أغصان الغياب

[شيخ نفسه]

أغصان الغياب

علي الزهراني مهندس الشعر القادم يتحفنا بهذه الرائعة

يصوغ الحروف بريشة فنان ماهر فتمتزج الكلمات معه مشكلة اعذب الحروف

في كل بيت معنى لقصيدة كاملة

لكن دعونا نتامل هذا البيت الذي يقول فيه ::


أشوف الليل سبوره سهر والهم يشرحني
وأشوف الحزن مستوحش مكشّر لي عن أنيابه





كثير اشيا تسولف لي عن أغيابه وتجرحني
وانا ما احب أحد أصلا يسولف لي عن أغيابه
كثر ما أتنفس أوجوده كثر لا غاب يذبحني
كثر ما نختلف مدري أحس أكثييير نتشابه
كشفني البعد متلبس "حنين" وخفت يفضحني
وقلت أهرب من أعيونه .. وألقاني على بابه
أشوف الليل سبوره سهر والهم يشرحني
وأشوف الحزن مستوحش مكشّر لي عن أنيابه
تعوّدني الحزن دايم وصار الحزن يفرحني
يعاودني الفرح لكن يعزي فيني أسبابه
أنا الغاوي بغيباته متى ذا الوصل يصلحني ؟
تماداني الصبر حتى طلع صبري من أثيابه
أنا مابي سوى إنه على أخلاصي يسامحني
على كثر الوفا يصبر ويتواضع لإحبابه
حبيبي لتعب موسم دخيلك يوم ريحني
دخيلك هز أغصان الغياب وطيـّر أسرابه