حزن النبــــلاء

[شيخ نفسه]

تحية طيبة

لكم حزن النبلاء

الخاطر ماهو شوي ويروق
الجرح حتى لو تشافي يعللك
وإذاك متحمس متاهات وطروق
أنـــا تعبت أشد حيلي وأحاولك
سماي ماشي شمس ورعود وبروق
والريح ماهبت ولايجري الفلك
والبحر ناشف بحر ..وشقوقة شقوق
وشلون بيكود سحاب ويبللك
ياظامي أنا أظما ..ومتشبع حروق
وإذاك ظامي للمواصل أنا هلك
هَلك ووقف في وجهي الأصل والذوق
والمجتمع والعرف والفقر وأهلك
متعومس وحزن النبلاء مرموق
يعني لو احتاج إلك ماجيتك أسألك
اللي على أشكي ..وأعاتبك برفوق
وأقول لك ودي ماعاد آتــــأملك
من دورة الأيام ياوك مخنوق
الوقت مشاني من السلك للسلك
أزل خطوة بس ماأزل منطوق
ولو صارت أبا أحب خشمك وأجاملك
يبقي الني آدم مجرد ومخلوق
مَلم ... ولكن في الحقيقة بلا مُلك
والناس عوق الناس .. والدرب مسبوق
تتعب على أشياء فــ الآخر ماهي بإلك