دخ‘َـيلكـ لآ تَصَح‘َـينـيِ ..!!

[شيخ نفسه]

مدخل..}~

حتى الحنينْ إللي ملى خاطري أمسْ
......... حسوه فينيّ / في تناهيد صوتيّ

في داخلـي جمر لكـن مـا يدفينـي
................. من يشعل النار في صدري ويدفابي !!

من يجمع الغيـم بيدينـه ويسقينـي
................. واصب عيني لعينه واحطـب اهدابـي

من ياخذ النوم من جفني ويسرينـي
.................ويعلق الصبح قبل اصحى على بابي!!

تعبت اوطّن بقلبي شخـص ينفينـي
......................تعبت اهجّر حمامِ حـب محرابـي !!

تعبت اقطّف حروفي مـن بساتينـي
.................... والناس تعجب وانا مانلت اعجابي !!

يا اول الحـب وينـك او انـا وينـي
..................... تغيب عني كأنـك تعلـن اغيابـي !!

من غبت عني وانا والله مـا ابينـي
...................ضيقت خلقي وضاقت فيني اثيابـي !!

اعد عمري الحقيقي واحسب سنينـي
......................لقيت عمري معك ما جاوز اتعابي !!

طلبت قلبي وقلت ابشر ومن عينـي
.....................واعطيتك اللي تبيه وقلت بسبابـي :

يبذربي الحب من صغـره ويجنينـي
........................الين شفتك زرعت الموت بترابـي !!

حريتي معك ! لكن عطنـي ايدينـي
.....................اخفي بها حزن متسلطن بهدابـي !!

محتاج انـام ودخيلـك لا تصحينـي
.......................الا على انفاسك اللي تشبـه اطيابـي

مخرج..}~

أشهق ويتناسل حنين , من حنين , من حنين .............
وأنا أتساقط لك .. تعب , تعب , تعب . !