منتديات لك عيوني - عزاي بغيبتك صوره على بعدك تواسيني ...

ماقول أن الصدر ضايق أقول الكون فيني ضاق
مـاقول أن غيبــتك صعبه أقول البــــعد ينهــيني

أنــا ياما زعل قلبــــي عليك وماطريــت فـــراق
أشيـــل بـخـاطـــري وارضــى لـو تراضــــــيني

يالـــيتك بس تفقدنـــي كثــر ماأفقدك واشـــتاق
قســم بـاللـــه مايــطري علــى بـالك تخلـــــيني

بعينـي انت هالدنــيا ومـــاغــيرك لعــــيني لاق
كثـــير وماملـــوا عيــني وقلبــك بس يكفيــــني

فـــراق! وكنت أبي منّك تعوّض هالصبر بعناق
عشـــانك بعت هالعالـــم وجيت اليـــوم تنفيــني

حبيــــبي حلت الفرقـــا وبعثرت بجفــاك أوراق
عــــزاي بغيبـــتك صوره على بعدك تواسيــني

أنا غصب علي أرضى ببعدك وأكتـم الأشـــواق
وأكابر رغم حرمـــاني وأداري دمعــتي بعيــني

حبيـبي والجفا سجني وقربك من سماي إعتاق
بكثــرعيوبـــي بعينــك فقدتك وينك وويـــــني

حبيـــبي حس في حــزني ترى دنياي ماتنطاق
أهـونــها ولا هــانت كبـــيرة صدمـــتي فيــــني

وشـــاللي يصير بالدنيا لو إنك جيتني مشــتاق
وش اللي تخسـره يعني إذا فكـــرت ترضيـــني

من الآخر ترى بعدك عطانــي هالزمان [طراق]
لأنــي كنت احســـب إنك تمـــوت وماتخليــــني