[شيخ نفسه]

بسم الله الرحمن الرحيمن

اليوم راح اتكلم في كيفية انشاء شركتك والتقدم الى النجاح .

طبعا في كتير ناس فاتحين شركات مهم مستفيدين شي السؤال ليش ؟ راح نعرف كل شي خلال دا الموضوع .

واكيد في ناس مهي مستفيده بتقول كيف استفيد من شركتي ؟ راح تعرف كل شي من خلال هاذا الموضوع .

كيف ابدأ شركتي كيف اسير شركة كبيره كيف كيف .... الخ راح يكون موضوعنا ~


المهم ندخل في صلب الموضوع اولاد في ناس الان ناويه تعمل شركة بس الخوف ماسكهم من انهم يبدؤون

1-ما عندي شركة ايش احتاج قبل ما ابدأ
البدايه سهله قبل ما تبدأ شركتك لازم تكون على الاقل خبير دعم فني او مصمم او لديك خبره كافيه للمواقع لانه لو بديت وما تعرف شي وش فايدة بدايتك وتملك شركه وانت ما تعرف تركب منتدى او استايل
لو جاك عميل وقلك ركب لي استايل ايش حتقله انتظر اجيب دعم فني
ودي توفر عليك لمن تكون خبير بالدعم الفني ما يحتاج تلجأ الى موظفين يشتغلون معك المهم ويجب ان يكون لك معارف في النت عشان لو احتجت شي عاد لا تعتمد على الاخرين في كل شي خليك كفو واعمل كل شي بنفسك وشوف الشروح عشان تتعلم



2- عرفت ايش احتاج قبل ما ابدأ كيف ابدأ؟
أ- تحتاج تصميم للشركه ( يفضل whmc ) الي هوا سكربت تذاكر
يسهل للعميل التواصل معك عن طريق التذاكر ~

ب-تحتاج ريسلر دومينات دومينات ريسلر الدومينات وهوا ببساطه تقوم بشحنه بعدد معين عشان تحجز لعملاءك دومينات منه وفي الريسلر سعر الدومين بيكون في حدود 32 او 33 وفي شركات اغلى لكن السعر المناسب 33 تقريبا
وتسطيع التحكم في الدومينات كما تشاء تغير دي ان اس وعمل جميع الاشياء والتجديد كله بيدك

جـ - تحتاج ريسلر مساحات ريسلر المساحات ياطول العمر هوا ريسلر في مساحات من 5 جيجا يطلع الى 80 جيجا ~ وفي اكتر بس لو اخدت اكتر مش مستفيد داك الشي الا مساحات زايده ودفع ثمن زايد

في البدايه تحتاج 20 جيجا او 10 جيجا واهم شي الباونديث يفضل الباونديث تحتاج باونديث 200 جيجا واكتر عشان ما ينقص عليك وتكون جاهز في أي وقت ما يخلص عليك

بخصوص اسعار الريسلرات 10 جيجا بيكون ايجارها الشهري من 60 ريال الى 70 ريال كدا في دا الحدود

لكن لا تاخد مساحه منت محتاجها لانو حتدفع في شي فاضي وخلي الدفع كل 3 شهور لانه احتمال تقوم بالترقيه او تنقل لشركه اخرى الريسلر او تقوم بالترقيه لـي vps

كدا انت حتقدر تبدأ مشوارك ودي الـ 3 الاشياء يجب توفرها معك عشان تكون شركة استضافة



3- بدأت مشواري كيف احصل على العملاء ؟

اولا - يجب ان تكون اسعارك معقوله وحاول ان تنافس باقي الشركات مثلا مساحه 1 جيجا بـ 300 ريال عند معظم الشركات فخلي انت بـ250 ريال او 200 ريال عشان الناس بتجيك

لكن يالغلا السعر مو اهم شي الخدمه اهم شي راح يجونك يطلبون عملاءك كبدايه حيكون عندك كم عميل راح يسالهم عن خدمتك واسلوبك كيف معهم لو كان طيب فاعرف انه محد راح يهرج عليك وعدم تطنيش العملاء ولو كان عطل بسببك كون صريح معهم واكد لك 70% من العملاء راح يتقبل هاذا الشي لكن مو بشكل استمرار

ثانيا حاول ان تشترك بالمعاهد وطبعا عندك معاهد كتيره كـ المعهد الحمايا العربي كـ ترايدنت كـ نصب كوم ـ كـ الويب العربي كـ روابط في بي

وحاول تنزل عروض بشكل استمرار في جميع المعاهد وشارك مو شرط بعالم الاستضافة في التصميم والدين العام والاستضافة وكل شي عشان راح الناس تتعرف عليك اكتر

ومواضيعك تتدل على الشركه وتمثل الشركه

ثانيا حاول ان تكسب عملاءك وتتعرف وتتقرب اليهم اكتر لو عرفوك اكتر ووثقو فيك راح يجيبو لك عملاء زملاءهم اصحابهم اقاربهم .... الخ .

ثالثا حاول ترد على اغلب المواضيع الطلبات وتضع عروضك ولا تستبعد انه احد يجيك راح يجونك وتشوف

رابعا حاول تقدم الخدمات الي تملكها يعني لا تكون وسيط لشركه اخرى لكي يكون جميع اعمالك من شركتك

خامسا لو اتاك شخص ما تعرفه وطلب منك المساعده حاول تساعده مو تقله انا مالي دعوه بيك انت مو عميل عندي

يعني بمساعدتك له يمكن ينقل موقعه اليك او يقوم بطلب تصميم او احد خدماتك

سادسا شيئ نسيت ذكره من البدايه حاول ان تتميز عن باقي الشركات في اسلوب التصميم في اسلوبك مع عملاءك في عروضك في خدماتك


4- عملت شركتي وواصلت متاجرتي فين حوصل بعدين ؟
لمن تلاقي نفسك وصلت لحد 20 عميل او 30 عميل

حسب ميزانية المال معك قوم بالترقيه الى vps وهناك شركات تقدم الخدمه وانا اشوفك افضلها مودلاير الي صاحبها ابو عمر وفي شركة اي فور سيرف صاحبها نور

ومن ثم واصل مشوارك الى ان تصل الى سيرفر كامل ويكون لك سمعتك وعملاءك اتمنى اكون افدت الجميع بموضوعي والله ما حبيت ابخل على الاعضاء والشركات واتمنى للجميع التوفيق

واي سؤال لا تتردد بالاستفسار ~ شركة اكسترا دايما بالخدمه ~

اعداد وتقديم سالم باحكيم ( صاحب شركة اكسترا )
واتمنى عند النقل ذكر المصدر وذكر حقوق شركة اكسترا ~
تحياتي