المسيار ......ابي رايكم

[رايقه]

بسم الله الرحمن الرحيم

السلام عليكم ورحمه الله وبركاته ...
مساء الخير صبايا وشباب ...
اول شي انا اول مره اكتب موضوع فسامحوني على اسلوبي بس بصراحه تونا راجعين من الاستراحه وحلقي يعورني من كثر ماصارخت اليوم >>>>>مافي اسلوب بالحوار ابد المهم ولا اطول عليكم اليوم ماادري من اللي فتح هالموضوع عن المسيار وزواج المسيار حاولت اصد ولاودي اتكلم لاني عارفه روحي اذا تكلمت عصبت وارتفع ضغطي خصوصا اذا اللي قدامي مافهم وش اقصد ماودي اطول عليكم بس انا قلت وش الفرق بين زواج المسيار والمتعه يعني ليش تحلل المسيار؟ الواحد يتزوج ولا احد يدري لاامه ولا ابوه ولا احد من اهله لا والمشكله يجيك بعدين ويتزوج له وحده ماتدري وين الله حاطها تحسبه ماقد تزوج يعني ليش الواحد اذا خطب مايقول انا كنت متزوج مسياااااار قبل من حقي كبنت اني ادري انه تزوج قبل ومر بهالتجربه ليش يعني مايقول؟ بصراحه هاوشوني وبدو يقولون لاتحرمين ماحلل الله والمشايخ حللو والخ ....
يعني مافهمو وش اقصد انا ابي افهم بس وش الفرق بصراحه عمتي قالت انه زواج المتعه يشترط الطلاق في العقد بس المسيار لا.. يعني هذا الفرق الوحيد >>>>>>سكتتني مااقدر انكر .
طيب الى هنا وماشي الحال بس يجون ويقولون لا يتزوج مسيار ماشاء الله عليه حصن نفسه هنا بصراحه ماافهم حصن نفسه على عيني وراسي بس ترى غصبن عليه يحصن نفسه يعني الزنا مو شي سهل الزنا يتقارن بالشرك بالله وبعقوق الوالدين كلها من الكبائر يعني ليش نعتبره رجال والنعم فيه اذا تزوج مسيار >>>>>رأي بنت عمي انه ماشاء الله عليه حصن نفسه طيب هو اصلا المفروض يحصن نفسه هالشي واجب عليه مو بكيفه عاد كلن وطريقته يااما يصوم او يتزوج بطريقه شرعيه مثل خلق الله او ياخذ هالطريقه اللي استغربها بس يالله يعتبرونها تحصين اللي هي المسيار بس المشكله انه عندهم عادي مايقول اذا بيتزوج (زواج شرعي )انه قد تزوج مسيار انا هنااااااااااااااااااااااااااااا مشكلتي يعني مادام انه حلال ليش مايكون رجال وواثق من نفسه ويقول يقولون ماراح يرضون فيه اوكي من حقهم هو سوا فعل ولازم يتحمل نتيجه فعله بس مو يدخل على بنت الناس على اساس انا البرئ اللي مافي احسن مني وهو متزوج ومجرب اللي يبييه هل تشوفون من حقه انه يخفي زواجه اذا من حقه وهذا اغلب اللي يتزوجون مسيار ليش يكون من حقه وفي كثير بنات يرفضون المطلقين يعني اذا بنت جاها خطيبين وواحد قد تزوج وانفصل مع العلم ان مواصفاته ممتازه وواحد مواصفاته عاديه بس متزوج مسيار وماقالها في كثير بنات بيتزوجون الثاني على اي اساس يصير هالكذب يكون غير قرارها كله وبنى حياته على كذبه لو هو قايل ممكن تتزوج الاول يعني قمه بالكذب اللي قاعد يصير انا اشوف ان كل واحد يتزوج مسيار مهما كانت ظروفه المفروض اذا جاء يتزوج يقول لبنت الناس حتى لو انرفض بس ارحم من النصب المشكله ان اللي يدافعون عن المسيار بنت عمي وعمتي اليوم كانو يقولون مانزوج واحد كان متزوج مسيار طيب اذا هم شايفين انه حلال وانه ماشاء الله عليه حصن نفسه ليش مايزوجونه يعني اذا هم عادي اذا ماقال ليش اذا صارح بالموضوع يكون لا
على العموم ولا اطول عليكم انا اشوف الزواج موده ورحمه في ناس ظروفها تجبرها تتزوج بهالطريقه بس يضلون حالات والمفروض الواحد يكون صريح اذا بيتزوج مره ثانيه ليش البنت اذا تزوجت من قبل خطيبها لازم يدري والعكس لا ليش اذا الوحده حافظت على نفسها لحد ماتتزوج مايحق لها بزوج نفس حالتها ليش ممكن تنصدم او حتى ماتنصدم يعني تكمل حياتها وهي ماتدري انه كان متزوج قبل نفسي اعرف ليش المسيار مايبين بعقد النكاح ...


ماودي اطول عليكم بس حابه اسئلكم ..

البنات وش رايك اذا خطبك واحد كان متزوج مسيار تتمنين انه يقول قبل ويكون صريح ولا يخفي الموضوع وتعيشون حياتكم ؟؟؟

الشباب اذا تزوجت مسيار وجيت بتخطب بتقول :
اذا نعم .....فانت ممن تنرفع لهم القبعه .
اذا لا ....ليش خايف يرفضونك اذا انت اللي مسويه حلال ليش تخفيه مو حلال والمفروض تكون واثق من نفسك اكثر .

الزواج موده ورحمه قبل لا يكون احتياجات ياترى هالشي موجود بزواج بالمسيار ..
لا تحكون على الواقع لاني مااتوقع فيه احد يعترف بزواجه نفسي اعرف ليه اذا هو حلال المهم انا احكي كدين وحقوق البنت كانسانه بغض النظر عن الواقع المرررررررررير.

وسلامتكم وسامحوني على هالاسلوب ..