منتديات لك عيوني - يكلمني عن جروحه وأنا من سبته مجروح

يكلمني عن جروحه .. وأنـا مـن سبِّتـه / مجـروح !
يسولف لي عن (أحبابه) وأسولف (عنَّـه) لـحالـه ....

أحس في دمعـة عيونـه , وتطلـع مـن بكـاه الـروح
وإذا يفرح مع غيري . . . بكـى " قلبـي " و / هنَّالـه .

ياليـت آنـا معـاه اللـي ركبنـا فـي [ سفينـة نـوح ]
محـد يقـدر يفرقـنـا لا : عـمِّـي .. و لا : خـالـه

رسمته في قلم ناشف علـى قطعـة خشـب مـن لـوح
و تهيألـي يحاكيـنـي !! ويبيـنـي أرســم إظـلالـه

تحرَّك طيفـه الدايـم . ولَعَـب فـي حسبتـي بجْمـوح
يحب الخيل , و , أشعـاري .. عشانـه صـاروا خيَّالـه

وصار بـعيني ( الأجمل ) مع إنَّ شوي هـو / مملـوح
ولا غيـره مـلا عيـنـي وقلـبـي بــس يصفـالـه

ذبحني قلبي الساكت ! ... متـى قلبـي عليـه يبـوح ؟؟
أحبه وماعـرف إنـي أحبـه , وأعشـق وصالـه . . .

كتمت , وهذا من طبعي , وتمنيـت " الغـلا " مفضـوح
ببيِّـن لـه ولا أقـدر !! مـع إنِّـي جـالـس قبـالـه .

أخاف إنّه بعد مُـدَّه يطيـر ... ومـن إيدينـي يـروح !
هو نعمة من فضل ربـي , ويقولـوا : النعمـة زوَّالـه

لي قلبٍ من كثر حُبه على : فراش التعـب : مطـروح ,
لاهو"ميـت "ولا "عايـش "! ووالله إن مـااات أشوالـه .

وحبي من طرف واحـد , غـلا صـادق بـدون مـزوح
وإذا هو طاح ؟ قداامي .. نزلَّه / قلبـي / و : شالـه .!!

شكالي وكنت له أسمع . . . وقلبـي دوم لـه / مفتـوح
يطمِّنـي عـن " أخبـاره " , وشنهـي آخـر أعمـالـه

وإذا شفته خطا بـحقي بدون أعـذار ؟ .. هـو مسمـوح
فـي نياتـه ولا يـدري .! وطيـبـة قلـبـه همَّـالـه .

في جياته ...... . يروح الهم , ويبدِّل ( دمعتي ) بـفروح
تمنيت البشر مثلـه . . . وكـل مـن حولـي أمثالـه .!

من الله حُبه في قلبـي حشـى مالـي تـرى مصلـوح ,
عسى يكبر ويذكرنـي ويسمِّـي بـ" إسمـي " : إعيالـه