تملك الجرأة لحضور زواج ابوك على امك ..

[كبرياء ملك]

السلام عليكم ورحمة الله وبركاته:

عدت اليكم اخواني واخواتي اعضاء منتدانا الرائع
بموضوع حساس وفية نوع من الفرح الممزوج بالحزن
واريد منكم وقبل كل شي ان تضعو انفسكم بنفس الموقف
وتتأملو قليلا ومن ثم اجعلو لافكاركم واناملكم الوقت المتبقي للتعبير عن رأيهم
عبر الكلمات والاحرف الحزينة ,,,,

هل تحضر زواج ابوك اذا اراد الزواج على امك ..!

وطبعا اذا مارحت ابوك راح يزعل ويتضايق ...

واذا رحت الوالدة بتزعـل وتشيل بخاطرها ..

وزعل ميـن اللي يهمـك بزيااادة وماتقدر عليه اكثر من الثـاني .. ؟

وايش رآح تسوووي وايش راح تختـآر ؟!


ويـاليت تقول ليش اخترت هالسبب ...

مع العلم ان كل منهم له مكانة كبيرة بقلبك ....

 

 

["خ ــآلِـد؛]

والله الحقيقه بجلس عند امي
وبحضر زواج ابوي
بس شلون اها
بروح بسر يالله مشيها لي النفقيتر
يعطيك العافيه

 

 

[عيوني حزينه]

سؤال مرررة صعب


مالقيت لة إجابة


بنتظر إجابات الأعضاء أشوف كيف راح يتصرفوا


ويارب ماحد ينوضع في هالموقف الصعب


يسلموا النفقيتر على السؤال التعجيزي

::


تحياتي..

 

 

[الورده الذبلانه]

بدون تفكير ماراح اروح بجلس عند مامتي

وراح ازعل منه وماراح اكلمه

لانه فضل وحده ثانية على مامتي

وبس

 

 

[الم ـبتسم(:]

تسلم اخوي النفقيتر
شوف يا حبيبي الاصل في الشرع التعدد وان لم يعدل او خاف من ناحية العدل فواحده
وبالنسبه لي شخصيا راح أحضر الزواج ومشاركته دائما في افراحه
ولا مانع لدي من ذالك ...



تشكراتي

 

 

[»» الـعـزٍ ««]

السلام عليكم ورحمة الله وبركاته

هلا فيك أخوي النفقيتر

< يستغرب من نمط الموضوع وبعض الردود

هل فيه شيء محرم شرعيا زواج الأب من ثانيه أو مخالفة سلوم وعادات العرب ..؟

دائما لانأخذ كل الأمور بشكل عاطفي فقط !!

فيه أشياء تكون بديهيه شو نعمل فيها ومايحتاج تفكير أو أخذ رأي

يعني والله الوالد رح يتزوج حرمه ثانيه أو ثالثه .. أيا كااان

هل في هالشيء إهانه لحق امي عشان ما أحضر ...؟

الوالد تزوج على شرع الله وسنة رسوله والدين محلل له هالشي ليه بزعل ..؟

والمفروض من الام في هالموقف انو هي اللي تدعم ابنائها نفسيا لحضور حفل زواج أبوهم

لأن الحرمه الأصيله تبقى أصيله طول العمر مهما صار .. مو وقت معين

طيب فلان من الناس تزوج على حرمته لغرض تعدد الزوجات .. مو عشان نقص في حرمته الاوله

ليه الابناء والزوجه يزعلون ومايحضرون ..؟

والزوجه الاوله تبقى معززه ومكرمه واهي صاحبة الأوله وام عياله

لكن والله لو الأب طلق الزوجه الأوله وتزوج بدالها < والطلاق لسبب تافه !!

هنا فيه عتب من الأبناء بس ماتوصل انو مايحضرون حفل الزواج

أو فيه بعض الأزواج مثل اللي مثلو قضيتهم في إحدى المسلسلات الكوميديه السعوديه

وهو يكون مقفل الـ 4 زوجات ماشاء الله عليه

ولما يحب يزودهن يروح يطلق وحده فيهن ..

عاد يعمل قرعه أو يدور عليهن الزله لين يلاقيها ويطلق .. المهم يفتح له باب

هذا للأمانه .. ماحترم شرع ربي

واللي مايحترم ويقدر اللي يأمر فيه الشرع ..؟ مايستاهل احترام الناس

بس طبعا أبنائه يظلون ابنائه لو امهم هي المطلقه .. ابنائه شي وباقي الناس شي

.....................................

نقطه بسيطه لازم يدركها كل شاب

لما تتزوج أنت أو أحد اخوانك منو اللي يكون ع الباب في القاعه لاستقبال الضيوف ..؟

منو اللي يسعى لزواجك ويتعب وياك وكأنه راح يدخل معك في ليلتك ..؟

منو اللي بسمته وفرحته يمكن أكثر منك في ليلتك ..؟

مو أبوووك ..؟

ولا راح تلاقي أحد كثره يفرح لك بزواجك الا امك

هل ترد له هالشيء بالجحود والنكران والجفاف والتظلم الغير مبرر لك فيه ..؟

مافكرت لحظه شو شعور ابوك وقتها ؟

ابوك يشوف فلان اللي بعمره لما تزوج كانو اولاده بجنبه وصدق حس بأنهم من صلبه وسندو ضهره

يرحبون بالضيوف ويحييون الحفل ويقومون بمقام الابن الصالح لأبوه

وابوك يطالع يمينه ويساره مامعه حد من عياله أبدااا ..؟

يمكن اللي ساندين له ظهره في هالحفل هم عيال خوانه < عيال عمك أنت أيها الشاب

أو ممكن حتى مايكون وياه أحد الا اهل المره

( هذا حق أبوك عليك ؟؟ )

بيوم من الايام تتزوج ويجون لك ابناء وتعرف شو معنى وجود ابنك جنبك في عز فرحك وحزنك

ولا تقول لي الوالده !!

الوالده انسانه معززه ومكرمه وأبوك ماعمل شي غلط < حسب رأي الشريعه

ولنفرض ان امك زعلت في هالليله وزادت الغيره شووي < وهذا شي طبيعي

وماحبت انكم تروحون للحفل .. هل راح تعمل هالشي وماتروح وتقول خاطر امي ..؟

أنت ياخي رجال وفاهم وعاقل وامك تظل مرئه تتحكم فيها عواطفها مو عقلانيتها

كلمها وفهمها انها تطلب منك شي ممكن تـأثم فيه لأنك حرمت ما أحله الله بعملتك هذي

والأم غالبا تسمع من أبنائها بإذن صاغيه

خلك تكون الوصله القويه مابين امك وابوك لو صار شيء لاسمح الله

مو تكون منحاز لأحد الطرفين بحال حدث امر بينهم ..؟

أنت من ظهر الأب ومن بطن الأم < لهم كلهم ..

والدين الحنيف جمعهم بكلمة ( والِدين ) يعني كلهم حقهم واحد أمام رب العباد سبحانه

.....................................

أتمنى أكون قلت الرأي الصواب بإذن الله

ولك تحيتي واحترامي أخوي النفقيتر

 

 

[كبرياء ملك]

وحيد الليل
خرافيه
الوردة اذبلانه
المبتسم
ابو اماني
يعطيكم العافية على مروركم الكريم

 

 

[الآحسآس الخجول]

يـؤ

الله لايجيب اليوم اللي بيتزوج فيه بابا على ماما

ولو حصل(لاقدر الله)

مســـــــــــــتحيل آحضر زوآجه وبكيفه يزعل.. ليه مآرآعى شعور زووجته آصلأ

يسلمو النفقيتر ع الموضوع

تقبل مروري البسيط

 

 

[كبرياء ملك]

((جود الحزن ))

يعطيك العافية على مرورك الكريم

 

 

[أحــ منهم ــلى]

امممم
سؤال صعب ومحير بس لو انا بروح عشان بابا مايزعل ومن باب المجامله
والله لا يحطني في هالموقف ولا يحطكم يابنات
انا احس انو الموقف صعب بالنسبه للبنات اما الشباب عاادي صح
يسلموو النفيقتر ع الموضوع
تقبل مروري
~