فلان محجوز لفلانه.......

[.•°القـيـصـر°•.]

السلام عليكم ورحمة الله وبركاته


( الحبر يخلص وقضايا مجتمعنا ماتخلص )

نجي لقضيتنا ومحور حديثنا

( ياولدي بنحجز لك بنت فلان )
( يابنتي ترى ولد فلان حاجزك )
( فلانة محجوزة لفلان )
وتلقى فلآن مآيجب سيرة أفلانه ... كذآ لأنه يحس بأنه مجبور عليهآ << ماعلينا
نكمل ...


_ يجي واحد يخطب بنت جيرانه ..الولد ماعليه اخلاق ودين ..لكن البنت محجوزة لولد عمها

_ في يوم من الأيام شخص كان حاجز وحده من قريباته .. وطول حجزه لها يعني من يوم انهم صغار وهم يقولون فلان لفلانه وفلانه لفلان .. وبعد ما توظف تركها وقال انه مايبيها ..
ساءت الحاله بين العائلتين .. والبنت تورطت وراحت فيها حتي الخطاب مايدقون بابهم لأنهم يعرفون انها محجوزه لفلان وضاعت البنت مع ضياع هذا الحجز ..

_ بنت يتيمة وحيدة..حجزها عمها لولده ..لانه مايبغاها تطلع من العايله .. طيب ممكن البنت مو مناسبة للولد ..افكارهم غير ..شخصياتهم غير..لكن مين يسمع ..خلاص البنت محجوزة لفلان



قصص تبكي القلوب .. وأحلام تضيع في قرار
أمال وأمنيات تتبخر ..

بصراحة انا احس ان الحجز فيه ظلم للبنت
خصوصا ان الولد لو كبر وغير رايه ماهيتأثر
لكن البنت حساسة وهتتأثر
وفوق كل هذا معد بيجيها خطاب لانهم يعرفوا انها محجوزة لفلان

ممكن الشاب يتأثر لان اهله اختاروا له شريكة حياته
وحجوزها له ..

لكن البنت هي اللي هتتأثر اكثر



يخلص الحبر والكلام مايخلص


من المذنب .في هذا كله. الشاب , الشابه , الأهل , العادات والتقاليد ؟؟

ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟

اذا تقدم لكي ايتها الفتاة شاب للآن يدرس وقالوا لك أهلك انه يبي يحجزك وش بيكون موقفك ؟

وهل هذا الشي موجود في عائلتكم ؟؟ وماموقفكم منه ؟؟


بانتظار آرائكم وتعليقاتكم

 

 

[عيوني حزينه]

{ يجي واحد يخطب بنت جيرانه ..الولد ماعليه اخلاق ودين ..لكن البنت محجوزة لولد عمها }

القيصر إنت اليوم جبت موضوع مثل مايقولون على الجرح ،،
مدري من يوم إبتدي وإيش أقول ،،
غير إن العادات والتقاليد هي السبب الأول والرئيسي في هالموضوع ،،
لما يكون فية شاب متعلم ومثقف وواعي وفي الجهة المقابلة فتاة جاهلة ومو متعلمة ومافية بينهم أي توافق من أي ناحية لكن مجبور بالزواج بها .. وليش؟؟
لأنها بنت عمة ولا بنت خالة وماينفع تطلع برى العيلة .. أنا أستغرب من هالمنطق ،،
قبل يومين واصلني خبر وحدة من جماعتنا توها متزوجة وتطلقت طيب ليش وإيش الإسباب ؟؟
مافية بينهم أي توافق مع إنة إبن عمها اللي حجزوها لة << هو هذا اللي مارضيوا أهلها يزوجوا غيرة لأنة ولد عمها ،، طلقها وبكل بساطة وفي أقل من سنة ..
ووحدة برضة أعرفها وصلت للثلاثين في عمرها ولسة ماتزوجت تنتظر ولد عمها يخلص دراستة وهو أصغر منها بعد وكل ماجاها خطاب يكون الرد عليهم محجوزة ،،
مجتمعنا السعودي مجتمع العادات تحكمة وبشكل كبييييييير ،،
يعني عادةً الشخص اللي يزوج بنتة من برى العيلة يعتبروة متنكر للقبيلة كلللللللللها،،
مآآعرف متى راح نتخلص من هالتفكير ،،
الرسول علية الصلاة والسلام قال
{{ إذا أتاكم من ترضون دينة وخلقة فزوجوة ، ألا تفعلوا تكن فتنة في الإرض وفساد عظيم }}
وياريتها لما تنحجز البنت يحجزوها للي يستاهلها ،،
وفي النهاية الشاب لو ماحصل بينة وبين زوجتة أي توافق راح يطلقها وهي اللي راح تظرر بشكل كبيييييير من نظرة المجتمع للمرأة المطلقة
<< برضة عادات في نظرتهم للمرأة المطلقة ،،
يعني مافية مفر من هالعادات اللي مسيطرة علينا ،،
ماأقول غير كان الله في عون كل شاب وفتاة مفروض عليهم هالحالة ...

،،،

يعطيك العافية على الطرح المميز ..
تحياتي لك ..

 

 

["خ ــآلِـد؛]

اخوي القيصر انا الي اشوفه ان هالشي بدء يتلاشى مع الزمن وبدة الناس تتثقف

لكن مايمنع من وجوده

ويعطيك العافيه

 

 

[.•°القـيـصـر°•.]

خرافيهـ
شاكر لكـ تواجدك ومداخلتكـ وكلامكـ الرائع
والمنطق الصحيح والوافي فعلا

عادهـ نتمنى زوالها اثرت على حيات الكثير


وحيد الليل

معكـ حق في الاجيال الصاعدهـ تلاشت فعلا

لكن مازال هناك الكثير ممن هم الان تقريبا اعمارهم فوق العشرين
ارتبطوا في هذا الشي
اما الجيل الصاعد فا اتوقع انها لم تواجد بينهم

 

 

[أحــ منهم ــلى]

[align=center]
صح هذا المنطق زاااد وانتشر في هذي الايااام
وهذي العادة غلط مليون %
ماادري ايش اقول بس الله يعينهم اللي عندهم هذا المنطق
مشكوووور اخوي القيصر ع الموضوع
وتقبل مروري
[/align]

 

 

[^*^خيال^*^]

ايه والله القيصر مثل ماقلو

الحين الموضوع هذا انتشر بسرعه

بس والله غلط
يسلمو القيصر على الموضوع المهم

 

 

[شاعر الحرمان]

القيصر
يسعد مساك اخوي ..
وبالفعل اعتبر هذي قضايا في قضيه ولكن الحمد الله كلمالها تتلاشى وتنجلي
<< لنعود احرار .. ونتخذ القرار >>
لانها مثل ما قلت يخلص الحبر والكلام ما يخلص ..

لك الشكر على جمال الطرح وروعة الفكره

دمت في رعاية الله