₪
يُمَه ذبحني بغلاه ... وطبعه الهادي
هو صاحب الفضل في هالعشق ... والمنة
مدري انا الباديه ... والا هو البادي
بس المهم... الهوى.. فينا غرز سِنه
والله يا حضنه.. حضن .. وشفاهه تنادي
وجــوارحي.. كلهن... يُمَـــه... يلَبِنه
يُمَه وربي انا.. ماألوم.. حسادي
ادري بهن ...حاولن بالكيد.. يغونه
وهو يتحمل غثاي ... ويعشق.. عنادي
يموت ..بي موت وغيري ..ما درى عنه
يُمَه... تماديت به والقلب ..متمادي
ومشاعري ضيعن.. قلبي ... وذلنه
من قبل اعرفه ..وقلبي.. بالهوى غادي
وعقبه.. عرفت النعيم... وريحة الجنة
انفاس صدره اذا فاحت زهر كادي
اقرُب من... شفاهه.. الحلوات وآكنه
ادري الهوى شين ... لكن ربي الهادي
يمكن يجي يوم وانسى ... بس ما اضنه
شابت عيونه.. على فرقاي.. وبعادي
وذابت حوايف خصر (.....) من الحنه
اقول خذني " من الوادي ... الى الوادي "
ويقول بس ...اركدي ... واجيك بالسنه
وركدت يُمَه ... ولكن طَوّل.. ركادي
متى البشاير.. يجن قلبي.. يهزنه ...؟!
اقلق مزاجي هواه ... وعكر رقادي
وعروق.. قلبي من النشوه.... يحزنه
افز من عز نومي ..بحلمي.. انادي
اوِن بإسمه ... وترجع لإذني الونة
اللي عشق غير خلي ... بالهوى غادي
واللي عشق غير خصري ... بايخٍ فنه
يُمَه يقولون عشق البنت "مو عادي"
والا الولد لو عشق يمكن يجي منه ...؟!
₪
08-05-2009, 10:00 AM
يـםـوتے بيے םـوت وغيريے² ما درىا ξـטּـﮧ . .
العرض العادي
