منتديات لك عيوني - لَوْ مِتْ!!.. وٍعْدَكْ ليٍ.. لْمنهٌو توفّيه ؟!

تشـرع ضلوعي كـل مـا جـن هاللـيل
.................واربت على كتف انتظاري و اواسيـه

واقــول :للشـباك مشـتاق لـه حـيـل
.................والريح تصرخ: بس.. لا عاد تطريه!!

واتـوسـل الجـدارن وازفـر مــن الـويـل
.................واجيـب دمعاتـي وآهـي مشـاريـه

وابـرك بـوجـه الـبـاب وحـروفـي تسـيـل
.................ويصد عني يقول : للحيـن تبغيـه ؟!!

مـا رق لـي فــي غيبـتـك غـيـر منـديـل
.................جبته معي من ديرتـك لجـل اشاكيـه

بثـيـت لـه حــزن انتـظـاري مـواويــل
.................كنت انشقه.. واتنفسه...احسبـك فيـه

الصـدر جــذع اشــواق وغيـابـك ازمـيـل
.................وانته!! تخيّل شنحفر فـي خوافيـه !!

كـم يـوم مـر ومـا بقـي بخافـقـي حـيـل؟!
.................ذبت انتظار وما اذبحتني سوى: ليه ؟!!

عـديت فـوق اسـبـوع والـحـزن اكلـيـل
.................ولو مت!!.. وعدك لي.. لْمنهو توفّيه ؟!

.
.
.
عييونْ آإلمهآ