دق الجوال غلطان ................ورديت

[نضره وترحل]

دق الجوال غلطان ................ورديت

--------------------------------------------------------------------------------
يرن جوال ساره..

ألو..
هلا.. هذا جوال ساره (صوت ذكوري ماتعرفه)
لا غلطان...
طيب نوره....
:: طوط :: تقطع الخط بوجهه


((جاب اسمي مجرد صدفه!! ،، او لان الجوال باسمي!! ،، يمكن يعرفني ،،
اذا دق مره ثانيه بتصرف معاه!! ))


₪₪₪₪₪₪₪₪

دانه جالسه بالصاله مع اهلها..
يرن الجوال برقم غريب..
خذ يا أحمد << أخوها الاكبر_
رد على جوالي رقم غريب ماعرفه،،
الو.....
هلا....
فيه أحد داق على جوالي!!
يغطي أحمد السماعه بيده،، دانه انتي داقه عليه!!!!
لا والله مادقيت!! ولا بالغلط حتى
((جوال دانه استقبال!!!!!!))
يعود للمكالمه
هلا متى دقينا على جوالك
ــــــــــــــــــــــــــــــ ـــــــــــــــ
ما شالله والساعه ست ونص!!
ــــــــــــــــــــــــــــــ ــــــــــــــ
لا محد داق يالنصاب ياللي فيك ومافيك
يا............ تلعب على بنات الناس
فيك خير تعال قابلني
الله ياخذ....الله.......
ويسكر أحمد ودمه يغلي ويبدى يرغي ويزبد
كم مره دق!؟
قد دق عليك أحد غيره!!
((دانه تهوجس،، ليتني ماعطيته،،
ضيقت صدره على شي مايستاهل!!! ونكدت قعدتنا ع الفاضي!!))

₪₪₪₪₪₪₪₪

سديم في السنه الثانيه الجامعيه دق جوالها برقم غريب

تطالعه بريبه أرد والا ما ارد،،


سديم::هلا..
....:هلا قلبي..
قلبك مين ياقليل الادب يالي ماتستحي يالي.. يالي.. الخ،،
...:أموت عـ المعصبين أنا
كل تراب،، أنت وش تبي أنت!!من عطاك رقمي!!وليه .. ومن قال... الخ،،
بعد ان كثر الكلام
::: طوط :: تقطع الخط بوجهه
رجع دق عليها بوقت متأخر من الليل
أهلين
انت ماتقول لي وش تبي!! ياخي قلت لك ماني راعيه هالحركات،، ماعندك اخوات انت!! ماتخاف من ربك!!
<< يدخل ابوها بعد ماسمع صراخها>>
( اقفلت الخط خلسه)
من تكلمين ؟!
سديم:وحده من صديقاتي!!
نامي يابنيتي ولا تكلمين باخر الليل

يقطع كلامه صوت جوالها يرن
اخذ ابوها الجوال:
هلا ياعمري انتي..
. . . . . . . . . . . . .
الو..
. . . . . . . . . . . . .
ياعسل ردي..
. . . . . . . .
((تنهار اعصاب الاب،، تنهار ثقه الاهل،،
يدخل الاب المستشفى من التعب،، وتحرم سديم من الدراسه ومن كل شي لين يجيها عريس الغفله!!!))


₪₪₪₪₪₪₪₪



جوال سميه دايم سبيل!!
مره بالصاله يلعبون فيه اخوانها،، ومره تاخذه اختها تصور،، ومره،، ومره ،،
نادرا ما يرن ويكون معها!!
دايم تلقى 5 مكالمات لم يرد عليها!!
رن.. رقم ماتعرفه.. بكل بساطه ردت
.............................. ............
الو.. الو.. ( صوت ذكوري لم تألفه )
.............................. ..
هيه ردو.. أكلم صنم انا !!
.............................. ...........
وترمي الجوال على الكنبه،، وتخلي السماعه مرفوعه وتكمل حياتها عادي...
واخونا في الله ينتظر احد يرد عليه،

، بعدين اعجبته السالفه يسمع سواليف العائله !!
ساعه وسكّر ... ايه ساعه!!
يدق..في وقت ثاني..
وكالعاده،، ترفع الجوال احد ماتعرفه تخليه ينلطع وتروح!!
((سميه بنظرها انها مريحه بالها من القرقه وكثره اللغي،، وشوله اقول لابوي، اخوي،اخسّر الي يدق وابرد حرتي فيه!!
يرسل لها بعد مدّه اسماء اخوانها،، حتى اسم شغالتهم!!! ))

₪₪₪₪₪₪₪₪


ساره / دانه / سديم / سميه / منيره .. وكل البنات!!
يومياً تصير لنا مثل هالمواقف!!


عزيزتي الفتاهـ / اخي الشاب ،،،



في مثل هالمواقف..




* برأيكـ /ي وش التصرف السليم؟!


ترد! تحقر ! تعطي ابوها او اخوها!


*ماهو ردّ فعل ( الاخ / الاب ) في مثل هالمواقف؟!


*دق أحد يعرفكـ بالاسم وش بتسويـ /ـن؟

 

 

["خ ــآلِـد؛]

كل الشكر لك نضره اولا
بكل بصاطه
اترك الاجابه للعنصر النسائي
لانهم هم من يتاذون من هالمواقف
يعطيك الف عافيه

 

 

[السكوت أرحم]

موضووع جميل للنقااااش وهادف

ومثل قال الأخ وحيد الليل نترك الإجابة للعنصر النسائي

<< يصررف


شكراً على الموضوع

 

 

[نضره وترحل]

المشاركة الأصلية كتبت بواسطة السكوت أرحم

موضووع جميل للنقااااش وهادف

ومثل قال الأخ وحيد الليل نترك الإجابة للعنصر النسائي

<< يصررف >>>>>تشكر ع المرور اللطيف


شكراً على الموضوع

موووودتتتتتتي

 

 

[نضره وترحل]

المشاركة الأصلية كتبت بواسطة وحيدالليل

كل الشكر لك نضره اولا
بكل بصاطه
اترك الاجابه للعنصر النسائي
لانهم هم من يتاذون من هالمواقف
يعطيك الف عافيه

تششششكر ع المرور

النقطه واضحه ""ماهو ردّ فعل ( الاخ / الاب ) في مثل هالمواقف؟!
وابغى نقاشك علييييهااا

 

 

[●¦[ بـטּـت ـإلـטּـور ]¦●]

تسلمين نضره على الموضوع والله انك جبتيها على الجرح

المواقف اللي كذا كثيررررر عدي واغلطي انتي ..




* برأيكـ /ي وش التصرف السليم؟!

انا من وجه نظري احقره يدق ويدق لمن تنكسر يده وما بيلقى

رد ومن نفسه بيطفش وما راح يدق مره ثانيه وبيقول في نفسه

ادور غيرها ..



*دق أحد يعرفكـ بالاسم وش بتسويـ /ـن؟


صح اني بأنصدم وابنفجع لانه عرف اسمي بس اكيد ماعرفه

الا ان احد اعطاه رقمي واسمي او انه اخذه من جوال وحده من

خواته يعني زي كذا بس الاكيد اني بأحقره زي ماقلت اول لاني

واثقه من نفسي وعارفه اني ماعطيت رقمي لاحد ..



تحيااااتي ..

 

 

[نضره وترحل]

المشاركة الأصلية كتبت بواسطة ●¦[ بـטּـت ـإلـטּـور ]¦●

تسلمين نضره على الموضوع والله انك جبتيها على الجرح

المواقف اللي كذا كثيررررر عدي واغلطي انتي ..




* برأيكـ /ي وش التصرف السليم؟!

انا من وجه نظري احقره يدق ويدق لمن تنكسر يده وما بيلقى

رد ومن نفسه بيطفش وما راح يدق مره ثانيه وبيقول في نفسه

ادور غيرها ..



*دق أحد يعرفكـ بالاسم وش بتسويـ /ـن؟


صح اني بأنصدم وابنفجع لانه عرف اسمي بس اكيد ماعرفه

الا ان احد اعطاه رقمي واسمي او انه اخذه من جوال وحده من

خواته يعني زي كذا بس الاكيد اني بأحقره زي ماقلت اول لاني

واثقه من نفسي وعارفه اني ماعطيت رقمي لاحد ..



تحيااااتي ..

شوكرن ع طلتك حبيبتي وافضل شي بمتل هالاموار هي الحقررران

 

 

[المنال الصعب]

وربي انك صادقه تقل ما يصدقون يسمعون صوت بنت

" من ناحيتي ما ارد على الارقام الغريبه لو يقضي شحنه من كثر ما يدق
اما اذا حصل ورديت وازعجني بس اذا دق احول الاتصال على خيو وهو يتصرف معه "

"" راح اطنشه ولو يطق ماراح ارد عليه واحقره وعلى قولتهم الحقراااااان يقطع المصراااان""

كل الشكر على الطرح [mark=#ff0000]نضره[/mark]
دمت

 

 

[نضره وترحل]

يعتيك العافيه منولتي ع المرور

انا معــــــكــ لو ماينعطى وجه واكييد الحقران يقطع المصران ع قولتك الله يهديهم

احترم راييك وشاكره لك يالغلاء

 

 

[غربه الروح]

مساء المسرات

والله يا قلبي لجبتيها بصميم

يعين بصراحة غريب أمرهم على العموم الله يهديهم

• برأيكـ /ي وش التصرف السليم؟!

•

شوفي يا عيني اسلم حل وأفضل حل التطنيش لين يعرف إن الله حق

أول مره وثاني مره وثالث مره نعيدها

لعل وعسى ينزل الشيطان

لكن بعدين فديت سنا يدي رجال لرجال

*دق أحد يعرفكـ بالاسم وش بتسويـ /ـن؟

يا كثر اللي مسمين بناتهم بذا الاسم

يعني لا عرف اسمي وش راح يصير ولا شي

تشابه اسمي لا اقل ولا أكثر

وبعدين ليه أخاف دام إنا مو معطيه رقمي لحد


عموما خليه يدق لين يقول أمين راح يطفش

لأني ماارد على الأرقام الغريبة

ودي