منتديات لك عيوني - وينه غلاتي يابحر وينـه الحيـن = مرك ؟ لمحته ؟ مانشد عن حناني ؟

·.¸.•°®»مكانه يابحر أعرفه زين = رغم البطا كنه هنا من ثواني

كنا هنا قبل نتفارق بعامين = قبل المطر يجتاح وجه المباني

وينه غلاتي يابحر وينه الحين = مرك .. لمحته .. مانشد عن حناني

بالله قول أنه هنا قبل يومين = ودي أحس أنه هنا مانساني

حتى الكراسي تسألك يابحر وين = من غيبته حتى الكراسي تعاني

كنا هنا قدام وجهك محبين = نرسم على صطحك كثير الأماني

شف يابحر كنا على جالك أثنين = واليوم ماغير الدمع والمواني

دونه أشوف الزين بناظري شين = وبإسمه أنادي واحد من أخواني

وين السعاده ناسيتني من سنين = مدري بعد مثل السعاده نساني

ااااه يابحر الدمع في محجر العين = ماأقدر على ذكراه هزت كياني

ماأقول يسوى في عيوني ملايين = يسوى عيوني وماغلى في زماني

هو القمر في الأرض يمشي برجلين = مافيه مثله يابحر شخص ثاني

شف يابحر ماهزني غير ثنتين = فرقاه وميسم هالزمن لاكواني

لكن أمانه يابحر أحفظ الدين = لا جاك ثير الموج لهفه عشاني

قله غيابك عن حبيبك سكاكين = ماهو حرام الذبح بإنسان فاني

دايم يحن لموعدك يعرفه زين = وده يشوفك يابشر لو ثواني«®°·.¸.•°°·.¸¸.•°°·.¸.•°®»