مرحـبآ ..
ماالذي يدفع المرأة لتصرخ بهذه الجملة القاسية ؟
كثير ..
وأهمها ( كبرياء ) الأنثى
لاتجرح ولا تقرب من كبريائها وصدقني بتسلم من هالكلمه
طبعا .. مو كل مره تقولها تكون صادقه
فيه بعض المواقف مايكون معها الحق سوا أنه نتيجة إنفعال
ولنفرض على سبيل المثال أن الرجل تزوج على حرمته بالسر
طبعا حق من حقوقه انه يتزوج أكثر من زوجه لأن الشرع أذن له بذلك
وكمان هالشيء ماينقص من رجوله .. بالعكس هو إثبات للفحوله بنظر بعض الرجال
ولكن فيه بعض الحريم مجرد تكشف انو زوجها متزوج عليها !!
بالبديهي تقول هالكلمه ( أنت مو رجال ) < نتيجة إنفعال وصدمه
هل معها الحق ..؟ لا طبعا بس لأن كبريائها انجرح
والمرئه لما ينجرح كبريائها أو حد يشكك في انوثتها .. !!
غالبا تقول كلام يكون ناتج عن الإنفعال والغيره مو من العقل والمنطق
متى تصل المرأة الى هذه المرحلة لتواجه زوجها
او أي رجل بهذه الكلمات؟
مرحلة الجنون الأنثوي ..
لأن لما حرمه تقول بوجه زوجها ( انت مو رجل ) هل نعتبرها عاديه ..؟
طبعا لا .. ونعتبر هالشي لحظة جنون من لحظات جنون البشر
كيف يرى الرجل واقع هذه الإهانة ؟
للأمانه هي كلمه مو سهله بحق الرجل خصوصا لو جت من أهل بيته
لكن الرجل الحقيقي راح يكون واثق من حاله زين
وبيعرف انو هالكلمه ماخرجت إلا نتيجة غضب ..
ويامكثر حماقاة الأنثى لحظات الغضب
ولكن الرجل الحقيقي ..؟
راح يبان بمثل هذي المواقف ويثبت لها العكس
طبعا مو برفع اليد أو رفع الصوت بوجهها ..؟
فيه أساليب حديثه تعتمد على ( اللين والقسوه بآن واحد )
مثل أن يكون أشد عقاب لها هو هجرها لبض الايام حتى تحس بعضمة كلمتها !!
لأنو فعلا لو واجه الموقف بحماقة الرجل
ومد يده عليها أو رفع صوته بوجهها وكأنها بنت شارع مو زوجته ..؟
وقتها راح يكون يستحق الكلمه اللي قالتها في حقه
فما هو رأيك يا أيها الرجل .. ما هي الرجولة وكيف تبرر موقفك ؟؟
الرجوله مالها تعريف .. الرجوله معامله وأفعال
الرجل يبان برجولته مع أخوياه بمواقف عديده ( كذا وكذا وكذا )
لكن مع زوجته وأهل بيته يختلف الميزان كليا ..
..........................
فيه عِباره دائما نستشفها من الفتياة لما يتكلمو عن حلمهم بالزواج
نلاقي الفتاه تقول أحلم أخذ رجل ( مثل بابا )
طيب نوقف عند هالكلمه ونشوف ليه الفتاه تبي شخص مثل أبوها ..؟
سؤال ..
هل فيه شخص أحن على الفتاه من أبوها ..؟
أبدا ماراح يكون فيه حتى زوجها وممكن أولادها
الأب هو أحن رجل على بناته وأعطف قلب عليهن واهو سندهن في حياتهن
حتى والزوجه في بيت زوجها نلاقيها تقول لزوجها لو زعلتني ترا بروح بيت بابا !!
يعني سبحان الله واهي مسؤله من رجل ثاني للحين تشوف أبوها هو سندها بدنياها
وهذا ان دل على شي فهو يدل أن الانثى ترى الرجوله في المعامله اللينه
الأنثى تبي زوج يحتويها ويكون مصدر أمانها وماتصدر منه اي كلمه تخدش انوثتها
ولا يعمل شيء بيوم من الأيام يحسسها بإهانتها ( كالخيانه ) وغيرها
وكمان هالكلام ينطبق على معاملة الأخ لأخته ..
والله لو هو بالطالعه والنازله يزفها ومايضحك وياها ويشوفها عار ابتلو فيه ؟؟
طبيعي انها ماتشوفه رجل ومعها حق بهالنظره
لكن والله لو كان أخ بمعنى الكلمه وصار لها اليد الحنونه وعزوتها يوم تعتزي ..!
طبيعي تشوفه رجل وسيد الرجال كمان
..
..
خلاصة الكلام ..
أن الرجوله في عين المرئه هي ( بالمعامله )
ومافيه شيء يحفظ حقوق المرئه مثل ديننا الحنيف
وديننا وصى على معاملة الانثى باللتي هي أحسن
والدين دائما ( بالمعامله الحسنه )
فلو كل شخص طبق شرع الله وتوصية الرسول صل الله عليه وسلم مع أهل بيته
ماراح يواجه هذه الكلمه أبدا < وعلى مسؤليتي كمان
.
.
اختي رذاذ ..
قلم جميل ومعطاء .. سلمتي ودمتي بمودتهم