العالــــم القصيمي بندر وأنفلونزا الخنازير

[شيخ نفسه]

بســــــم الله الرحمـــــن الرحيم

الســــــلامـ عليكــــمـ ورحمـــــة الله وبركاتـــــــة
أخبارك وكيفكم حبتين الزحف كله
بشرووو كم صار وزنكم هالأسبوع
بـــــــلاش فضـــايح وبسكم بلع وش هالبطون
المهــــــــم
نسمع وش كتب لنا الراوي بندر

بينما بندر كان يفحط بالشارع على الددسن وماسك شوارع القصيم تفحيط آلا فيه جيوب سود تلحقه
بسم الله وش ذادايم تلحقني الشرطة اللي فيذا الله يستر >> اللكنه القصيميه هههههه
ومن شارع لشارع وملعون البليس وراه أخر شئ بندر حس أنه جوعان خش بالبقاله
قربعوووووووووووااا
ألا بندر بجنب المحاسب
أحم أحم لو سمحت عندكم عصير أبو نص بارد
قال الحين داخل علينا أنت وسيارتك وأعدمتنا وتسئل عندكم عصير أبو نص بارد
يأبن الحلال عندك ولا لا
أيه عندي
ركز عصير أبو نص بارد
يأبن الحلال عندنا
حرام عليك طلعه من الثلاجه لا يزكم ماعندك رحمه انت وخشتك اللي تقول علبة موية الحياة
مادريت ألا الباب اللي بجنبي مفتووح >> عفوا قصدي مخلوع ومحطوط بالثلاجه بجنب كرتون الدجاج
ويشيلني من شوشتي
يأبن الحلال ترى كنت امزح خلاص ياأبو سليمان والله أمزح ماأبي عصير بارد بس قل لخويك يفكني
يييييييييييييياولد ممممممماأعرفه هذا
أما ماتعرفه وبعدين وشفيك تتراعد شايفلك ديناصور أنت
طالع بجنبك وتشوف
يوم طالعت ألا سبحان الخالق يشبه نانسي عجرم >> أيه أفلقني
بسم الله وش هالضيخ اللي ماسكني كل هذا عشان تثير الجدل بالحاره المقدسة
كمان ويذ مي
يأبو سليمان هالهرش يبي أندومي
شطب
كثرله الشطه يأبو سليمان
ويشيلني ويسحبني للسياره وأنا أقول ماما وضحى ماما وضحى تهئ تهئ لا عز الله اللي رحنا فيها
ويوم وصلنا السياره قلت هيه أبي أركب قدام
قال: Ovlgueni Yashik>>> أفلقني ياشيخ
قلت ماشاء الله تتكلم برازيلي ياحليل أم جابتك
قال Do not talk about my mother>>> لا تهرج عن امي لأرخمك
طيب نمزح يأبن الحلال وراك اخذتها جد
ويقطني بالغماره اللي ورى
وأجلس ألا بجنبي ضيخ ثاني والله النشبه وأنا أطالع فوق وورى وتحت وأطالع للمسجل وكم كيلو ماشي الجيب
قلت ياضيخ
طالعوني كلهم قلت أنت كمل نومك بس أنت ياللي قدام
Yes
الجيب للبيع
قال Bridging the mouth>> يعني سد فمك
قلت طيب شغل لنا راشد الماجد لو سمحت ووقف وأشتري لي عصير سنتوب
ويشغل المسجل وتطلع شاكيرا وشوفوا بندر بوسط الجيب يامرة مطلع رجله مع الدريشه ولا الثانيه بوجه حدى هالضيخه ومافيه ألا قوة رقص دبكه
ويوم وصلنا ألأ المكان مو غريب علي كد جيته وأخذت منه خدامتنا أول ماجت من السفر
أييييييييييه عرفته
قال اللي قدام وات
هالمكان مو أستاد الملك فهد
طالعني قال هذا مطار يالرخمه
يأبو الشباب ووراك تهرج معي أنقليزي من اليوم
قال أسكت ومالك دخل
طيب مالي خروج
طالعني وهو وده يدوس ببطني
قلت خلاص أمزح امزح
وينزلوني وأركب طياره
قلت يالبيه هذي غرفتي الجديده
قال حنا مسافرين للندن
نسافر وأنا مامعي كرت العايله لا لا لا لازم نرجع نجيبه
قال أقعد وأستريح طلعنالك جواز
قلت شكلكم ناوين تخطفوني وتطلبون من أبوي فديه على فكره أبوي لو تبون فديه ريال ماعطاكم بيعطيكم بدال الريال ألف ويقول لا تردونه
قال لا حنا رايحين لأكبر مختبر بالعالم
مختبر حق مدرسه ولا وش السالفه
قال لا مختبر لأيجاد علاج لمرض أنفلونزا الخنازير
أنفلونزا الخنازير
أيه وأنت مدعو من قبل رئيس المختبر
أما رئيس المختبر بلندن يدعوني أنا
أيه انت معروف عندنا
وأنا اللي أرز خشتي وأعطيه ذيك الأبتسامه قلت ماشاء الله أجل شفت مقطع الأستراحه حقي
أي مقطع
احم أحم لا لا أمزح
ونكمل الرحله وانا أنسدح على الكرسيين واجرها شخير اللي شوي والسواق يحذف نفسه من الدريشه
وتقومني هذيك المزيونه مستر بندر مستر
قلت هلا وش عندك
قالت شو بدك على الغداء
قلت عطيني حبة على الفحم بسرعه وحليب نياق بااااارد
قال شو هيدا
قلت لا هيدا مأبي
أنصدمت قالت اوك
وأقعد اتقهوا وأجرها موالات اللي قدام أستانسوا شوي ويقومون يهزون على الموال
ويوم جاء الغدأ ألا المضيفه جايبه لي شوكه وسكين
قلت هذي ليش
قلت من شان تأكل
قلت أييييه روحي روحي الله يخليك لعين ترجيك وانا أقطهن على جنب وضرب بالخمس
ويوم خلصت وأنا أنسدح على جنبي
الحمد لله على النعمه والله مأقدر أتحرك من كثر الأكل
وأشيل نفسي وأروح للمغسله مشيتي تقول مرة حامل ويوم وصلت للمغسله قلت ياجونان وين الفيري
المسكينه ماتعرف شئ أسمه فيري
قالت شو هو الفيري
قلت الصابون حق اليدين وينه
أها بدك صابون هونيك مستر بندر
قلت الله يسلمك أقول وانا عمك روحي لأقرب سدره وجيبيلي منها عود
عود؟
أيه عود لأسناني
طيب وراحت وجابتلي عود
وبينما أنا أشرب الشاهي النعناع ألا والمعاوني حق السواق جاني
مستر بندر الحمد لله على السلامه
الله يسلمك حنا وين الحين بالبطحاء
قال شو البطحاء لا حنا بلندن
طيب ومتى نروح للمختبر حق الألعاب
الحين بنروح للمطار وبعدها تروح للفندق والليله أن شاء الله تجيك سيارة وتأخذك للمختبر
طيب
ونزلنا للمطار وركبوني ذيك السياره اللي حسبتها هي الفندق
وصلنا للفندق وأول مادخلت ألا هذاك الرجال اللي خشته عربيه بس مواصفاته مواصفات أجنبي جاي ولكمو وكلمو مستر بندر
قلت هلا هلا بس من انت
انا تامر
ونعم بس ماني بفاضيلك بروح أنام
أكيد اكيد العلماء بدهم يرتاحوا
أنتم وش سالفتكم على العلماء
ماشاء الله باين عليك متواضع
أيه حد الدعسه
وأروح لجناحي
يلعن خيره من جناح ماودك تطلع منه وأرقد والساعه 9.30 ألا هذا تامر مقومني
مستر بندر مستر بندر
هاه وش عندك
بدنا نمشي العلماء بينتظروك
طيب طيب رح للسياره وجايك
وأنقز أغسل وجهي وأجمع الصلاتين وألبس ذاك اللبس اللي من يشوفني يفك معي
لبسي طبعا شياكه ورونق وجمال وروعه >> أستر كل هذا باللبس
ثوب سعودي قلابي وطاق الكوبرى والنعول زبيريات
وأنزل وأركب مع تامر ونروح للمختبر يوم دخلت الا الشله يصفقون ويرحبون فيني
قلت تسلمون تسلمون على هالترحيب
ويجيني الرئيس
بترجم لكــم الهرج بالعربي >> ماشاء الله كم لغة تعرف
هلا هلا بالعالم بندر
قلت ياهلا فيك
قالي أخبارك
قلت الحمد لله
وأخبار دياركم
قلت لا تسأل عن الحال الشعير غالي والناس زعلانه
الله يعين المهم
أيه هذا اللي أدوره أنا المهم خلنا نخش على طول
لم طلع مرض أنفلونزا الخنازير كلفنا بأيجاد علاج مناسب له
شي جميل
وحنا نبي منك تساعدنا
أساعدكم ؟
أيه وودنا نستفيد من علمك
طيب مو مشكله >> مادروا أني ناجح بالثانويه بالدف
وتجمعوا هالعلماء وأنا ألبس معهم هالبالطوا اللي يشوفني يقول من طلاب الكلية الصحيه
جوني أثنين قالوا
What do you see Mr. Bender in this case
سيم لا والله ماعندي لو معلمني كان جبتلك من الديره بس أحسلك دور حبل
What
انت لا يكون شاري غنم وتبي وايت وسيم للشبك
Are you crazy
لا والله ماني بعنزي أنا مطيري
Walked walked by
لا والله مالي بالغدأ لا تحلف يارجال
ومشوا عني وانا اللي أقول أشوا عرفت آفتك منهم >> مبين أفتكيت منهم
قام رئيس المختبر وقال على كل عالم يقدم وسيله للوقاية من هذا المرض
كل واحد قدم أنا أبتلشت مسكت دفتر أبو أربعين وقعدت أشخبط وعطيتهم الورقه قالوا راح ندرسها وبكره ان شاء الله نشوف أفضل رأي عالم قدمه
وأنا اللي أستانس يعني بروح للسرير الحين
وأول ماصفرت الحصه > أنت بمدرسه ولا بمختبر
وأنا أنطلق للسياره ألا هذا تامر ينتظرني وماشاء الله كايف الرجال مشغل نانسي
قلت دز دز تامر بروح انام
طيب تكرم عينك مستر بندر
ووصلنا للفندق وطر مع الدرج >> ماني بفاضي للفت
وعلى الجناح وأدز بابه تقول ثور هايج وأنسدح على السرير مأمدى ألا وأنا نايم وتارك الباب مفتوح
الساعه 2 بالليل الفندق مافيه ألا أنا والرسبشين والحاجزين هجوا من الشخير
وقمت الصبح ويمرني تامر
قلت تامر شوف لنا محل كبده خلنا نفطر >> كبده بلندن
لك مافيه مستر بندر هون محل كبده بس بروح أفطرك باحلى مطعم
ونروح للمطعم ونفطر ونترك التفاصيل وبعدها أروح للمختبر
ويوم جيت كانوا ينتظروني عشان يقول رئيس المختبر من الذي قراره الأفضل من باقي القرارات
قال الرئيس
لقد تمت دراسة جميع القرارات ووجدنا أن قرارالعالم بندر هو الأفضل
انا أنبلهت قلت اكيد انا ولا أخاف فيه واحد ثاني
وجوا يباركون لي وهذا اللي يقول منك المال ومنها العيال والثاني اللي يقول الله يعطيك خيرها ويفكك من شرها >> هذولي الظاهر مسطحين
طلب مني الرئيس أقوم وأشرح لهم اللي كتبته
بسم الله والحمد لله رب العالمين والصلاة والسلام على أشرف الأنبياء والمرسلين
أما بعد
الوقائه خير من العلاج
لدينا خمس خطوات للوقاية من هذا العلاج سأقولها بأختصار
أول شئ لبس خيشة من الشعير بعبارة أنها لبس واقي
ثاني شئ أكل لحم الضب
ثالث شئ أنا ماني قايلكم وش تبون بالخنازير أحسن شئ لحم غنم بلدي
رابع شئ تأخذ كل يوم ملعقتين من العنزروت والتشم خوى جوى
وأخيرا تلطم بشماغ البسام
والحمد لله رب العالمين
وقعدوا يصفقون ساعتين
وأنا اللي أنزل وأقول للرئيس ممكن أرجع لديرتي
قال أيه راح نرجعك وجاني تامر ووداني للمطار وركبت نفس الطياره وجونان بعد هي المضيفة وبنص الطريق قلت لجونان وأثنين موجودين تعالوا تعالوا خلونا نلعب ورقه
ولعب ولعب ليما وصلنا للمطار وألا جوال سواق الطايره يدق
هلا
المتصل : أكتشفنا أنه مو العالم بندر
أعوذ بالله متأكد
أيه
طيب طيب
وشوي ألا انا محذفون في مطار القصيم وشنطتي صافقتني على راسي تقول هندي تو جاي
قلت أييه النعمه أذا خلصتوا منها قطيتوها
وأروح أشر على الخط ويوصلوني لحارتي وأشم ريحها اللي يرد الروح >>> ريحة معطره ماشاء الله


انتهــــــــت الروايه




وأنا رايح للكلية جتني فكرة كتابة هالموضوع أتمنى يعجبكم
ماأمداني ألون وأشكل يكفي الوقت اللي أخذته وأنا أكتب فيه
خبر عاجل
تصدقون أن الزواج صاروا يطلبون قدرات ونسبة بالثانوية





تحياتي
بندر