قنبلة احساس !!من روائع احمد الصانع .

¬» • رذآذ المطر ! · 03-31-2009, 02:28 AM

.

السلام عليكم ورحمة الله وبركاته

مساكم / صباحكم شعر ..

( أحمد الصانع )

و

(( قنبلة إحساس ))

7

للإستماع

http://www.movn.net/voices-action-show-id-438.htm

....

النص

قنبلة إحساس ..!

:
قول عــادي .. بالي الليلـهـ طويل ..
شُوف لِك عذرٍ قديــمٍ / وأقبِلَهـ !!

لا تحاتــــي ...
قلبي مِتعَوِّد يشيل :
( الجُروح ) اللــي تجـي له مُقبِلَهـ

" طيبتـي " صارت مثل ( كف البخيل )
أيِّ شَي طايـح .. تِشُوفـه ؟ تحمِلَهـ

و " عزِّتـي " تقـدر تِسَمِّيها : النخيل
لأنـي شامِـخ .. والعواصف قاتِلَهـ
وعادي جداً .. إنِّـي الليله ( عليل ) ..
الحزنــ : يحْسِبني واحد مِنْ هَلَهـ !!

ومـو غريبهـ .. لـو تِمَنِّيت الرحيل
البقاء.. أحيـان يعنـي .. البهذلَهـ !!

في غيابــك .. ما لَهَا الضيقه / مثيل ..!
وربِّـــي اللِّـي .. ما يشــاءه يفعلَهـ

مِـنْ يلاقـي لدنيتـي هذي بديل ..؟
خل يجينـــي أي شخص .. أبَدِّلَهــ

وعيب راسي لا بغى شي " مستحيل "
يوصله مـو طيب .. غصبٍ يوصلَهـ

ليه راجع ؟! ليه ذاكر ..؟ يـ الأصيل ..؟؟
إنت ضايق .. ؟! في خطأ بالمسألَهـ !!

وليه تبكي مِنْ كلامي يـ الدخيل ..؟
المشاعــر .. ما لَهَـا بقلبك صِلَهـ ؟!

و( البلا ) .. إن حَبْ رجــــالٍ " ثقيل "
ينسى مِن حُولهـ ويسْمَع ( مُذهلَه ) !!

مِن عرفتك .. ما بقـى بـ اليَـد .. حيل
ولو بكيفي ..؟ [ قلبـي ] محدٍ يدخلَهـ

ومِن عرفتِك .. حظِّـي العاثــر يميل ..
أعتــرف لِكْ .. إنِّي ( عاجـز ) أعدِلَهـ !!

فاقد الإحساس / ما يعطي القليل
وإن عطيته إحساس قلبك ؟ يقتِلَهــ !!

إيه بأرحل والطريق أدري .. طويل ..
مشكلهـ " قربك " .. وبُعدِك مشكلَهـ ..

وإن خذانـي المُوت إترك قال وقيل ..
قول هـ الجُمله .. وخطاك محلِّلَه :

[ ربِّي إلهَم أهلهـ الصَبر الجَميل
وإرحمـه يا رب وإحسِن مدخلَه ]

همسه ~ أرجو ان تنال اعجابكم ..

وديـ