ماتغير اي شي لاكن صار فاضي هالمكان..

[نحلة بألوان الطيف]

[size=5][][align=center]كلمات كأغصان شجرة عملاقه تتمايل عندما يحط على أحد أغصانها
عصفور اً مغرد..
انتقيتها لكم بعد ان امتصيت رحيقها السكري وهاأنا اقدمها لكم
كخليه علكم تستطيبونها..


ماتغيَّر أي شي .. لكن .. صار فاضي هالمكـان
يعني إنتَ شفت قلبي طحت مِنْ عيني وعينـه


[ كان ]
لك قلبي
" مدينه "
ولاحظ إني قلت :
كان !
يعني إنتَ الحين واحد خارج حدود [ المدينه ]


ليه مستغرب كلامي وليـه أعطيـك الأمـان
وليه تَكْذِب في كلامك العـذر وينـك ووينـه


ما ألومك كان قلبـك ثـارت أمواجـه وخـان
الخطا منَّي لأني صرت فـي بحـرك سفينـه


والسؤال اللَّي قد كتمته وما نِطَـق فيـه اللسـان
كيف إيدك إطعنتني وآنا أحْسِبْهَـا أمينـه ..؟


جرحي ما يرضيه قلبك لو يجـي كلِّـه حنـان
لو تبوس الجرح فيني ولـو تقبلهـا إيدينـه


يُوم أحبك قلت كلمه : ( يكرَم المرء أو يُهان )
وإنتَ قلبي ما كرمته وما قدرت إنِّـك تهينـه !


[ عزِّتي ].. ما هي جديده آنا شامخ من زمان
إغسل إيدك من رجوعي وروح يا إبن اللذينه


طاب خاطر قلبي منِّك وهذي الفرقـى رهـان
وحتَّى لو قلبي يحبـك ربِّـي بفراقـك يعينـه


تدري لما قلت أحبك قلت وما عنـدي ضمـان
وإختياري كان خاطىء تجربه بالحيـل شينـه


كنت تخطي وكنت أسامح مرَّه مرتين وثمـان
أدمح الزله عشانك وأكتـم أنفـاس الغبينـه


كنت أحبك وكنت أعزك والغلا فينـي جبـان
أخاف تزعل لو ألومك ضعت ما بينـك وبينـه


في عيون الناس عادي بس في عيني جنـان
وكان قلبي من يشوفك تفضحه نظـرة حنينـه


ماني أوَّل من يحب ومنتَ آخر شخص خـان
المحبه في زمانك [ بحرها ] من غيـر مينـه


[ الفشل ] .. كان النتيجه وأعتقـد آن الأوان
أبني مستقبل حياتي وأنسى قصتنـا الحزينـه


وخطوتي الأولى غيابك وراح أطبقها عشـان
يبكي قلبك لا فقدني والندم .. يملـي سنينـه


جاي تسأل عن مكانك !! هو بقى فيني مكان ؟
الله يرحمها المشاعر اللي كانت لـك رهينـه


قلت لك قلبي [ مدينه ] فيها لك حشمه وشـان
لكن إنتَ الحين أغرب شخص في هذي المدينه[/align][/size][/size]

 

 

[الألمعي]

الف شكر لكي على الإبداع والتألق بفنك الجميل والكلمات الراقيه




بشتى مشاعر التعبير ولأحاسيس التي تثير لنا إضاءات الإبتسامة والفرح والسرور


وأهلا وسهلا وبابنا مفتوح لكي اربعة وعشرون ساعة وحياك الله اختي


تقبل تحياتي

 

 

[نحلة بألوان الطيف]

الألمعي سرني تشريفك ورمساتك اللي عطرت مشاركتي...

 

 

[طيف الروح]

أسفه اختي،مكان الموضوع خطأ..

وتم نقله للقسم الصحيح..

 

 

[نحلة بألوان الطيف]

[align=center]عزيزتي : عازفة الصمت لو يكون فيه شوية تنسيق بينكم كان وايد أحلى

لأني والله اول ماحطيت مشاركتي حطيتها بقسم الخواطر الا ان احدهم أشار الى

ان المكان اللذي اخترته هو خاطئ كما قلتي انتي..
ثم قال ينقل لقسم الشعر..

وها انتي تعيدين مشاركتي للخواطر ..!!

وانا لاأعرف الآن سبب هذا الأختلاف..

الم تستطيعو تحديد ما اذا كانت المشاركه قصيده أم خاطرة..!!؟؟؟؟؟[/align]

 

 

[ورد جوري]

تسلمي نحوووله بس للأسف الموضوع موجوود