[frame="12 98"]عوافي قيصر ..
...............
لكن يظل السؤال يا أحبتي !!
هل خرج ياسر في تصريح رسمي واعترف في هالشيء ..؟
هل خرج رئيس هيئة الأمر بالمعروف والنهي عن المنكر وصرح بهالشيء ..؟
هل خرج أي مسؤلن كان وتكلم عن هالحادثه ..؟
أو مقتنعين ومكتفين بكلام ومصادر المرتزقين !!
أتمنى تحكيم العقل والمنطقيه .. ومانحكم من مجرد نثر الإتهام
اللي خرج في الانترنت مجرد كلام فيه اسم ياسر
وجميع الصور مافيه ولا صوره شفنا فيها صور الكابتن ياسر واهو ممسوك
يعني مافيه دليل قاطع .. ولاحد يقول مافيه دخان من غير نار
كلنا نعرف انو مافيه حد معصوم عن الخطأ إلا محمد اللهم صل وسلم عليه
وشفنا شخص له مكانه في المحاكم القضائيه لدينا في السعوديه في حادثه مخله
هذا إن صدق الدليل المرئي والكلام المصاحب
لكن ياسر وين الدليل المرئي في ذلك ..؟
هذا يسمونه تعرض للعرض .. والله سبحانه مايرضى هالشيء لعباده
..................................
بعض الإخوه جالس يتكلم انو فيه عنصريه وعشان هو ياسر صارو يخبون الامر
ولو واحد من الشعب العادي كان فضحوه !!
طيب هي وقفت الحين على ياسر ..؟
كم من وزير وأمير ومسؤل مرموق عملو أشياء تسيء لسمعتهم وبالنهايه يتسترون على هالشيء ..؟
ماسألتو ليه يجي قرار إعفاء هذا الوزير من مكانه .. أو إقالته بطلبه < والعكس صحيح
كله ممسوك عليهم شيء لكن بحكم منصبه جالسين يتسترون عليهم
الشعب واحد كلنا عبيد لله سبحانه ماحنا بعبيد عن عبدالله ولا محمد ولا غيره .. يعني المعامله وحده
افضح الكبير قبل الصغير وأبو بشت قبل أبو ثوب قديم .. وبكذا تظهر العداله صح
مو تسكت على أهل الطبقه المخمليه وتفضح بياسر وتقولو خلاص ظهر الحق ..؟
مع العلم ..
ان كل هالكلام مجرد إفتراضات ماله من الصحه ولا واحد بالميه
ياسر ماعمل هالشيء .. ودليل ذلك كل الاخبار إجتهادات من مرتزقين الانترنت
مافيه خبر من مصدر مؤكد ورسمي لذلك
والاخت نصراويه فرحانه بالردود اللي في شبكة يوسف الثنيان على ماعتقد
ليه ياختي لايكون اللي يكتبون في شبكة ومنتديات الثنيان هم موظفين الهيئه ..؟
ترا ناس عاديه مثلك ومثل غيرك من الفاضين اللي يتسدحون في الانترنت
لاتفرحي كثير انتي ونقابك ذا اللي جاي عليك غلط
.
.
فيه نقطه بسيطه
كنت أكلم بعض الاخوان في بعض الجلسات أو بعض الاتصالات أو سمعت عن طرفهم كلام
كلهم يتكلمون عن ياسر انه فعل شيء مخل بالدين والذوق والأدب
وهذي النوعيه اعرفها زين ..
يجمع الريال على الريال عشان نهاية الشهر يطلع سوريا أو يحطه بشنطة الجراره
طبعا وأنتم بكرامه عن هالأمور
بس وش هالنقاء وهالذوق اللي خرج فيك فجأه ياعزيزي .. !!
طبعا ولا يهونو بعض البنات اللي بمثل هالحاله < وياكثرهن
سبحان الله
.............................................
خِـتاما .. أتمنى انو نكون فعلا على قلب المسلم الواحد
ونتمنى انو الخبر مو صحيح .. مو نجلس نسأل عن الاسباب وكأن الشيء حقيقه
نتفائل ونقول عسا اشاعه ليه لا ..؟
بس بعض الناس ماعنده وقت سبحان الله .. وكأنه يقول جاك الفرج يامطوُل الصبر
................
وكلامي كان للناس عامه .. في كل الشبكه العنكبوتيه وعلى أرض الواقع
ولم أخص شخص بعينه
إحترامي للكل [/frame]