[ أنا إنسَان مَع نَفسي قَبلْ لا أكون مَعكْ إنسان ]

[شيخ نفسه]

<div>السلام عليكم ..
مبارك عليكم ماتبقى من العشر ..
وكل عام وانتم بخير بمناسبة قرب حلول عيد الفطر ..

الله يتقبل منّا صيامنا وقيامنا ويجعلنا من عتقاء النار :rose:



هالموضوع فكرت اكتبه بعد كذا موقف حصل لي ..
إستفدت منهم كثير وحبيت افيد غيري ..

بدايةً احب اقول مافي احد منا متصافي مع الكل ..
حتى وان قلنا اننا مو زعلانين على احد لابد تبقى في جواتنا حاجه مضايقتنا من شخص
او شايلين عليه .. يمكن على شي يسوى ويمكن يكون شي جدآ سخيف ..


اللي بقوله عن نفسي ويمكن تشوفون انفسكم فيه ..
قبل فتره كنت متضايقه من وحده وشايله بخاطري عليها على انها ماتدري ولا فكرت ابين لها و5
خصوصآ انها قريبه لي مره بس من دخل رمضان وانا افكر فيها ..
مع انها كبيره بالعمر وام عيال يعني مافي شي يخليني افكر فيها كذا !
وغصب عني ضميري يأنبني .. لما اتخيل لو جاء يومها .. وانا ماحللتها وش بيكون موقفي لحظتها ! ص4
ما اتخيل اني بأسامح نفسي = (



قررت اني أسامحها وأحللها هي و كل من أخطأ بحقي .. بعلم منه او بغير علمْ ..
لإني صرت احاسب نفسي بعقل .. فيه تصرفات تصدر مننا نحسها شي عادي لإننا ندري وش نيتنا
لكن لما تصير من غيرنا حتى لو نفس التصرفات بناخذ على خواطرنا وبنقول ان ورا هالكلام شي ثاني
صرت قبل لا أحكم على احد احط نفسي مكانه ..

وأتذكر في قصه على ايام الرسول صلى الله عليه وسلم ه1
ناسيه احداثها بالضبط بس فيها خُلق عظيم ياليتنا نتعلم منه
" كان فيه رجل قيل انه بيدخل الجنه بدون حساب ..
استغربوا الصحابه لإن صلاتهم اكثر من صلاته وصحبتهم للرسول اقوى من صحبته
يعني مافيه شي زود عنهم , طبعآ بنظرهم
وكان السبب انه في كل ليله قبل لاينام يطهر قلبه من اي حقد او غضب على اي شخص يعرفه "

بعدها احس اني تغيرت للأفضل ..
واشياء كثيره تغيرت نظرتي لها ,
لإن سبحان الله التسامح و صفاء النيه كلها تهدّي البال , وتسعد القلب ..
شي مدري شلون اوصفه لكُم ..
ودي الكل يجرب اللي حسيت فيه .. لإن وقتها بتحسون قد ايش كنتوا سخيفين
انكم ضيقتوا خواطركم على اشياء بايخه .. خاصه بين البنات هالشي بزياده عندنا
و بعض البنات الله يهديهم وانا منهم
نتهاون بمسألة الظنون .. ياكثر ما نظن في ناس مالهم دخل ..
مع ان الظن السيء شي مو بسيط , وماننسى قوله سبحانه : [ ياأيها الذين آمنوا أجتنبوا كثيرا من الظن ان بعض الظن أثم ]

الظن مو بس اثم .. الظن اشوفه ظلم
لإن الواحد مايظن الا لشيء مو متأكد منه

صفات ودي نتركها مره وحده وادري صعبه بالبدايه ..
بس لازم لازم نتغير وفرصه هالأيام المباركه الواحد يبدأ فيها بدايه صالحه ..
الغيبه - الشماته