[frame="1 80"]لاحول ولا قوة الا بالله
شوفو وش يصير لشباب اعظم دوله بتصدير النفط
شوفو بعيونكم المذله
شوفو بعيونكم الظلم والاهانه
الله يصلح من اختار لنا هالبطانه الفاسده
اللي حالت بيننا وبين مليكنا
أنا اجزم لو الملك شاف هالموضوع وشاف هالصور
متاكد انو راح تدمع عينه وبيقول هذا الشي يصير مع شعبي ؟
طبعا الملك بيستغرب لان الخبر اللي واصله
انو الشعب متيسره اموره ومستتر وماعليه قاصر
لاحول ولا قوة الا بالله اكبر نفاااق موجود بديرة الحرمين
ياجماعه
قطع الارقاب ولا قطع الارزاق
ناااااس تبي تتوظف عشان تاااكل
ناس تبي تتوظف عشان تسكن ببيوت مايسكنو الشوارع
ناس تبي تتوظف عشان يلاقو مصروف يتعالجو به
كلنا شفنا منظر الزحام عند احد الدوائر الحكوميه
شفتو كيف متزاحمين ؟
وأنا أجزم انو الوظائف المطلوبه هي ماتوازي 3 بالميه من العدد المتواجد
طبعا وبدون شك انو اسماء المقبولين مرسووومه من قبلها بكم يوم
أنا أحد الطلاب اللي وقفو عند احد الكليات العسكريه ابي اقدم
والله وقفنا بالشمس لساعات
وبالاخير طلع علينا الملازم وزفنا وهاوشنا وقال مافيه وظايف يالله روحو
طيب احنا قرينا بالجريده انو فيه تسجيل
هو ليه يزفنا وكاننا داخلين بيته ؟
ياناس ياعالم هذا حلال دوله مو حلالكم
هذا سبيل لكل سعووودي
ماقلنا نبي مال مقابل نومنا
لا نبي نتعب ونكسب كل شي من تعبنا
اهم شي نلاقي لقمه بالحلال
أنا جزم انو الصور اللي شفتوها للصوص
انو مو كلهم اساسهم لصوص
يعني فيه منهم من تربى على اللقمه الحرام
بس كلامي عن اللي مجبوووور يتبع هالطريق
أنا أذكر احد ظباط الشرطه يقول لنا سالفه حصلت معاه
والسالفه والله تبكي القلب قبل العين
يقول مسكنا شباب يقتحمون محل ذهب نسائي ويسرقونه
واحد منهم قلنا خلك الحين يجي ابوووك ونشوووف نهايتك
تدرووون وش رد عليهم ؟
قال ابوووي هو اللي طلعني من البيت
يقول ابوي يقول لي اطلع رووح لاتجلس عندي
توظف اشحد اسرق اهم شي تسنع
ثم قال للظابط
ترا انا قبل ماامد يدي للحرام
صابها الارهاق وانا مادها للحلال بس ولا احد عبرني
يعني هذا الشاب سوا اللي عليه
وانا اجزم يومه رايح يسرق انو مو انحراف فيه
بالعكس انا اشوف هالشي وكأنه مرض نفسي
تعب نفسيا تلاقونه انتظر سنين ولا احد عبره
بالاخير لعب فيه الشيطان وعيال الحرام
نداء لدولتنا العزيزه
أنتي امنا واحنا ابنائك
بالاخير مالنا الا انتي وانتي مالك غيرنا
ماأحد بيصرف علينا غيرك ومافيه حد بيحميكي غيرنا بعد ربك
ليه مانصفي النيه ونلم الشمل
ليه خيرنا لغيرنا
ليه اللي بالدول الثانيه يغنون بخيراتنا واحنا لا
ليه الاجانب بالسعوديه يركبون احلى السيارات ع حساب الدوله
ويسكنون احلى البيوت مع تأمين الحمايه لهم
ومع ذلك رواتبهم لاتقل عن ذاك السعر الخيالي
واحنا ياابناء هذه الدوله ليس لنا سوا ان نتفرج
والله والله شفتهم بعيني
وبإحدى القنواة السعوديه
ياخذون لقائات مع شباب عاطلين
والله يبكوووووون وربي يبكووووووون
يقول لي 9 سنوات معي هالاخضر ( الملف ) انقله يمين ويسار ولا حصلت شي
مو ظلم ياناس ؟
انا اتمنى تدشووون ع البالتوك وتدشون روم البطاله
واسمعو كلام الشباب وشوفو مطالبهم
والله راضين بأقل القليل
بس اهم شي يلاقي اسم وظيفه وياكل ويشرب حلال
ياناس
ترا احنا شباب
والواحد من يطلع من الثانوي واتكلم عن الاغلب
يروح خاطب له بنت ناس
والزواج مابيتم الا بالوظييفه
وعلى طووول مدى الوظيفه راح تجلس البنت
وبالأخير يسألون وش سبب عنوسة الفتاه ؟
لاتروووحو بعيد ترا كل شي مظر لمصلحة الشعب
صدقوني بتلاقون للبطاله يد فيه.
.
الله يرزق جميع شبابنا الوظائف وتيسير الأمور
اللهم فرج همومهم وابن بيوتهم وارزقهم الزواج
اللهم امين
.
.
كل الشكر لك اخوي الدايفنك
وسامحني لو أطلت بردي
لكن يظل بالقلب حرقه
اخوك سعودي[/frame]