منتديات لك عيوني - رح الله لا يبيحك و الله بجرحي كفيل

لو خسرتك ما خسرت العمر و الدنيا متاع .!
و أدري إني لو خسرتك ما خسرت إلا القليل .!
بس فكر زين تعرف من خسر فينا و ضاع .!
و تعرف إنك لو تلف الأرض و تدور بديل .!
و الله إن تبطي و لو لفيت في كل البقاع .!
و لو تسوي وش تسوي ما أنت لاقي لي مثيل .!
وين تلقى مثل شخصي شخص و أطباعي طباع .!
و وين تلقى مثل قلبي قلب أو مثلي خليل .!
البشر واجد .. نعم .. لكن فرق الإنطباع .!
يجعلك يمي تميل و يم غيري ما تميل .!
يا رفيقي أنتبه و أحسن لي الإستماع .!
للمواقف دور في كشف المزيف و الأصيل .!
و أنت ما قصرت فيني موقفك جدآآآ شجاع .!
طعنتك في الظهر فعلآ كانت إثبات و دليل .!
بيض الله وجهك اللي ساتره تحت القناع .!
و رايتك بيضا معاي و يا عسى عمرك طويل .!
يعني أعطيك الثقه و تردها بلوي الذراع .!
يا أخي ما شاء الله عليك أبدعت في رد الجميل .!
ما أدري كيف أشكرك ما أدري كيف أرد الصاع صاع .!
كنت أحسب إنك عزيز النفس تطلع لي بخيل .!
كم و أنا عييت أصدق فيك قدر المستطاع .!
من غباءي كنت أسكت و أعذرك و أثر الحصيل .!
جرح قلب ميزته في كل يوم الإتساع .!
و دمع عين ينهمر من ضيقتي في كل ليل .!
و الله إني كنت أحبك حب و أتبعك إتباع .!
كنت لجل أرضي غرورك بس أسوي المستحيل .!
كنت أعمى فيك لا لا كنت ميت للنخاع .!
كنت ما أدري كيف!!? لكن كنت صادق معك حيل .!
كنت أمارس في غرامي لك سياسة الإنطباع .!
و كنت لاغي معك فكرة أعتزل أو أستقيل .!
أندفعت بكل ما فيني و سوء الإندفاع .!
يجبر الإنسان أحيانآ يفكر
بالرحيل .!
صدمتي فيك أنت خلتني أفكر بإقتناع .!
إن قتل النفس راحه لو أنا كنت القتيل .!
أنفجر راسي من التفكير و أزداد الصداع .!
كيف أنا بفتك من جرحك و دوشة قال و قيل .!
صرت سيره في حلوق الناس و تالي هالضياع .!
أنتحر معقول يا الله وش هذا الغليل .!
رحمتك يا رب لامن ضاقت أمنحني وساع .!
أنت حسبي في الزمان الجاير و نعم الوكيل .!
لا غدى مستقبلي و الماضي أطراف النزاع .!
و صفحة الماضي سواد و شي من هذا القبيل .!
فلازم أنسى لجل أنهي بداخلي هذا الصراع .!
و لازم أتقوى عشان أحقق النصر الجليل .!
و طالما إن الهجوم أفضل وسيله للدفاع .!
مستحيل أرضخ لو أن الحمل يا ربعي ثقيل .!
و الأناني اللي نساني و أشترى فيني و باع .!
يروح الله لا يبيحه و الله بجرحي كفيل .!
و إن سأل عني و جاكم بعد فترة إنقطاع .!
علموه إني نسيته بس أنا ماني بخيل .!
طالما كان السبب في قووووتي قبل الوداع .!
بلغوه أقل شي بخااااالص الشكر الجزيل .!