[عيوني حزينه]

الله يستر أنا كلامي مختلف عنكم جميعاً ..

بس ماأقدر أقول أنا ضد الإختلاط لمجرد أن كل الناس رافضينة

وليش أرفضة وأنا حتى لو كان فية إختلاط أكيد راح أكون

لابسة الحجاب وكل شئ فيني متستر .. طيب

أنا وش علي من الطالب

اللي جنبي إذا كنت أنا صاينة نفسي سوااء كنت في جامعة

مختلطة أو لا ..

بعدين إنتوا تقولوا أمريكا بدأت تفصل بين الجنسين ..

الإختلاط في أمريكا فعلاً في أبشع صورة يعني إحنا أكيد لو

صار إختلاط راح يكون برضة في ضوابط

يعني مثلاً في القاعة راح يكونوا الطلاب لهم قسم والطالبات

لهم قسم مخصص ماراح يكون الوضع مدجة زي ماأنتوا

متخيلين

وأكيد ماراح يكون الإختلاط في كل المواد راح يكون في المواد

اللي يكون فيها نقص في الأساتذة ..

وبعدين برضة عندنا كليات الطب هي بعد فيها إختلاط وماقد

سمعنا شئ من اللي ينقال عن الإختلاط بالعكس

يعني البنت والولد اللي راح يسووا شئ بيسووة سواء في

الجامعة ولا غيرة

طيب هذا الكلام قلتة كلة ليش عشان أبغى أوصل لنقطة

مهمة هي التربية من الأساس

أنا لو ربيت بنتي أو ولدي تربية صحيحة مافيها خلل هو بعد

راح يطلع شخص متزن في شخصيتة

وماراح يأثر علية الوضع اللي هو فية سواء إختلاط أوغيرة ..

يعني أنتوا قاعدين تقولوا على كذا ماراح أحد يدرس

وراح ينشغلوا عن الدراسة طيب وين التربية من الأساس ؟؟هذا اللي أبغى أوصلة

أنا بصراحة لو في يوم قررت بنتي أو أبني يكملوا دراستهم في

هذة الجامعة ماراح أرفض

لأني راح أكون متأكدة إني ربيتهم صح

إنت ربي صح وخلاص

أشكرك مفاهيم على تميز طرحك ..
تحيتي ..