:. كـان قلبي لكــ مدينه .::

[ترانيم عشق]

ما تغيَّر شي .. لكن .. صارفاضي هالمكـان
يعني إنتَ شفت قلبي طحت مِنْ عيني وعينـه؛؛


كان لك قلبي مدينه ولاحظ إني قلت : ((كان))
يعني إنتَ الحين واحد ((خارج حـدود المدينه))!


ليه مستغرب كلامي وليـه أعطيـك الأمـان
وليه تَكْذِب في كلامك العـذر وينـك ووينـه


ما ألومك كان قلبـك ثـارت أمواجـه وخـان
الخطــا منَّي لأني صرت فـي بحـرك سفينـه؛؛


والسؤال اللَّي كتمته وما نِطَـق فيـه اللسـان
كيف إيدك إطعنتني وآنا أحْسِبْهَـا أمينـه ..؟


جرحي ما يرضيه قلبك لو يجـي كلِّـه حنـان
لو تبــوس الجرح فيني ولـو تقبلهـا إيدينـه


يُوم أحبك قلت كلمه : ( يكرَم المرء أو يُهان )
وإنتَ قلبي ما كرمته وما قدرت إنِّـك تهينـه


( عزِّتـي ).. ما هي جديده آنا شامخة من زمان
إغسل إيدك من رجوعي وروح يا إبن اللذينه


طاب خاطر قلبي منِّك وهذي الفرقـى رهـان
وحتَّى لو قلبي يحبـك ربِّـي بفراقـك يعينـه


تدري لما قلت أحبك قلت وما عنـدي ضمـان
وإختياري كان خاطىء تجربه بالحيـل شينـه


كنت تخطي وكنت أسامح مرَّه مرتين وثمـان
أدمح الزله عشانك وأكتـم أنفـاس الغبينـه


كنت أحبك وكنت أعزك والغلا فينـي جبـان
اخاف تزعل لو ألومك ضعت ما بينـك وبينـه


في عيون الناس عادي بس في عيني جنـان
وكان قلبي من يشوفك تفضحه نظـرة حنينـه


ماني أوَّل من يحب ومنتَ آخر شخص خـان
المحبه في زمانك بحـــرها من غيـر مينـه


الفشل .. كان النتيجه وأعتقـد آن الأوان
أبني مستقبل حياتي وأنسى قصتنـا الحزينـه


وخطوتي الأولى غيابك وراح أطبقها عشـان
يبكي قلبك لا فقدني والندم .. يملـي سنينـه


جاي تسأل عن مكانك !! هو بقى فيني مكان ؟؟
الله يرحمها المشاعر اللي كانت لـك رهينـه


قلت لك قلبي ( مدينـه )فيها لك حشمه وشان
لكن إنتَ الحين أغرب شخص في هذي المدينه !!


\

برقة احســاس :أحمد الصانع!


\



((بووووح)):



شف غيابك وش يسوي بالصدور وبالمباني
وانت تدري كيف كانت صدمة غيابك شديدة
--
والله انـك لـو وصلت البيت متأخر ثواني
مـاتشوف الا بـقايا من حصاه ومن حديده


::


دمتم بـــــــــــــــود

ترانيم عشق

 

 

[نمله دلوعه]

ماني أوَّل من يحب ومنتَ آخر شخص خـان
المحبه في زمانك بحـــرها من غيـر مينـه

الفشل .. كان النتيجه وأعتقـد آن الأوان
أبني مستقبل حياتي وأنسى قصتنـا الحزينـه

وخطوتي الأولى غيابك وراح أطبقها عشـان
يبكي قلبك لا فقدني والندم .. يملـي سنينـه


صـــــــــــح لســـــــــان شـاعرها
وتسلمي ترانيمـ على النقل

 

 

[صاحب القرار]

اشكرك وتقبلي مروري وابدعتي بالنقـله يا ذ وق

 

 

[ترانيم عشق]

نموووووووووله يسلمو على المررور

وشاكره لك تعطير متصفحي

دمتي بوووود

ترانيم عشق

 

 

[ترانيم عشق]

صقررررر الذوق مرورك وتذوقك الشعر

شاكره لك رررردك وتشريفك

تقبل ودي واحترامي

تررررانيم عشق

 

 

[حلا الكوون]

جاي تسأل عن مكانك !! هو بقى فيني مكان ؟؟

الله يرحمها المشاعر اللي كانت لـك رهينـه

قلت لك قلبي ( مدينـه )فيها لك حشمه وشان

لكن إنتَ الحين أغرب شخص في هذي المدينه

أبيآآآآت رووعة ...


الله يعطيك العافية ,,,

دمتي بود ...

 

 

[.•°القـيـصـر°•.]

يعطيك العااافيه

ابيات رائعه يسلموااا

تقبلي مروري

 

 

[ورد جوري]

شكرا ترانيم بس القصيده موجوده

http://lk44.com/vb/showthread.php?t=...E3%CF%ED%E4%E5