دق تحية.. قدامكـ حرمة عسكرية

[عيوني حزينه]

السلام عليكم
هالموضوع قرأتة في إحدى المنتديات وأحببت أن نتناقش فية
وياريت تعطوني آرائكم بكل صراحة

*********






واحد من اخوياي ...

عسكري .. وكيل رقيب .. في القاعدة الجوية ...

كسول جدا .. متين جدا ...

مايداوم الا الساعة 9 الصباح ... وكأنّه ابن قائد القاعدة ..

أنواع التاخير والغياب واللامبالاة ...

فسألته : ليش ياحمود ؟؟

مايصير ياخوي .. انت انسان مؤمن .. ولازم تحلل راتبك ..

تخيلوا وش كان رده ...

يقول : مافيه شي عندنا في الدوام يحمسني ..

كل العسكر اللي معي .. وجه الواحد فيهم تقول ركبة مدهونة بفكس ..

من وين بيجيني النشاط ؟؟؟؟؟

قلت : طيب .. انقل من قسمك ..

قال : النقل عندنا صعب جدا .. ومافيه امل ..

قلت : طيب وش الحل ؟؟؟

قال : ( الحل الوحيد )

انهم يوظفون معنا عسكريات ..

والله ان تشوفني أول واحد مداوم ..

واني لاادخل صالة رياضية عشان اصير رشيق القوام ..

**********

سألته : وعادي تدق لها تحيّة ؟؟ خابرك ماتحب الحريم ..

التفت نحوي بوجه كالأسد .. وقال :

والله لاكسر البلاطة اللي تحت رجلي وانا أدق التحيّة ..

<<<< ههههههه متخيل كرشته وهو يدق التحية ..

**************************************

المهم ...

هذا الموقف ذكرني بموقف لنا يالمعلمين ..

مرة في اجتماع وقبل يدخل المدير ..

كنا نسولف .. ونقول :

( لو معانا مدرسات .. كيف بيكون وضعنا ؟؟؟؟ )

اللي يقول : أنا بمسك المناوبة الصباحية عالباب كل يوم

عشان أصبّح على هالوجيه الطيبة .. وتنفتح نفسي للتدريس ..

واللي يقول : مابخلي طريقة ولا وسيلة تعليمية الا وأنفذها

عشان ياخذون عندي حصص نموذجية ..

واللي يقول : أنا باخذ عنهم حصص الانتظار كل يوم

واللي قول : أنا بتقاول مع الحلاق اللي عندنا .. عشان أكشخ كل يوم ..

*****************

الله المستعاااان ...

(يعني لهالدرجة الحريم ممكن يسوون فينا كذا ؟؟ )

طيب لو كانت الموظفة اللي معي .. شينة وتجيب المرض

وش بيكون الوضع ؟؟؟

الله أعلم ...

*************************

ما أريد ان أصل اليه :

سؤال .. أوجهه لاخواني الموظفين في قطاعات مسموح فيها الاختلاط

(هل للمرأة الموظفة معك ... تأثير على أدائك ومظهرك ؟؟؟

خصوصا اذا كانت تتمتع بجمال ساحر .. )

وكذلك أنتي يا اختي الموظفة ...

( هل للموظف الوسيم تأثير على أدائك ومظهرك ؟؟ )

*************

كلي ثقة .. في صراحة الأعضاء والعضوات ..

*****
***
**
*
*
*