وش رايكم فلانه محجوزه لفلان؟

[شموخ النفس]

وش رايك فلانه محجوزة لفلان

بسم الله الرحمن الرحيم

السلام عليكم ورحمة الله وبركاته


( الحبر يخلص وقضايا مجتمعنا ماتخلص )



نجي لقضيتنا ومحور حديثنا
( ياولدي بنحجز لك بنت فلان )
( يابنتي ترى ولد فلان حاجزك )
( فلانة محجوزة لفلان )

_ يجي واحد يخطب بنت جيرانه ..الولد ماعليه اخلاق ودين ..لكن البنت محجوزة لولد عمها

_ في يوم من الأيام شخص كان حاجز وحده من قريباته .. وطول حجزه لها يعني من يوم انهم صغار وهم يقولون فلان لفلانه وفلانه لفلان .. وبعد ما توظف تركها وقال انه مايبيها ..

ساءت الحاله بين العائلتين .. والبنت تورطت وراحت فيها حتي الخطاب مايدقون بابهم لأنهم يعرفون انها محجوزه لفلان وضاعت البنت مع ضياع هذا الحجز ..

_ بنت يتيمة وحيدة..حجزها عمها لولده ..لانه مايبغاها تطلع من العايله .. طيب ممكن البنت مو مناسبة للولد ..افكارهم غير ..شخصياتهم غير..لكن مين يسمع ..خلاص البنت محجوزة لفلان



قصص تبكي القلوب .. وأحلام تضيع في قرار
أمال وأمنيات تتبخر


السؤال الذي يطرح نفسة لانقول هل انتم مع او ضد لان الجميع بالتأكيد ضد

لكن نقول الىآ متى هذه الظاهره في بلادنا ؟؟

زمن المسؤل عن ذلك ؟؟

وماهيه الطريقه اللي تعلاج به هذه القضية؟؟




مما قرأت واعجبني

 

 

[عيوني حزينه]

{ يجي واحد يخطب بنت جيرانه ..الولد ماعليه اخلاق ودين ..لكن البنت محجوزة لولد عمها }
مدري من يوم إبتدي وإيش أقول ،،
غير إن العادات والتقاليد هي السبب الأول والرئيسي في هالموضوع ،،
لما يكون فية شاب متعلم ومثقف وواعي وفي الجهة المقابلة فتاة جاهلة ومو متعلمة ومافية بينهم أي توافق من أي ناحية لكن مجبور بالزواج بها .. وليش؟؟
لأنها بنت عمة ولا بنت خالة وماينفع تطلع برى العيلة .. أنا أستغرب من هالمنطق ،،
قبل يومين واصلني خبر وحدة من جماعتنا توها متزوجة وتطلقت طيب ليش وإيش الإسباب ؟؟
مافية بينهم أي توافق مع إنة إبن عمها اللي حجزوها لة << هو هذا اللي مارضيوا أهلها يزوجوا غيرة لأنة ولد عمها ،، طلقها وبكل بساطة وفي أقل من سنة ..
ووحدة برضة أعرفها وصلت للثلاثين في عمرها ولسة ماتزوجت تنتظر ولد عمها يخلص دراستة وهو أصغر منها بعد وكل ماجاها خطاب يكون الرد عليهم محجوزة ،،
يعني عادةً الشخص اللي يزوج بنتة من برى العيلة يعتبروة متنكر للقبيلة كلللللللللها،،
مآآعرف متى راح نتخلص من هالتفكير ،،
الرسول علية الصلاة والسلام قال
{{ إذا أتاكم من ترضون دينة وخلقة فزوجوة ، ألا تفعلوا تكن فتنة في الإرض وفساد عظيم }}
وياريتها لما تنحجز البنت يحجزوها للي يستاهلها ،،
وفي النهاية الشاب لو ماحصل بينة وبين زوجتة أي توافق راح يطلقها وهي اللي راح تظرر بشكل كبيييييير من نظرة المجتمع للمرأة المطلقة
<< برضة عادات في نظرتهم للمرأة المطلقة ،،
يعني مافية مفر من هالعادات اللي مسيطرة علينا ،،
ماأقول غير كان الله في عون كل شاب وفتاة مفروض عليهم هالحالة ...

،،،

يعطيك العافية شموخة على الطرح المميز ..
وعلى فكرة ردي من فترة على هالموضوع نسختة وجبتة مافيني اعيد
تحياتي لك..

 

 

[نضره وترحل]

يعطيك العافيه شموخه ""


اعتقد انوو ولله الحمد بدت تقل هذه الظاهره "

والمسؤال اعتقد العادات والتقاليد


بس اتوقع انووو هالظاهره نابعه من الجهل بسبب العادات والتقاليد اللي لعبت بمستقبلناا


تقبلي طلتي
وهذااا رئيي بين يديك واحترم رائيك حبيبتي

 

 

[شموخ النفس]

مفاهيم الخجل

ههههه مشكوره حبيبتي

نظره

صحيح بدت تقل لكن البعض ما يفعلها بس مو بقناعه

شكرا لك حبيبتي

 

 

[ـهُـدُوءْ]

شموخ النفس
تسسلمين حبيبتي ع الطرح
وبالنسبه لرايي:

المشاركة الأصلية كتبت بواسطة شموخ النفس

السؤال الذي يطرح نفسة لانقول هل انتم مع او ضد لان الجميع بالتأكيد ضد

لكن نقول الىآ متى هذه الظاهره في بلادنا ؟؟

زمن المسؤل عن ذلك ؟؟
وماهيه الطريقه اللي تعلاج به هذه القضية؟؟

[align=center]
قضيه مهمه ومتواجدة ايضآ ع رغم أنها ليست بكثرة ولكننا نلاحظ ذلك بالمدن المتمسكة بالعادات والتقاليد
آلابن لـ أبنة عمه ع رغم معرفتهم بــآلديـــن وعلمهم الواسع فيه..
أنا لآأعلم أي عقول هذه ..ولآأعلم أي قلوب متحجرة تلك..كيف لهم يربطون بينهما بهذه الطريقه ..فالبنت لها رأيها وآلشآب أيضآ له رأيه ..فربمآ أحدهما لآ يرغب بالآخر ولايستطيع أن يتعايش معه..!!
ولو نظرنــآ إلى لب الموضـوع لوجدنا أن الشـــآب بإمكـــانه أن يرفض فكيف له أن يرضى ع نفسه أن يعيش مع زوجه لم ترغب به في باديء الأمر ورغبت به بسبب أقوال وترهاات رسمتها العادات والتقاليد في عقول الأهـــل وهي لن ترفض وتقف معراضه لرأي أبيها أو أحد من أولياء امرهآآ...!فلآفضل بصفته كرجل يجب ان يكون له شخصية مستقلةيتخذ قراراته بنفسةحتى ينجح في تكوين أسرةولايكون رهينا لمن حولة..!
وآلله ألزواج الذي كمثل هـــذا بآلتأكيد سيكــــون (إجبـــآريآأ)آ أي من غير موافقه الطرفييين..!
على رغم ان الديــن اعطـى الفتاة والشاب كامل الحرية في اختيار الزوج ..لكن وللأسف الشديد العادات طغت ع العقــــول..!
وربمــآ قد يكون هذا النوع من الزواج ربما يكون فيه نسبه بسيطة من النجاح ..ولكن من آلآفضل أن يعود الاختيــــآر للطرفين(آلشاب والشآبه)
لآنهم سيدخلون الى حياة مختلفه جـدآ جدآ..
وبسسسسس هذا رآيي
وسوري حبيبتي ع الاطاله




[/align]

 

 

[.•°القـيـصـر°•.]

وعليكم السلام ورحمة الله وبركاته

وأهلأ وسهلأ في الأخــت شمـوخ سعــدنا بعــودتكـ


يقـلون ولد العــم ينــزل بنت عمــه من ظهــر الفــرس

وكــان أول ماتتزوج البنــت ولهـا ولــد عــمـ قبــل مـايوافق <<لايكون بس ولي امرها بعد

مثــل موضوع الحجز أو التحيير كما يسمى ..وانا أسميه والله التحجير
ربــط مصيــر شخصيــن من الصغــر في بعــض بـــدون علمهم ولا موافقتهم

والمعــروف إن الــزواج مرتبــط بمـوافقــه الطــرفين

صــحيح فيهـ عائلات نجحــت بهــذي الصــورهـ ...لكــن في عــلاقه والاغلاب فشــلت

نعــم عــادات وتقــاليد لكــن ليسى كــل عادهـ صحيحه

في نظـــري العــادهـ هــذي في الــذات تلاشت أو قلــه نادرهـ جــدأ

فأغلب أوليــاء الأمــور ليســـوا في عصــر قبلنا إنمــا عصــرنا واحــد

فــا أنا ضـــد هــذي العـــاده ...فأ فشلها كبيــر ونسبه النجــاح قليل



شكـــر لكـ وتقبــلي مـروري

 

 

[شموخ النفس]

روحي تعانق روحه

شكرا لك على رائيك و مشاركتك

|:|:|:|:|:|:|:|:|

القيصر

من جد تحجير و اذا كان الاهل ناس متفهمين فالاقارب لا

انا عني الحمدلله عندي اهلي متفهمين و الدليل انه ابوي رد ولد عمي لصغري وقتها

ولانه عصبي و ممكن يضرب في اي لحظه .. رده بدون علمي و السبب لما سألت امي قالت يقول بنتي مدلعه و مو متعوده على الضرب ليش اتعبها و هي صغيره

اما التحيير من قبل الاهل فهذا صاير بعد


شكرا لك على الرد و المرور

 

 

[بنت بريده]

أشكرك أختي لطرحك هذا الموضوع الحساس ..


في رأيي المذنب الأهل والعادات وللأسف أن أغلب العادات في مجتمعنا غلط في غلط ..


في موضوع الحجز البنت ماهي بضاعة ولا حي الله كلام عشان تنحجز .. البنت لها حريتها في الموافقة والرد ..


أما يجون الأهل وفلانة محجوزة لفلان كأنهم يقولون تراكي بتتزوجين فلان من ورى خشمك ..


هذا بالنسبة للبنات أما للشباب صح أنها راح تأثر عليه إذا كان ضعيف شخصية لكن مو زي تأثيرها على البنات ..


أنا كشاب لي الحرية في اختيار شريكة حياتي لأن هذي حياتي محد راح يشاركني فيها إلا الشريكة التي أختارها ..



أشكرك أختي وأتمنى إني أضفت شيء يفيد ..


دمتم بود

 

 

[مُذهِلـه]

أكره اكره اكره الحجز
( يابنتي ترى ولد فلان حاجزك ) < بالله من جد ومافي اش رايك؟؟
خير يحجزني وشوو بيت والا محل؟؟
شموخه موضوعك جااا ع الجرح بجد عمري ماكرهت شي قد الحجز
يمكن موو عاجبها , موو الشخص اللي تطمح له , موو مضمون مستقبله < طبعاً لأن الحجز من وهم صغار
ليه يربطون البنت باسمه ؟
يمكن يجي عشرين واحد احسن منه وبكل بساطه الرد وشوو ( والله البنت محجوزه لولد عمها ) !!
على اي اساس محجوزه اصلاً ؟ هي بتكون صغيره اكيد ومابياخذون رأيها او حتى لو اخذوه بتقول بكيفكم < صغيره ماتعرف مصلحتها اشلون يربطون مصيرهم ببعض وهي مالها رأي اصلاً !! وشرعاً وآجب ينأخذ رأيها ..
ومو بس البنت اللي تنظلم من الحجز حتى الشاب ..,
نفس الاسباب يمكن ماعجبته مو على مووده واحلامه وطبعاً خلاص غالباً مايقدر ينسحب اول شي بيقوله ابوه ( لاتفشلنا من الناس خلاص الموضوع منتهي من زمان ) !!
طيب وش ذنبه الحين مصيره ومصيرها صارت واقفه على "فشله" ؟؟!
الحجز غلط واكبر غلط اذا يبي بنت اخوه لولده يصبر الين مايكبروا ويخيرهم ببعض ممكن انه يكلم ابوها ويعطيه خبر باللي بباله بس لايتعدى الموضوع اكثر من امنيه بين اخوان يتمونون موافقة عيالهم عليها ولو جا نصيب البنت خلاص الله يوفقها او الشاب خاطره في وحده واختارها برضو خلاص بالتوفيق مووو حجز وكل من جا قالوا له محجوزه والشاب مو قادر يختار شريكة حياته ..!
< ادري طولتها بس بجد اكثر شي صاير في مجتمعنا وقاااهرني .. ونقول ان شاء الله يكون زاد الوعي وخف توآجد هالحجوزات ..
يسلموو ع الموضوع شموخ ,
تحيآإآتي لكـ ..

 

 

[شموخ النفس]

بنت بريده

مفاهيم الخجل

الف شكر لكم على طرحكم لارائكم ..