منتديات لك عيوني - عطني علوم الورود اللي على بابـك

عطني علوم الورود اللي على بابـك
ذِبْلَت بعـد غيبتـي ؟ ولاّ تحرّانـي

عطني علوم العطر والطيب بثيابـك
العطر نفسه ؟ أو انـه واحـدٍ ثانـي

عطني علوم الجديـل اللـي تلوّابـك
اللي لياجيت أضمّك ناااام باحضانـي

عطني علوم العيون وجارح اهدابـك
عطني علوم الرموش اللـي تحدّانـي

عطني علوم القصايد داخـل كتابـك
حزين شعرك ؟ أو انه كبّ الأحزانـي

عطني علوم المكان اللـي تخلوابـك
اللي شهـد مولـدي وبدايـة جنانـي

عطني علومك مادام ان البخت جابـك
قبـل انتـوادع وتتركنـي وتنسانـي

عطني علومي.. تراني غبت بغيابك
دوّرت نفسي ‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍ولكن كيف ابلقاني؟؟

مما اعجبني

وجال به خاطري