إلى متى ؟؟؟؟

[ماركه مسجله]

وشلونكم ؟؟ إن شاء الله تماااااام مع ها الأجواء المونت كارليه

الى متى ؟؟؟



إلى متى.... نشرب شاهي بكيسان الجبن ؟؟

مداخله : - هذي الله يسلمكم كلبوووكم الوالده - الله يقومها بالعافيه -
مستحييييييل تخلينا نشتري غير كيسان الجبن الحجم العادي ...
علشانها مقتنعه إن الحجم الصغير يخلص بسرررعه !!!!!
والحجم العائلي يخرب بالثلاجه قبل ما يخلص !!!!!
هذي بلعناها بس إنها تقنع خالتي -- خالتي هذي أحد مستعمرات الوالده ...ماجستير إشاعات تخصص زواج , طلاق , خطبه , عزايم .....
موجز أخبار الحاره كل يوم الساعه( شاهي الضحى) ....... الخ --
تقنعها إن جبن كرافت أحسن من جبنة بوك هذي يبي لها جلسه -على العود -
بس القنبله إن خالتي مره وحنا قاعدين في جلسة -- لمن يجروء قنبلتها وقالت إني اليوم سامعة(ن) إن جبنة بوك حرااااام ...
قصدها المقاطعه طبعا حنا قعدنا نطاالع بعض من تحت لتحت
وكااااتمين الضحكه ... وهي مسترسله تشرح الموضوع

آآآآآآآه اللللله يستر من اللي يسمعون بالمقلوب


إلى متى.... نشتري طقم كيسان ال وااااين ونشرب بها عصير بالبيت .. ولا نطلع الطقم الا للضيوف

مداخله بسرررعه :- كيسان الوااااين للي ما يعرفها مثل اللي تشوفونها بالمسلسلات المكسيكيه
أو افلام القناة الثانيه إم بي سي , أما الوااااين هذا الله يسلمكم أحد
المشروباات اللي تخليك تشوف عمارة المملكه من الشرقيه....
اللي ينشرب مزمزه مع الأكل ... الأحمر مع اللحوم....
والأبيض مع الماكولات البحريه ... والعهده على الراوي



إلى متى.... الشباااب يقولون مشغولين .. وهم يتبطحون بالإستراحه .. وهاتك يا نصب وتقطيع في خلق الله



إلى متى ... تكون واااقف الأول بالإشاره .... ويجيلك واحد من آآآخر الإشاره ويوقف قبلك


إلى متى .... حريمنا يطالبون بحقوقهم ..بس إذا كنت مثلا ماااسك سرا بالمطاااار ما تدري الا وزززز خاطمة(ن) على السرا ... لأنها حرمه ؟؟



إلى متى.... إذا وقفنا بالإشاره نبحلق بالسيارات اللي جمبنا ؟؟




إلى متى.... كل ما تفتح جريدة الرياض تلقا 100 إعلان .... وخبر واحد صغييييييير



إلى متى .... كل ماشريت جوال جديد ... ما يمديك توصل البيت وتتهنى (بوه ) الإ طاااالع موديل جديد



إلى متى .... يقولون إن الإختلاف لا يفسد للود قضيه .. بس تشوف النقاشات بالمنتديات ياسااااتر شوي ويطقون بعض



إلى متى .... كل يوم يطلع لنا مدري وش اسمه الصبح بال إم بي سي ويقول إن خريص وطريق الملك فهد والدائري كلها مليانه حوادث وزحمه ... ودبرو أنفسكم



إلى متى.... وكل واحد تجيه إشااااعه يزودها شوي من عنده .. ويدزها لأقرب صديق ؟؟؟






إلى متى .... كل ما تفتح قناة تلقى أغنية الأماكن ..... صح اغنيه حلوه بس مليناها بقووووه


إلى متى .... كل ما تفتح ال ام بي سي أو بانوراما .... من صباح الله خير .. كلها إهداءات ورسايل إس إم إس.... ومن مفلح للعزيزه رندا ... إهداء أغنية ماهقيت إن البراقع يفتنني ... مفلح ورندا ما تركب أبد الله يخليكم بس



إلى متى.... كل مره يبقى لك نص ريال عند راعي البقاله يعطيك علك بدل النص ؟؟



إلى متى ... يلاحقونك حقين التسويق بالتلفون ... وإذا إشتريت منهم وبغيت تستفسر عن شي .... بحححح ما تلقاهم ولا بالواسطه



إلى متى .... كل شي إرتفع سعره ... إلا المطبق ما زال على خبري بريالين !!!! <==خطمه مدري وش تبي




إلى متى... وكل وزير عنده بقشة مواااضيع تحت الدرااااسه ... وراح الشتا .. وجانا شتا وحنا نبطي عظم ما شفنا شي



إلى متى .... يقولون بنطبق الحكومه الإلكترونيه ... وإذا قابلت أكثر موظفين الحكومه تلقاه بحياته ما قد شاف ولا حتى بلااي ستيشن أجل كيف يشغل كمبيوتر



إلى متى ... يا بلدية عنيزه تتكسر سياراتنا كل مره نجي لعنيزه من البوابه الغربيه ...

اقرب البوابات للأخوه الأعداء

منقووول من الايميل للكاتب(( راكان العبدالله ))