منتديات لك عيوني - وتبقالى حروف اسمك قصيدة.. دووم اغنيها..!!

لاْجيت اكتب حروف اسمك ..على صفحةبحرهادي
تصير احلـى قصيـدة .. حـب مـع الايـام اغنيهـا

اخذْت من البحر صمته .. عطيتـه اجمـل اعيـادي
واخـذت مـن السهـر دمعه.. تعزينـي واعزيهـا

انـا فـي وادي لحالي.. وباقـي النـاس فـي وادي
اسـج بعزتـي عنـهـم.. ولاادري وش تواليـهـا

اناحبي صعيب الوصف .. انـا حبـي مهـو عـادي
تسافربـي سنيـن الشوق .. واظـل بدمعـي اسقيهـا

تعبت اكذب علـى حلمي.. واقـول اليـوم ميعـادي
تعبت ابحر على مركـب.. ولاادري ويـن ارسيهـا

تعبـت اكتـم قهـر حبي .. واعانـد كـل حـسـادي
ولاودي احـد يـدري حياتـي .. وش جـرى فيهـا؟

انافـي يـوم حبيتـك .. احـسـه يــوم مـيـلادي
قصايـد قلتهـا لجلك .. كتبتـك فــي قوافيـهـا

ترى لو طالت الغربـه .. تصيـر عيونـك بـلادي
واظل اذكر بها احلـى .. ثوانـي عشتهـا فيهـا

واذا مات (الأمـل) فيني .. يظـل الشـوق بفـوادي
وتبقالـي حـروف اسمـك قصيـده .. دوم اغنيـهـا