[ايمن الموسوي]

يلصمت رمضان حبك
ما حضر وكت الفطور
ما حضر وكت التسامح
وللمحبة انمد جسور
يمتة تهدم كل عنادك
ترضة وتلين الامور
يمتة تنشد مو احبك؟
وانتة ماي وانة افور
يلي تدري اشكد احبك
كد كصب عاشكلة هور
وكد حنين من اذكرك
واملي دمعات السطور
وهذا رمضان االتسامح
ينفتح للجنة بابة
وهذا رمضان التساممح
واليحب يذكر احبابة
وبعدة عيد
وانة دلالي يتيم
واكف يدور حنان
انة دلالي حزين
من غدر بيه الزمان
اتوسد اطيوف الفرح يترجة فرحة
وتيه ادروب الامان
واليتيم اشلون حالة
بلاية عينك لا تصدك شي حلاله
وانتة عيدية حنان
اتصور انتة
لو يتيم وضاعت العيدية منة
والله اليفرح اليتم اله الجنة
وانتة جف اليمد ويوزع حنان
وتمسح ادموع التطيح
انتة يا نسمة شمال بليل بارح
انتة بيك انتة وعليك اكليبي رايح
امشي العباس ليك ارجوك سامح
يلي تدري شكد احبك
وبمحبتك حيل طايح
جيمتهن ذيج جلمات الزعل
ما راح ازعل
وانتة موتني بدلالك راضي واقبل
انتة مرخوص اتدلل
وانا قابل بيك اصومن عمري كلة
ومن ترد شوفك فطور
وانا قابل بيك افور
واطفى ورجع هم اافور
بس تلينها الامور
العشك صدك شعور
وانتة وحدك انتة صدك
تملك كلبي الغيور
وانتة عيني وماي عيني
راح لجل الاوف منك
امسك واعلن صيامي
وراح اصومن هذا رمضان المحبة
لمن ما تعطف علية
وانتة ماي الي اشربة
وما اتاني االعيد لجلك
افطر بجلمة حنان
شكد حلو تراضي التعذبة
شكد حلو اتراضي التعذبة