ضريبة غلى

[شيخ نفسه]

____ ضريبة غلى ___

يحترف وجهك غياب
ويحترف قلبي شجاعه
واتصبر في غيابك والله أعلم بالخفي
مايعنّيني عذاب
ولا تنسّيني قطاعه
والمنافي تتعب بوجهي وهي تركض نفي
ياولوج الفين باب
مابقا بي إستطاعه
ماتحملت الفراق و يامعاذيري قفي
لو تسنبل بي مصاب
ولو تمسغب بي مجاعه
كل ماجاعت شعوبي قلت صيحي واهتفي

للسنبله
والقمح والجرح والعصفور
لـ / الظن والمستور
لـ / اللي نثر صدق الوفا بالدور
بعده تموج عصور
بعده تلوج صدور
بعده تروج عطور .. لي قلب ماهو قلب
هـ القلب / عش طيور ..
للغايب الف حضور

يموت شوق ولاتعيش المصيبه
... ويُكره صبر لو كان ماهوب راضي
أثمن وجع لا هز صدر الحبيبه
... حبٍ كتب حاضر بطعنات ماضي
ياعندلٍ من عشب جوفي قريبه
... تستاهلين اللي نبت في فياضي

تستاهلين .....
الونّه اللّي بالحنين
ونّة على عشقٍ دفين
ونّة حنين
حنّة ونين
واللي خلق
إنك مناره من ألق
وانّه ربطني في غلاك
المعتلي رب الفلق
لا تسألين
تستاهلين

كان وضعي في غيابك
نظرتي لعيون بابك ....
وكنت اقول ان الغلى حمله ثقيل
لين من ضعفي .. تسربلت بغيابك ....
وكل ذاير ريح جابك
والتهابك
قلب
لاهب الهوى عيّأ يميل
غير مع حضرة جنابك
وانت تاريخٍ طويل

مع كل شهقة صدر ياصاح ماغبت
ومع كل طرفة عين تختال عينك
ياملح كل اللي وطا القاع ماتبت
ولايجي مخلوق بيني وبينك
شفني للمعة/ ضحكك اللؤلي / ذبت
وتمذهلت كبدي لـــ/ لمسة يدينك
وشفني لطلّة / طفل/ وجهك تشربت
لين أينعت روحي بهتّان بينك
لاجا طرف عقلي / تسائلت وش جبت
وان غاب وعيي ف أنت سدّدت دينك
ودّك بتعذيبي تراني تعذبت
مابين ياهمّي ! ومابين وينك
وان كان انا يامتلف ضلوعي أذنبت
عذري غلاك وجرم طغيان زينك
وبـــ / كل شهقة روح ياصاح ماغبت
وبـــ / كل غفوة عين عيني بعينك
.
.
لوتسهر عيوني
لعيون مضنوني
ماهمني
سهري
لن السهر له عشّ
وطيوره عيوني ...
ياسيّد طعوني
ياشاهق جنوني
ياوجه صبح الــــ / خير
ياللي سنينك غير ...
ياللي سكنت الــ/ فوق
ياللي هبل / ني شوق ....
يامسهر عيوني .....
ي
ا
س
يّ
د
شجوني ....