السلام عليكم





حبيت اييب لكم القصيده اللى هزت الشااارع الكويتي

هذا كانت القصيده لما كان الشيخ جابر رحمه الله عليه مساافر للعلاج وكان في شهر رمضان

وقبل الفطوور دائما الكويت تحط في التلفزيون دعاء لشيخ رحمه الله عليه والكويت
لكن هالمره حطوووو هذي القصيده


طلعوو ثلاثه اربااع الكويتين بالشااارع يطالبووون انه يحطووون صوووره حديثه ليشخ جابر رحمه الله عليه او فيديو مصوووره لهعشاان يطمنووون عليه لانه طوووول في السفره



وافق الشيخ جابر رحمه الله عليه وطلع بالتلفزيون يطمن الشعب



بس كانت هذي اكثر القصااائد تأثير على الشااارع الكويتي







أنا الفجر الموبخ بالغنا والطير والأزهار
أنا السهر الملطخ بالعنا والجرح وأعصاره
أنا القيد الطليق من النفاق وصفعة الدينار
أنا الحر المقيد بالغلا والحب ياساره
لذا رتلت لأسراب الحمام وطلقة الأنظار
حمامي قلب يتكاثر حمامه برعشة أصراره
ربابه تحضن عيون الأمير وتوقد الأسفار
وبدو تبتل من دمعة سمو الأرض وأسفاره
حزن يصدح وبحار ٍ يكبر في حزن بحار
وشراع ٍ ينبض النهمه الشقيه بقلب محاره
تهجيت المرض تصمت شوارع تذبل الأعمار
بعد ماغاب من يروي عروق الأرض بأنواره
تهجيت المرض يرقد تراب ويلتحف بغبار
بعد ماغاب كف اللي بسجوده يفجر أغباره
أخو مريم تمنيت المرض ينخير وأختار
قسم لرميني في راس المرض ياشيخ وأختاره
عساك بخير ياقلب البلاد بنبضة الأحرار
عساك بخير يانبض البلاد بقلب أحراره
عساك بخير ياحزن البدو من دمعة الأشعار
عساك بخير يادمع الحضر من حزن بحاره
تسافر قبلك يسافر دعا من شعبك الأبرار
تسافر قبلك تسافر عيون الشعب منهاره
لأنك حب ومن مثلك نما فينا وصار أكثار
لأنك حب ومن مثلك يكون الحب لاصاره
لأنك دربنا المملي صباحات وسما وأمطار
لأنك حبنا المملي بصبح القلب وأنهاره
لأنك خبزه من رحمه تنهدها يتامى صغار
تلوذ بجوعهم يكبر سموك داخل صغاره
لأنك من سقى فقر الديار وأثمرت بديار
لأنك ضحكة الديم الحنون براحة أشجاره
تعب دسمان يترجى رجوعك من على الدوار
يمد ظلاله يتهجى حنين القار بحجاره
تعب فجرك على أبواب المساجد يحضن الأخبار
يمد صبحه على زول ٍ يدور فيه نظاره
ذكرتك منحني لدارك وتحمل داخلك أعصار
تظلل أرضك وتكسر سموم كفوف غداره
وسموك مانحنى لطعنة حسود ٍ فاجر غدار
سموك لنحنى تركع بلاده داخل أفكاره
ألا ياالمشبر الطيب وطلع من مدتك أمتار
ألا يالمعجز امتار الكرم عن شبرة أمتاره
ألا يالصلف يالصعب الصرير المصعب الأصرار
ألا يالخيل يالهيل الصهيل بحيل أخطاره
ألا يالشيح يالصبح الفسيح بريحة الأذكار
ألا يالريح يالرمح الفليح بطرح فجاره
ألا يالمسلم السهم السلام المستلم للدار
ألا يالوارث المورث وراثة ورث ثواره
مدام الطيب مايشبر سموك ياعزيز الدار
وشاعر ماتطول أدنى حنانك مدة أنظاره
أبركع لين مايطفي مرضك بوحشة الأسفار
وأبسجد لين ماوجهك يرد النور لدياره