مالي أنيس الا النجوم او نور وضاح القمر

[دلوعة نجـد]

من روائع خالد الفيصل....



بدايهـــــ .....

ياحبيبي شرهة العاشـق كبيـره
كـل مـازاد الغـلا زاد العتـاب
القليله من هوى بالـي كثيـره
والكثير من الذي غيـره هبـاب
تحسب إن جروح مفتونك صغيره
جرح قلبي من هوى قلبي عذاب
إن كسر جناح قلبي في مطيـره
والجناح إلى إنكسر بالطير عاب
والليالي ياقمـر ليلـي قصيـره
لايضيع العمر في طرد السـراب
إشتكي وجروح قلبي من عشيره
ياعشير القلب في قلبي صـواب























اشبهه باللي عسيف(ن) من الخيل
تلعب وانا حبل (ن) رسن في يديا








من خصايص عنود الصيد كثر الطواري
وعاده الضبي يجفل لاتحرك ظلاله






عود تراي داعي الهوي عند بابك
واسمي مع مجنون ليلي تدون




لاتقول ان الليالي فرقتنا
لا تقول ظروفنا عيت علينا




شبيت ضوي في الظلام
في صحصح ذيب عوي
مالي أنيس الا النجوم
او نور وضاح القمر




ارفعي سهم المنايا يالعيون
مابقي فيني مكان للطعون
كل شبر في حياتي انجرح
والذي شقوا خفوقي يشتكون

نهايهــــ .....



لو نسيت العمر ما انسى دمعتـك
صرخة(ن) ذابت من عيونك دموع
ترتعش مرتاعة(ن) في وجنتـك
وانتفض قلبي لها بين الضلـوع
أزعَجت صمت الليالـي عبرتـك
بالخفا ثوره وبالظاهـر خشـوع
تسكب الدمعه وتظمـى نظرتـك
مشهد النظرة وهي تظمى يـروع
يا ضياع العمر ضيعـة بسمتـك
ضاع معها خافق(ن) مثلك جزوع
ليت من يمتص جـارح لحظتـك
والفرح يشعل دياجيـرك شمـوع