منتديات لك عيوني - من غلاكــم والله إني صــرت كني منكـم..|~...

اخلين كيفكم خفوقين حبيت انزل لكم اول موضوع لي اتمنى لاتحرموني ردودكم
هذي قصيدة للشاعر سالم بن جخير في حفل شاعر المليون بالبحرين

اسمعـــوني زين يا أهل الساحه الشعبيّه = قبــل حبــك البيــت والأوزان والقـافيّــه
ما أبي صورة غــلاف وقول هذا شاعــر = وما أبــي مقـدمــه .. ولا أبــي خلفيــّـــه
دام ابو سلمــان راضي عن قصيـدي كله = فـ إستريحـــوا كلكـم يالبنيـــه التحتيـّـــه
ودامني شاعــر ولي مبدا وراسي شامخ = ماعلي لو زعلوا أهل السـاحه الشعبيّــه
حالــف إني ما أنحني .. ولا أوطي راسي = دام راســي يطّبــخ بالعــــزوه الياميــّــه
والكــرم حنا هلـه .. واللي مكـذّب قولــي = لاتعنّـى مالـه إلا قــول .. ياللـه حيـّــــــه
أي شيــخ يقلّــط المفــرود مـن رهـــــاوه = وإلا حنّـــا ننحـــر المفـــرود مديــونيّـــه
جعــل ابيه النــار راس مايشـــوّش منـــا = جعــل فاله للسيــوف وضربـة الجنبيـّـه
وجعلني ماأبكيك ياناصر .. ولاأبكي خالد = ياحــزام العــز في وقت الرخـا والهيّـــه
أنتـوا اخــواني .. وأنا أخيكم ليوم الدفنه = والعـلاقــه بيننـــا علــى الـوفـــا مبنيّـــه
حتى فيصــل لو بيطلــع جيت انا في قبره = من كثــر حبــي لأبيــه ولأمـه المــــريّـه
جعـل مــن لا حبكــم ياعوالنـــا الثــــلاثه = ينجلـــط .. وإلا تجيــه السكتــه القلبيـّــه
من غلاكــم والله إني صــرت كني منكـم = والغـــلا ما تحكمــه شـرهـه ولاجنسيـّــه
ياهل البحــرين شوفوني وطيعوا شوري = غيــر قايـدنا حمـــد مانرتضـــي موليّـــه
المليــــك اللي يحب الشعــب واحد واحـد = ومايفـــرّق بيــن شيعيـــه .. ولا سنيّـــه
اشهــد إن له موقفٍ صارم وعقلٍ راجـح = واشهــد ان له نظرةٍ عليا وله شخصيّــه
غيــر لامن جيـب له طـاري فقولوا مثلي = ردّدوا عــاش المليك .. وعاشت الحريّــه
وإن سألتــوني ولائي .. وإنتمائي من له = مانــي بـ مختــار في هــذي .. وفي هذيّه
إيه أنا دمــي حمــر لو ماني بـ بحرينـــي = غير ماني ناســي إن عروقــي سعوديـّه
قلتهــا وأنا بقولــي والله إني صـــــــادق = والمشاعــر كلهــا من صدق قلــب ونيـّه
ماكتبت أبيــات شعري لأجـل أدور حاجه = ولا أبــي منهـا جـــزا .. ولا أبي عطيـّــه
والعطــا شـي من الله . والله اللي يعطي = والقناعــة كنــز من ربي .. وأنا راعيـــّـه
والله إن أمـــوت مانزلــت نفســي حتـى = لو أقـص لسانــي أحسن لي وأقص يديـّـه
حتى ناصـر لا عطانـي شي ماخزنتـــــه = راح كلـه في سبيــــل الضيــف والعانيـّـــه
وأكثر الشيخان يعطي غير لامنه أعطى = قام يحســب مدتــه بالفلــس والـــروبيــــّه
وإلا ناصر لاعطـى تدرون كم هو يعطـي = مدتــه تهتـــــز منهــا خزنــة المـاليــــّــــه
وإن بغيـت ازعـّل الشيخـان لجل عيونه = جعــل يفدونـــه شيــوخ الكـوره الأرضيـّـة