مع..او ضد...؟؟

[عيوني حزينه]

يؤيؤ سعودي أسفة وربي ماشفت ردك .. طلع ردنا مع بعض ،،


بس راح أجاوب على سؤالك *_*


طبعاً أنا ضد .. أنا أتصور اللي يتصرف كذا هذا شخص جاهل يدفع كل مالة على شئ ماهو


مضمون .. منتهى الغباء ..


/


سؤالي مع / ضد إتبااع الموضة ؟؟ ^_^

 

 

[مُذهِلـه]

سـع ـودي الـعـز ودلوووعه راح أرد على أسئلتكم الاثنين بما انها في نفس الوقت ^_^

سؤال سع ـودي / أنا ضـد , لأن غلط ان أحد يحط شي مهم مثل المهر في اسهم ماهي مضمونه والطمع يفرق ما انجمع ..

وسؤال دلوووعه / أنا مـع بس في حدود قناعاتي ..


وسؤالي ,,,

مـع أو ضـد / خروج العائله مع السائق الخاص ؟؟

 

 

[طيف الروح]

[align=center]ضد .. بس في حالات يكون هو الحل الوحيد

/

/

اللي بعدي .. نفس سؤال مفاهيم[/align]

 

 

[عيوني حزينه]

ضد

/


مع / ضد قسم الإلعاب في المنتدى ؟؟

 

 

[وريقـــ أنثــى ـــات]

مـــــــــــــع


مع/ضد سمـــــاع الأغانــــــي

 

 

[»» الـعـزٍ ««]

محرمه شرعا ياورقه .. وأي شي محرمه الشرع

بدون تردد نقول ( ضد ) وبدون تفكير

ممكن احنا نغفو ونسمع .. بس الشي الصح انو ( ضد )

ونقول يالله بيوم من الايام نتركه ان شاء الله

.

.

مع أو ضد .. مقولة ( تشتاق لك العافيه ) بحال قال لك أحد .. مشتاق لك

 

 

[مُذهِلـه]

مـع وليه لا دامها بتشتاق له يعني تلازمه ع طوول ^_^

تيب سؤالي ,,,

مـع أو ضـد الزواج في سن مبكر ؟؟ " أقل من العشرين"

 

 

[عيوني حزينه]

أكيد ضد ،،

/

/
مع / ضد عمليات التجميل ؟؟

 

 

[»» الـعـزٍ ««]

عمليات التجميل تتعدد ..

فيه عمليات التجميل ( للعيب )

بمعنى .. والله فلانه لاسمح الله احترق وجهها من الفرن أو يدها واهي تكوي الملابس

وتغيرت الملامح وصار فيه عيوب ..

أو فلان صار له حادث وصار فيه عيوب خلقيه تحرجه امام نظرات البشر

هذا ( حلال شرعا )

يعني اللي فيه سبب لهالشي نقول حلال .. ومع

طيب بخصوص عمليات التجميل اللي بدون سبب يذكر

يعني والله لاحريق ولا حادث ولا شي !!

أذكر أتابع برنامج فتاوي وكانو مستضيفين فضيلة الشيخ ( عبدالله سليمان المنيع )

واتصلت حرمه تسأل عن حكم عمليات التجميل

قال لنفرض أنك راح تعدلين في انفك انو مو عاجبك

شاوري ناس عندك اسأليهم مثلا صديقاتك

قولي هل تلاحظون بأنفي عيب يعني مثلا كبير أو أعوج أو غيره

ان قالو ايه .. خلاص حلال وان قالو عادي وطبيعي .. ( لا ) مايصلح

بين لها ان الشرع مايسمح الا ( للحاجه فقط )

أما والله تبي بس تتزين وتحلا زياده مثل اللي نشوفه بوقتنا الحالي

من نفخ وتضخيم وتغيير الوان بشره وغيرهـ .. ! ( ضد وبقوهـ )

....

جوابي بالمختصر وبمعنى أدق

الشرع بين الحلال والحرام فيهم ..

اللي حلال أقول ( مع ) .. واللي حرام أقول ( ضد )

.

.

دلوعهـ .. سوري يمكن تعمقت بالإجابه وتشعبت لحد ما

لكن مثل هالأسئله لابد نبين اللي نعرفه .. خصوصا ان الدين له رأي صريح فيها

يعني المسأله مو مسألة طرح رأي والسلام ,,

..

هل أنت مع أو ضد .. دخول الشباب على الحريم في يوم العيد ومعايدتهم ..

بمعنى أصح .. بعض العوائل فيه عادات وتقاليد معروفه

بس يوم العيد يسمحون للحريم والرجال يختلطون لساعه تقريبا ويتعايدون فيها

مع العلم .. ان الحشمه والإلتزام بالحجاب موجودين ..

لكن سؤالي .. عن المقابله نفسها ..؟

 

 

[وريقـــ أنثــى ـــات]

مــع

عادي مافيها شيء مع تواجد الحشمة



ماتنزل تعايد بجدتها الا لما يمشون الرجال<<< ^_^


ماعندي جرأة بصراحة وماكلة انتقادات من الكل ,لأني ماأسلم على عيال عماتي وخالاتي حتى لو صادفتهم,


مع/ضد

تحجب أغلب السعوديات حاليا وترك لبس النقاب


وهل تفضل أن يتحجب الجميع من السعوديات؟..