منتديات لك عيوني - الصبر قالو عنه مفتاح الاقفال

الصبر قالو عنه مفتاح الاقفال
وانا صبرت وذقت مر وتهاويل

اصبر وحالي دايما في ردا حال
ماغير هم وضيق ومفارق وويل

همي غدا في خافقي دوم يجتال
واليا ابتعد يرسل علي المراسيل

يرسل علي من الغرابيل غربال
غربال غربلني وزاد الغرابيل

لاشفت شمس الحب دورت لي ظلال
ابغى النجاه من الرموش المظاليل

مير البلا لي خافق(ن) قال ماطال
قال اتبعني وابشر بخير وبسيل

قلت انت تقصد من لها نرخص المال
ونميل العدلات ونعدل الميل

قال اي نعم قلت البلا الدمع قد سال
من هجرها ماعادلي حل(ن) وحيل

دمعي لها ومن اجلها دوم همال
ماغير انا والدمع في حط(ن) وشيل

مره يجي قطرات واحيان شلال
ومره مقره الارض واحيان منديل

وان كان دمعي زال فالهم مازال
يبطش والا افتكيت جاب المحابيل

يعني ترا للهم فيك انت مقيال
واكبر بلا مافيه للحب تبديل

يبقى معك اجيال واجيال واجيال
ان كان صادق مخلفه فالزمن جيل

خلاصة الموضوع ((ويلاه يارجال))
الحب دق خشوم اعتى الرجاجيل

راقت لي
ونقلتها لكم
ودمت بخير

ولا تنسوني من صالح الدعاء فلا رغبة لي في سواه

أخوكم : ذكراها غالي