سؤالين للشباب وسؤالين للبنات ارجو الدخول

[%الـــراســـي%]

[align=center]شهد : فيصل امي تبيك الحين
فيصل : وش تبي ؟
شهد : تبيك توديني السوق بسرعه
فيصل: لحوووول كل يوم مشوار ماني فاضي لك مشغول روحي لمحمد فاضي

000


شهد : محمد ممكن توديني السوق محتاجته اليوم ضروووري

محمد : معليش والله مشغول روحي لـ اخوانك < شكله من عيال الجيران

000


شهد : مساء الخييير خلوودي الغالي ممكن نروح السوق نتمشى ثم نتعشى < زانت الاخلاق
خالد : دام فيها عشى يالله مشينا تجهزي بسرعه


خالد جاه اتصال ....

خالد : هلا
صديقه : هلا ابوخلود تراني قدام الباب اطلع نبي نروح مشوار قريب خالد : اوكي جايك الحين

سكر السماعه وراح لصديقه وسحب على اخته
000


بعد هذه المواقف البسيطه ندخل في الموضوع
ما رأيكم في تعامل بعض الاشخاص لـ اخواتهم بهذي الطريقه ؟

هل أنت ممن يعطي اخواتهم حقهم من وقتك ويجلس معهم ويستمع إليهم ؟
هل لديك احد من أخواتك قريب من قلبك عكس باقي الأخوات ؟


هل أنتي لديكِ اخوان لا يهتمون لطلباتك ؟
هل انتي راضيه عن تعامل بعض الاخوان لكِ ؟


اريد جواب من الجميع وأريد الصراحه عنوان هذا الطرح مع ذكر بعض المواقف إذا أمكن


... !

في انتظار ردودكم ومشاركتكم و [ تفاعلكم ] [/align]

 

 

[`·.آلـحـآلـم`·.]

مساء الخير الراسي يعطيك الف عافيه ع الموضوع

صراحه كثير من البنات يشتكن من هذى الموووقف المحزن

ويجب تعامل الاخت معامله طيبه وحنيه من لها غيرك

بنسبه لسوالك <<الحمدالله ماقصر معهن في شي يحتاجنه

الاخت في مثابت الام خواتي اولا من اصدقاي والله يخليهن لي

مشكوووور الراسي

تحياتي لك

 

 

[.•°القـيـصـر°•.]

المشاركة الأصلية كتبت بواسطة %الـــراســـي%;115926
ما رأيكم في تعامل بعض الاشخاص لـ اخواتهم بهذي الطريقه ؟

هل أنت ممن يعطي اخواتهم حقهم من وقتك ويجلس معهم ويستمع إليهم ؟
هل لديك احد من أخواتك قريب من قلبك عكس باقي الأخوات ؟


[/color

] [/size][/font][/align]

يعطيك الف عافيه اخوي الراسي ع الموضوع

وبا النسبه لا الاسئله

راي في تعامل بعض الاشخاص في خواتهم زي ماذكرت

ان اقول الصراحه معامله بعيده عن مسمى الاخوه ومن كأن فيه خير فايبد في اهله المفروض ان الواحد يعطي كل ذي حق حقه حتى يكون هناك ترابط بين الاخوان


والله يا الراسي انت مثل مانت عارف وضعي ماشوف اهلي غير من شهر الى شهر واذا جيت اجي يومين او ثلاث وكلها تروح بين اخواني واخواتي وانت تعرف البير وغطاه



وبا النسبه هل في احد من خواتي قريب

مو مساله قرب هم في التعامل كلهم زي بعض مافيهم فرق

لكن في اولويات ماهي عند كل الخوات

يعني تكون الاخت الكبيره اعامله زي الصغيره يكون هناك فرق بسيط


وشاكر لك وأسف ع الاطاله

 

 

[شموخ النفس]

اولا مشكور خيو على هالموضوع المهم

ثانيا : انا ما جربت هالشئ من ناحيه الاخوان لاني ما عندي اخوان كلنا بنات

بس عانيت منه في حال انشغال ابوي بالدوام و عدم وجود شخص يوفر لي طلبي..
الا ما ندر يعني المره الاولى يبلبي و الثانيه يتعذر و الثالثه ما يرد

بس و لله الحمد الوالد مو مقصر و معوضنا و مو محتاجين لاحد

و بس.....&

تحيتي

شموخه

 

 

[كان زمان]

يعطيك العافيه اخوي
هل أنت ممن يعطي اخواتهم حقهم من وقتك ويجلس معهم ويستمع إليهم ؟
احيانا وليس دائما
هل لديك احد من أخواتك قريب من قلبك عكس باقي الأخوات ؟

نعم اختي الكبرى لها مكانه عندي غير اخواتي

 

 

[مهــღــآآو]

هل أنتي لديكِ اخوان لا يهتمون لطلباتك ؟
لا فديتهم الكل يبدوني على روحهم

والله يخلي السواق مايقصر

هل انتي راضيه عن تعامل بعض الاخوان لكِ ؟

تمام الرضاء من هم كلهم الا الصغنون شايف نفسه على مدري ليش ياحسره ما اقول الا كش عليه فديته

 

 

[%الـــراســـي%]

[align=center]عبود - القيصر -شموخ النفس - صاحبي - قطرة ندى[/align]

مشكورين على صرحكم الدائم
وعلى تفاعلكم ونطباعتكم
والى الامام

 

 

[مــنــادي]

والله شوف اللي يبدي الناس على أهله هذا بصراحة يبيله

يعيد التفكير مع نفسه ..

إذا ماخدمنا أهلنا مين يقوم على مطالبهم ومصالحهم ..

اللي مافيه خير أهله .. أكيد مافيه خير للناس

صح أنو راح يصير فيه شوي ضيق وململه ..هنا يجي دور الأهل

وكيفية تعاملهم معه ويفرفشون فيه من شان يسلك معاهم وينبسط

ويصير الوضع عنده عادي وأكيد اذا صار فيه مشوار ثاني رايح يصير الوضع عنده عادي ..

مشكورين على الحوار الشيق ويعطيكم العااااافيه


تحياااااااااااتي

 

 

[شاعر الحرمان]

هل أنت ممن يعطي اخواتهم حقهم من وقتك ويجلس معهم ويستمع إليهم ؟
احيــان لما اكـون مـوجود .. كل وقـتي لهــم

هل لديك احد من أخواتك قريب من قلبك عكس باقي الأخوات ؟
اكيــد ..

كلي شكر لك موضوع جديد بطرح جميل

تحيـــاتي

 

 

[%الـــراســـي%]

صحيح ماقلته اخوي منادي اللي يبدي الناس على أهله هذا بصراحة يبيله يعيد التفكير مع نفسه

والرسول عليه الصلاة واتم التسليم يقول((خيركم خيركم لأهليكم))اوكما قال علية الصلاة والسلام

مشكور اخوي منادي على ردك المتعارف