انا بروح امـــوت تامـــر على شئ >>رووعه

[المنال الصعب]

قصيدة عجبتني كثير بأحد المنتديات






ياجارح احساس المحبه / سلامـات
تجرح وتسـرح والمحبـه كمـا هـي

ذبحتنـي بمحبتـك عشـر مــرات
على الرغم من ذبحتك هذا انا حـي !

من قبـل لا اقابلـك ماتعشـق الـذات
ومن يوم شفتك / صادروني هل الغي

وقطعت من شانـك جميـع العلاقـات
وطوتني الدنيـا علـى طاعتـك طـي

اعشقـك واحبـك واداريـك بسكـات
كثر الجروح اللي تجي من يدك فـي

ومن كثر حبك لا لفـت منـك كيّـات
اقول لـك:- مسمـوح وآقبّـل الكـي

واخاف ما املك شئ وتقول لي:- هات
واقول: تبغـى ذي.. والا تبـي ذي !

بخيّـرك ولـك الأمـر بالخـيـارات
اما تجينـي لـي والا تجـي لـي !!

لاتحسـب اللـي بينـا بالمسـافـات
وانت اقرب لثوبي على مسكـة ايـدي

بسهر معـك والليـل قلّـه سهـالات
ماني بخايـف عتمتـه دامـك الضـي

سبحان مـن بيديـه سبـع السمـاوات
خلا../ عيونك شمس ورموشك الفـي

كتبت فيـك ابيـات وابيـات وابيـات
وإليا لقيتك قلـت:- لاوالله / شـوي !

ميّت ولكن مانـي بضمـن الأمـوات
ميّـت بحبـك وانتـه تشوفنـي حـي

وإن كان حبي مـات ليـه المعانـات
انا بروح آموت / تامر على شـئ ؟!






لـ عبدالعزيز السبيل


اتمنى اني وفقت في الاختيااار


دمتم جميعا بحفظ الله