من قلبي .. إليكِ

[شيخ نفسه]

من قلبي .. إليكِ
من قلبي إليكِ حبيبتي يا صالحبة القلب الطيب
حديث من قلب محب لكِ الخير
عايزة أتكلم معكِ شوية في حجات الشيطان بحول يجعلك تنفري منها
أولها الحجاب الشرعي الصحيح
استني لا تغلقي الصفحة وتقولي هو مفيش غير الموضوع ده
أولاً :- إليكِ كلام الله عز وجل
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] "يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلَابِيبِهِنَّ ذَلِكَ أَدْنَى أَنْ يُعْرَفْنَ فَلَا يُؤْذَيْنَ وَكَانَ اللَّهُ غَفُورًا رَحِيمًا " الأحزاب :59
نتكلم بقى عن وساوس الشيطان شوية
أنتِ مثلا بتلبسي جيبات وبلوزات وطرحة
فييسر الله لكِ سماع محاضرة طيبة يتكلم فيها الشيخ عن النقاب فتجدي قلبك يستريح وتقولي في نفسك نفسي ألبسه
يجيلك على طول
نقاب إيه بس اللي هتلبسيه ؟
الدنيا حر هتتحملي ازاي ؟
ومين اللي هيخطبك هو هيبقى شايف منك حاجة !
انتِ كده كويسة أوي
يبدأ الكلام يدخل دماغك
آه صحيح نقاب إيه اللي هلبسه ده !
ربنا غفور رحيم , وجميل يحب الجمال
إيه اللي يخليني ألبس خيمة وامشي بها في الجو ده ؟!
لالالالا
خليني كده أحسن
بكل أسف هذه أفكار فتيات كتييير جدا
حبيبتي الشيطان لا يريد إلا شيء واحد فقط
إنك تدخلي النار
حبيبتي انا بحبك في الله وخايفة عليكِ فعلاً من تعاملي مع الفتيات بيعتقدوا ان لبسهم كويس
والله ممكن تكون لبسه بنطلون ضيق جدا وتقول كويس
لا حبيبتي
الحجاب الصحيح هو حجاب زوجات النبي صلى الله عليه وسلم
هو الحجاب الواسع والنقاب
حتى لو النقاب فيه خلاف بين العلماء
وحتى لو النقاب مستحب
ثمنه الجنة
ألا إن سلعة الله غالية ,, ألا إن سلعة الله هي الجنة
انتظريني إن شاء الله عشان نتكلم عن النقاب شوية
وإيه اللي بيمنعك عنه زي الحر, الزواج , الفسح ...
ملحوظة :-
الموضوع ده مش على الحجاب بس
لا إن شاء الله نتكلم على حجات كتير ممكن تفتكري إن تركها صعب
لكنها سهلة بالإستعانة بالله عز وجل
طلب أخير قبل ما امشي
اجعلي هذه الآية نصب عينيكِ
"وَعَجِلْتُ إِلَيْكَ رَبِّ لِتَرْضَى"
من قلبي .. إليكِ
أحبك في الله