كفايه صار لك شهرين غـآيب يالغالي

[»» الـعـزٍ ««]

مسـآئكم ورد

هذي قصيده روعه للشـاعر طـآرق المحيـآس

وأتمنى تعجبكم ,,


[rams]http://www.6rbtop.com/downram.php?song_id=22695&type=au&q=hi[/rams]


كفايه صار لك شهرين غايب عني يالغالي

كفايه يا اعز الناس ترا والله ما اقدر

دخيلك لا تخيب فيك هجواتي وآمالي

واذ انها عالصبر والله وغلاتك عندي راح اصبر

ابا اتحمل عنا فرجاك وحالي يرثي الحالي

مع اني والله لين اليوم مدري ليش بس تهجر

ابا اعرف شو السبب ارجوك وش اللي بس يجرالي

انا اش اسويت يا ربي عشان اتثور وتتفجّر

انا والله ما استاهل ابد كل اللي يجرالي

اقل ما فيها بس قلي سبب خلاك تتغيّر

ابا اعرف بس شو الموضوع علامك صرت ما تبالي

بذمت كل اهلك فيوم شفتني بشي انا مقصّر

عطيتك قلبي وروحي وهبتك حالي ومالي

حملت احساس هالدنيا وعطيته لك وانا افخر

عشقتك عشق لا قبله ولا بعده انعشق تالي

هويتك موت وتخيل الين الموت وتصّور

واذا جاني مسج منك مخزن رقمك الغالي

ولا امسح رسالاتك اتم اقراها وافكر

واحلل كل كلمه بالمسج الله يا غربالي

واقول بخاطري معقوله حاسس فيني ويشعر

وارد اقول لا يمكن تذكرني وهو ساهي

لاني توني امطرش مسج طرش مسج يشكر

وارد اقول لا ادري يبيني وحاسس بحالي

وارد اقول لا ما اضن على باله انا اخطر

الين اني انا تاكدت قلبه بالفعل خالي

ولا غيري انا بقلبه يحبني موت ويقدّر

لاني مره من المرات طرت فكره على بالي

نويت ازعل بدون اسباب واشوفه لو بيتأثر

ابا اعرف قدري بقلبه يهمه وضعي الحالي

او انه رح يطنشني ولا يسأل ويستفسر

وفعلا دق ما جاوبت حرقلي والله جوالي

ثلاثة الاف مره دق وانا مطنش ولا معبّر

كتبلي بالمسج اطلع انا عند بابك الحالي

قسم بالله ما تطلع لخربها انا واحذر

ومشكلتي اعرفه زين يسويها ولا يبالي

نزلت وخاطره مكسور يقول اش فيك متغيّر

وقلت له بس ابا اتأكد إذا قدري معك عالي

ضحكلي وقالي اتأكدت ودمعه بلل المحجر

وطارت فيني الدنيا لمكاني صاحبي جالي

تعّذر لي وانا الغلطان وانا اللي لازم اتعّذر

بعدها عشت احلى ايام في قربه هنيالي

وصلنا لمرحله ما نفترق عن بعضنا واكثر

بعدها فجأه خلاني ولا يسأل عن احوالي

وانا في خاطري ادري مُحال فيوم يتغيّر

ادق له ما يجاوبني بديت اشك في حالي

اخاف انه حصل له شي اخافه بس متكدّر

لعب في قلبي الوسواس خياله ما تغيالي

حوالي الف مسج فرّقت حبيبي يا عسى ما شر

ولا جاوب وانا قاعد على اعصابي وغربالي

حبيبي صار له اسبوع فيني حتى ما فكر

الين اني عرفت شلون اخلي خلي الغالي

يكلمني وجات فكره بعد ما مت وانا افكر

وفعلا اتصل فيني وبدت احزاني واهوالي

وكانت صدمتي كبيره علي الغالي اتغير

سألته قلت له وش فيك ما من شر يالغالي

وش اللي صار بالدنيا علامك ليش متبعثر

او انك يعني ما تدري بدونك صرت انا لحالي

ولا لي خلق أي انسان كثر ما فيك انا افكر

وجاوبني وقال ارجوك ابي هالدنيا تصفالي

انا مليت من وضعي واشوف الكل متغيّر

انا ضاقت بي الدنيا وابي ابقى انا لحالي

خلاص اتركني لا تسأل وانا برجع عقب اشهر

وقلت له مو علي تكذب اعرفك تضعف اقبالي

تكلم قول شو الموضوع بدا قلبي يدق اكثر

سكت لحظه وقال ارجوك ابعد عني يالغالي

وخلني اذكرك بالخير وانته مثلي اتذكـّر

ولا تطرش مسج واحد ولا تدق لي ابد تالي

واذا لي خاطراً عندك لا تتكلم ابد سكـّر

وقلت له والله ما اسكـّر الين تقول وتصفالي

وقالي والله ما اتكـّلم ولو تبكي دمع احمر

ولكن شوف ربعك وانته تعرف بس وش جالي

خلاص افهمها عالطاير لا تحرجني بعد اكثر

وسكـّر والدمع فيني على الخدين همّالي

قسم بالله ما ادري علامه قلبه اتحجّر

فؤادي انهار وانا حملي يهد جبال وجبالي

في لحظه صارت الدنيا في عيني هالكبر واصغر

حسافه ما توقعته يصّدق فيني عـّذالي

حسافه ما هجيته يوم يصد عني ويتغيّر

بعدها صار لي ما صار وربي يعلم بحالي

فؤادي باقي بس اشوي واحسه مالجسم يظهر

بديت اعرق مدري ليش وخابت كل آمالي

انا توقعت كل الناس ولا توقعت اهو ينكر

وقلت بخاطري خله مصيره يرجع الغالي

اكيد انه سمع أي شي وجوه صار متعّكر

ولكن طـّول غيابه وزادت فيني علالي

مرض قلبي تعب فكري واحسه جسمي متخـّدر

وقلت خلني اطـّرش له مسج واشكيله احوالي

وطرّشت المسج وشوي دقلي ودون ما افكـّر

هلا والله يا اغلى الناس هلا والله بالغالي

الوه اخوي ما قلت لك لا تذكرني او اذكر

ابي بس اذكرك بالخير ياخي خلني في حالي

وقلت وخاطري مكسور انا آسف وما اكرر

قسم بالله لين اليوم وحالي يرثي الحالي

قسم بالله الين اليوم ولا ادري ليش هو اتغير

قسم بالله ما غضّت عيوني ولا هدا بالي

قسم بالله ما مر يوم الا فيها انا افكـّر

قسم بالله قلت بنساه بس طيفه يتهيالي

قسم بالله لو حاولت انا انساه اتذكـّر

الين اليوم انا عندي امل يرجع ويصفالي

اقول الشوق بيرده على فرقاي ما يقدر

الين اليوم وضحكاته وبسماته على بالي

الين اليوم ما ارقد كثر ما فيه انا افكر

ابا اعرف شو السبب ارجوك وش اللي بس يجرالي

انا اش سويت يا ربي عشان اتثور وتتفجّر

انا والله ما استاهل ابد كل اللي يجرالي

اقل ما فيها بس قلي سبب خلاك تتغيّر

ابا اعرف بس شو الموضوع علامك صرت ما تبالي

بذمت كل اهلك فيوم شفتني بشي انا مقصّر

انا رح انتظر ردك ولو حتى بمسج خالي

واذا ما جاني منك الرد وغلاتك عندي راح اصبر

سنه سنتين اللي يهم اشوفك ثاني اقبالي

ثلاث اسنين او اربع ابا اصبر يعني راح اصبر

ولكن حكم احساسك وجاوب يغلك الغالي

بذمت وآلديك يهون تنساني ولا تذكر

يهون انك تخليني ولا تسأل ولا تبالي

يهون انك تنام الليل وتتركني انا اسهر

كفايه صار لك شهرين غايب عني يالغالي

كفايه يا اعز الناس تراه والله ما اقدر

دخيلك لا تخيب فيك هجواتي وآمالي

واذ انها عالصبر والله وغلاتك عندي رح اصبر


,,


أعذب تحيه ـآ

 

 

[ورد جوري]

يســلمو سعوووودي
والله يعطيك العافيه



تقبل مروري

 

 

[صاحب القرار]

اللـه يا سـ ع ـودي العـز الله

الحـب سوـا البـلاوي الحـب عذب كبيـر وصغيـر الحــب كســر عنيـد البـال الحـب ليـن قـاسي الحـالـه الحــب دمـــر من كان سـاكن لحالـه
كيـف لا كان فيه جـفـا
يمـا نـاس ويمـا تعذبو وتعنـو من هاللحظـات القاسيـــه الي وضحتهـا
القصيــده االانتظـار السهــر تحري الدقيقه الي تشوف رسالــه
منـه ودائمـــن تكــون الظروف هي الطريـــــق للفراق

... قصيده ان دلت انمـا تدل على احسـاس نقالهــا...
كمـا عرفناك يا سـ عـودي مبدع من مبدعين نادريـن في عالم المنتديـات دائماً لــك طروحاتـك ونقلك المبدع دومــاً عسـى
لك دوام التوفيــق
تقبل مروري
اخوك مشأأري

 

 

[نبض الكون]

يسلموووووووو
سعودي العز
روعه
ماشالله عليه بس وشلون كتبه
يااااااااي
الله يوفقه يااارب
مشكووور
تحياتي لك
اختك
نبض الكون

 

 

[مشاعر رقيقه]

بذمت وآلديك يهون تنساني ولا تذكر

يهون انك تخليني ولا تسأل ولا تبالي

يهون انك تنام الليل وتتركني انا اسهر

كفايه صار لك شهرين غايب عني يالغالي

كفايه يا اعز الناس تراه والله ما اقدر

دخيلك لا تخيب فيك هجواتي وآمالي

واذ انها عالصبر والله وغلاتك عندي رح اصبر




>>>> صاحت


رووووعه جميله ابداع

كلماااااااات ذهبيه

احساس مرهف رقيق

مرررره ذوووق

يسلمووو سعودي


تقبل مروري

اختك

 

 

[طيف الروح]

هنــــــــا

أكتفي بالصمت ،، ويحق لي ذلك

فــلا توجد كلمات في قاموسي ،، توفي تلك الحروف الحزينه حقها


تقبل شكري واعجابي مع تحياتي ..