هـلا وغـلا بدلوووعه ,
لا لا لا إنتي بأتربعلك في ردي وبأكون جريئه حبتين 
,
شوفي ياقلبوو أوكى عارفه انو في بنات متربيين ومحترمين أنا ماقلت غير كذا وأوووكى مانختلف على هالنقطه ,
بس انتي زيي في جده وتشوفي اكيد اللي انا اشوفه ,
دلوعه ياقلبي البنات والشباب صايرين مايسلمووا من بعض حتى وهم منفصلين ,
والحال في الجامعه صار يرفع الضغط ,
وربي أحيانا أحس كن الشباب مداومين معنا , اللي حاطه جوالها ع السبيكر واللي مسوين شله ومتجمعين وتجي تشوفي على وشو الجمعه تطلع على اتصاااال من شله مواجهه لهم بجامعة الشباب !!!!
طيب هالشلتين لو مع بعض كان درسووا ؟؟؟
لا وربي ليضيعوووا ولو صاارت حأذكرك ,,,
بعدين ياقلبوو خلينا نتكلم بأريحيه شوي ,,
ألحين انتي شايفه البنات اشلون صايره عباياتهم صح والا لا ؟
وشايفه انو الموضه اللي طالعه انها تكون مفتووحه مو مقفله < عجااايب !
فإذا هو ذا الحجاب المعتمد عند بعض البنات تعتبرينه حجاب ؟
هذي عينه ..
طيب نشووف العينه الثانيه ,
ألا وهي البنت الخلوقه المتربيه المحترمه ,,
ياترى هالبنت لو جت وهي محتشمه وفي حالها بتسلم ؟
طيب في وجهة نظري لا وألف لا ماراح تسلم من المضايقات ,
بتسأليني ليه ؟ أقوولك ليه
هذا ياقلبي وبأكون بمنتهى الصراحه وقبل ما اقوول أحب انبه انو مو كل الشباب هيك فيهم ناس متربين ويحترموا بنات الناس ومقدرين انو عندهم اخوات ويخافوا عليهم وهذولا لهم كل الاحترام وربي يكثر من أمثالهم ,
بس اللي احب اقوله لك انو في بعض الشباب لما يشوفوا البنت محترمه وفي حالها مايتركوها يصير ببالهم والله مدري مين بيجيب راسها < خييير !!
يعني هالبنت في حالها وماضرتك ولا اتعرضت لك تجيب راسها ليه حلاوه هيه ؟؟
يعني ياقلبي اللي ابغى اوصله لك انو صح التربيه مهمه والحجاب بعد والحدود اكيد بتكون موجوده حتى في الاختلاط وبعد كم سنه بتنفك < اراهنك ع هالشي
بس حتى لو التربيه موجوده في شي اسمه تأثير سواء من صاحبات سوء أو من الشباب ومضايقاتهم حتى لو ما اعطت اهتمام بيصير كل همها تسلم وتبعد عنهم ويشغلوها ورااح تركيزها اللي المفروض يكون ع دراستها ,
فاهمتني ياقلبوو يعني اللي يبي سلامة بناته وسلامة مستقبلهم يبعدهم مدينه والا ثنتين عن هالجامعه , " يبعد عن الشر ويغنيله" ,,
وانا اكيد اكيد أحترم وجهة نظرك بس حبيت أبينلك وجهة نظري ,
وأختلافنا في الرأي لايفسد للود قضيه ^_*
وتسلميلي ع المرور < خليتيني اكتب موضوع مو رد 
وهو ذا الهدف انو نتناقش وكل واحد يقول رأيه ,
نورتيييني , تحيآإآتي لكـ .. 