منتديات لك عيوني - اللي عشق واشتاااق يا عزتيله

اللي عـشـق واشـتاق ياعـزتيله
الله يعـينه كـلما حـن واشـتاق
لاحـد يقول فـلان ضــيع دلــيله
يمضي عليه الليل لي وقت الاشراق
يشـكي سـراج الشـوق ولع فتيله
فـي داخـله تصـلى سـنينه بحراق
بسـمات عـمره مـنه صارت قليله
يجـلس قـليل الهرج من كلمة ضاق
دايـم هـواجـيسه عـريضه طويله
يخـشى مـن الايـام تـبلاه بـفراق
لا مـن طـراله صاحـبه مايجي له
وش حالة الولـهان لاصـار ما طاق
ماطاق يصـبر عـنه سـهران ليله
مـن حـر نار الحـب يشعـر بخفاق
مـن كابد الاشـواق ينهـد حـيله
شـكـواه للمـطلوب قـسام الارزاق
خـلن وفـالي ماهـفـيت لبـديله
قـلت الشعر من شان حبه بالاوراق
به زخـرفـت دنياي صارت جـميله
ثم ازهرت بالورد يوم الهوى راق
عـديم لو دورت غــيره مثــيله
ملقاه لو قـضـيت عـمري على ساق
اكبر ربح في العمر واكبرحصيله
يوم اتفقنا في المشاعر والاشواق
الشاعره ريم
....
اتمنى ان تصل الى ذائقتكم