــه لاتـخـاويــه
والطيـب للـي لـه يـحـث الجـهـودي
كـم واحـدن ماهـو بسيـط بحكـاويـه
وقـت الرخـا يفتـل كـبـار العـضـودي
ووقـت الشدايـد ماتشوفـه وتوحـيـه
معـروف طبعـه بالمواقـف شـرودي
مـثــل الـثـعـل لاراغ ذيـلــه يـبـاريـه
ادنـا وحــي كـنـه علـيـه امـهـدودي
الطـيـب لـلـي طــاب ذكــر بماضـيـه
ولاهـل الوفـاء ومعربـيـن الـجـدودي
سـنــاد ربـعــه بالـشـدايـد ونـاخـيـه
وللـي رسـوا لطيـب مثـل النـفـودي
ستر الدخيل اللي من الضيق ناصيه
الـلـي لـحـل الـكـايـدات امـعــدودي
كل(ن)ليـا اقبـل مـن فعولـه ياحييـه
ومـن رافقـه يرقـا بفعلـه سـنـودوي
فرقـا الـزمـان الـلـي كثـيـره بـلاويـه
اللـي ذبـح فـيـه البخـيـل القـعـودي
الـلـي بـــه الـرجــال قـلــه يـارديــه
وصـارت بـه الحرمـه تحـل العقـودي
عـزي لمـن قلـه باهالـوقـت طـاويـه
ومـاسـد بــالازم عـيـون الحـسـودي
وحـظـه بـرديـان الـزمـن دوم بـالـيـه
دايـم عليـه بكـل هـرجـه شـهـودي
لـو ان درب الصـدق والحـق يمشيـه
بينـه وبيـن الـصـدق تبـنـا ســدودي



لـ خليف الوهيداني