الدهر كآسين ..خآلد العتيبي ((صوتيه))

[شيخ نفسه]

قصيده رآئعه لي الشآعر خآلد العتيبي



الدهر كاسين عذبـه مـن هماجـه


والرزايا ليلهـا يطـوي ضحاهـا


والرفيق احتج لـه قبـل احتجاجـه


من ضميري والكرام اكرم الحاهـا


والردي ما حسب العدله ونعواجـه


والمـوده معـه مقطـوعً عراهـا


ون رضي ولا قنع يـوم المواجـه


مابعـد نـور العيـون الا عماهـا


تاج راسي طيـب جدانـي وتاجـه


ماجمع جوف الجيوب ومـا ملاهـا


ماعرف اجامل ولا حـب اللجاجـه


والمواقف مالهـا الا مـن حماهـا


والتذلـل والـتـذري والسمـاجـه


سلعة اللي بـاع وجهـه وشتراهـا


ناج قلبي ياحمـام الـورق ناجـه


هجرس الحونك واهجرس لك وراها


غنها لين الضحـى يقـدح سراجـه


عـن روح للعـزى مالله هـداهـا


لو معك قلب ولـك بـال مزاجـه


مثل مالي ماتركتـك فـي عناهـا


سقتها لك والزمن يكسـر عجاجـه


من هجوس العوج ولا من عواهـا


وانت سبل دمعتك والحـزن لاجـه


لين تغرق ريشتك في حـر ماهـا


شاعر صارت طواريقـه علاجـه


كنه اشوى لا بـدا رجـم وبداهـا


روحت رابع سنه ماطلـق حجاجـه


ناشبته العبـره اللـي وش مداهـا


علقـت مابيـن حزنـه وبتهاجـه


ماومرهـا الله تـروح ولابكـاهـا


في غلا من ضيق صدري ونفراجه


صدة منها وضحكـه مـن شفاهـا


انكرتنـا ايامنـا والليـل داجــه


غيب اللي جعل ينسى مـن نساهـا


باقيً من رمـح فرقاهـا زراجـه


فاالمحاني ماقشعتـه مـن غلاهـا


ذكريات ومن نزل صدري وساجـه


لـه عـروق قصهـا ولا رماهـا


مالي الا اصبر ولو صدري نتاجـه


اح يافـح الضـلـوع وياشقـاهـا


ان عذلت العين جا قلبـي خلاجـه


ون قدرت القلب جا عينـي بلاهـا


ون ذكرت الدمع منهـا وندراجـه


ورتعاشـة كفهـا واخـر رجاهـا


والكلام اللي مـن الشريـان زاجـه


حال دونه حزنها مـدري سحاهـا


مابقى لي فوق سمك الارض حاجه


استوى اللي تحتها واللـي مشاهـا









مع خآلص ودي وأحترآمي